WinMX「你還有10秒投降」的改圖
假海關假罰款騙財事件發生於2004年6月，在香港的網絡社群流傳海關上門向非法下載者收取罰款的傳言事件。
事件內容[]
有關內容是指有網民被「有關人員」循著IP， 得知他曾非法下載音樂要求上門循查，如果事主不開門則被警方逮捕。於是，該網民無奈下便給「有關人員」調查。其後「有關人員」指該網民不但下載六首歌，每首歌曲「罰款」五百元，共「罰款」三千元。而且用盜版微軟視窗軟件，該網民的電腦亦被「充公」掉。
事件傳出後，令不少網民擔心成為受害者。不過，這件事後來經海關和業界解說後，指他們不會專門派人上門徵收罰款。海關方面只會透過傳票或由法官向當事人罰款，而業界指只有唱片公司、歌曲出版人才有權向網上上下載者收取版權費。
而事件的新聞，更一度成為網民惡搞的題材，指執法人員破門入屋去逮捕非法下載網民，以及WinMX的改圖。
原文[]
| 各位小心winmx黨呀
小心俾人呃呀，我個fd俾人呃左三千蚊呀 用winmx原來唔會俾人拉架 但係近來有人扮海關拉人呃錢呀， 佢地扮海關上門話人用winmx，然後罰人地錢..... 仲將你部電腦拎走，各位小心被騙呀! 件事係咁既: 近來好多人都話用winmx會俾人拉，我本來都信架， 所以我都唔用winmx，仲即刻刪埋... 有日我上我個FD屋企，佢又用緊winmx，之後我叫佢刪左winmx， 佢又唔信喎。 隔左一陣，有人o禁鐘，佢話佢係海關喎， 查到ip，你部機用winmx下載非法音樂， 要每首歌罰五百，仲話要入屋睇， 我個FD唔俾佢入，個海關話CALL差佬上黎， 你仲麻煩，所以我個FD俾左佢入黎。 之後個海關一睇，我個FD部機winmx下載目錄有6首歌， 所以落街o禁左三千俾佢，個海關一睇，仲話部機用老翻windows， 所以要拎走埋部機... 點知，我地打電話俾海關問下佢地有冇拉人，佢地話冇， 我個FD就俾人呃左部電腦同三千蚊喇 各位，如果有人話係海關拍門要你俾錢，唔好信呀， 打電話俾海關先好俾佢入黎呀! 香港海關24小時電話查詢電話係:2815 7711 請傳開去...小心唔好俾人呃!
|
註解
- ↑ 小說村論壇：網民誤信假海關，無辜破財三千元，2004年6月30日（轉載《太陽報》報導）
相關條目[]
外部連結[]
- 公眾投資168綜合論壇：【轉載】假海關假罰款 網民破財三千，2004年6月30日。（轉載《東方日報》報導）
- 小說村論壇：網民誤信假海關，無辜破財三千元，2004年6月30日（轉載《太陽報》報導）