學民潮文

學民潮文源於學民思潮於高登出文，批評警方出爾反爾，突然要求學民思潮走上行人路，會員「郭兆強~」以潮文回覆。

原文[]

睇你負責上網打文，係學民個地位都唔方高得去邊[sosad] 嗱宜家就醒你一個方法，等你上位#good#

你襯學民搞緊64，乘機係內部吸納多啲自己既人，好似共產黨抗日果陣係國民黨後方咁，到搞完64，你既人馬同係黨內既地位應該都足以俾美黃之鋒，呢個時候佢都要俾啲面你，你再發動政變，食左成個黨黎做，坐黃之鋒個位，成個學民全部都係你既人，之後大家都知自上年國教單野之後學民思潮係香港已經舉足輕重，唔好講cy，連習總都要忌你三分。係呢個時候你扮投誠，歸順共產黨，咁習總見到你地唔搞事佢自然會俾權你俾個香港你睇，就係咁忍辱負重臥薪嘗膽三幾年先，慢慢係民間散佈你啲政見，潛移物化，係民間樹立你既形象，好似1920年代共產黨係華北做既野咁，佢地一定唔知你竟然會用番呢招去對付佢，當然香港無農民，中產既唔好搞佢地，主力係富豪同基層人士身上，原因一陣講。又過番三四年度你既思想控制已經頗有成效，中央對你既戒心亦日漸降低，係時候做下一步。頭先咪話主力籠絡基層同富豪既，係呢個時候你應該都有所收成架啦，富豪提供資金，基層提供人力，其實已經可以成立到一支軍隊。當然，同解放軍比當然死路一條，但只要有錢，註港解放軍相信都會係你控制之下。就係咁，你可以叫做一個獨裁者，香港你睇哂，但同時要繼續令習總覺得風平浪靜，無事發生，係呢個時候，派幾位由一開始已經忠心耿耿既親信去澳門同台灣，兩個地方既基層都唔多妥大陸人，繼續分化離間佢地，但千其唔好驚動中央，要學當年共產黨咁玩地下滲透，擁有註港解放軍同埋你果支自家制軍隊既你，相信要食埋台灣同澳門都唔難。宜家你已經擁有左港澳同胞既力量同資金，台灣同胞既政治仇恨，你欠既只係一個機會。呢個時候習總應該會發現唔多妥，召你上京，你就用辦法解釋話華南地區有動亂，叫佢俾幾手兵你揸旗平亂，咁長江以南既地區已經落入你手下，全中國最富庶既江南俾你攞左，習總得番啲黑龍江大西北，呢個時候萬事都俱備，但爭少少野，就係一個共嗚度高既名。希特勒叫元首，毛澤東叫毛主席，你就一於叫中國隊長啦，夠簡單，易稱呼。去到呢一刻你手握兵權，土地，資金，民心，已經可以向習總哂冷。去到呢個時候，全中國都係你既，想點玩，就點玩啦。;-)

會員益力多123期後指出，負責上網打文的是「新西小隊隊長」，郭兆強~則以潮文回覆：

姐係新界西指揮宮？咁都應該幾大粒[sosad] 應該有啲親信啦，由新界開始做起

用法[]

在膠登中，此潮文一般用於暗示對方為學民打手，一般為貶義。以往在高登亦有使用，但並不算廣泛。

因應時間推移，潮文亦有所修訂，例如在開首把「64」改成「政改」。

註解

外部連結[]

高登討論區：[學民思潮] 警方破壞關係學生逼上絕境

使用範例：