FANDOM


明珠評述孖寶」,亦稱「明珠爛GAG孖寶」、「明珠9 UP孖寶」,是指2008年北京奧運期間於無綫電視明珠台擔任賽事麗音粵語評述的石金華(又名石仔)及陳恩能(又名丹尼爾)。

上位經過

2008年北京奧運無綫亞視分別轉播,其中無綫在翡翠台高清翡翠台明珠台均設直播時段。由於明珠台出鏡主持人為英語評述,無綫安排廣東話於第二聲道播出,故此他們只是「有聲無樣」。

「明珠評述孖寶」經常由早上九時評述至晚上十一二時,期間他們只能抽空數次進食,故經常出現薯片聲或杯麵聲過大的問題。由於明珠台非主要頻道,播出的賽事大部分都是悶得離譜或過份冷門,所以他們有大部分時間都不是評述該賽事,而是談論無關痛癢事情,例如講述自己過往事跡,期間經常出現一些含有「爛gag」及搞笑評述,於是有網民將他們的搞笑評述收錄及整理,並放上香港討論區高登討論區公諸同好。

2008年9月3日,《明報》刊登了明珠評述孖寶的專訪。專訪提到,「在網民當道的新世代中,他們紅了」。 [1]

2016年,由於丹尼爾於巴西採訪奧運,因此明珠台的巴西奧運粵語評述由石金華與翁金驊負責。

兩人簡介

陳恩能

據《信報》報道,陳恩能是香港運動員的經理人,負責一切與運動員的公關工作。兼職為於Stars Sport等收費電視擔任Formula One 旁述,拍檔為沈國成等,在Eurosport開台期間,陳恩能亦有評述如單車、足球等節目,嶄露頭角,直至擔任明珠台的粵語奧運評述才大放異彩。

石金華

「石仔」有多年執教足球隊經驗,並任職無綫電視體育組記者多年,於《球迷世界》一類節目擔任外勤採訪,亦曾採訪過多屆奧運及亞運。於1996年採訪阿特蘭大奧運會時,現場第一時間訪問奪得香港第一面金牌的李麗珊。[2][3]其十多年旁述經驗,與陳恩能拍檔更是一絕。

網民反應

自從明珠評述孖寶的搞笑評述被網民轉載後,其他網民反應非常熱烈,好評如潮;有部分網民甚至認為,無綫電視明珠台的粵語奧運評述,比翡翠台的表現得更好。

孖寶對網民熱情表現的回應

8月17日 早上(游泳比賽……)
丹:網上好多人讚我地喎!
石:網友真係識貨。
丹:做人謙虛 d 好,唔好自己講自己。
石:現在為大家旁述0既有……陳恩能!
丹:石金華!
石:唔好自己講自己丫嘛。

8月22日 早上(拳擊比賽……)
石:我又問吓你,五個裁判得四邊,仲有一個去咗邊?
丹:我知你講乜,我有上網,梗係唔係吊喺天度啦!
石:估唔到 D 網友咁好心機,將我哋講 D 嘢寫低晒。
丹:好多謝 D 網友支持啦。

無語錄(節錄)

無語錄

無語錄封面第一版,唯獨欠缺桂神的名字

無語錄為明珠孖寶於北京奧運直播時所說的金句,一位無綫職員整理好所有金句後,於Facebook上拍攝該封面,並向其粉絲展示此份金句集的相片。(以下內容為收集網上流傳之各金句,再加以修改錯別字及增補資料而成,當中未必完全與該無綫職員整理的相同。)

石金華:石
陳恩能:丹
翁金驊:翁(偶有客串)
黃興桂:黃(偶有客串)

1.石:韓國選手正準備抓舉時…嘩!你睇吓佢隻小腿同大腿一樣咁粗架!

2.石:呢位選手出場試舉,又係呢個快舉手呀,果然係快舉手,名都未報已經舉唔倒番緊入休息室。
丹:下?番左入去喇?仲報唔報佢名呀?…報啦!

3.石:再次出場試舉,快舉手…
石︰快啲講啦!唔係又趕唔切…
丹︰係!莎諾娃!莎諾娃!…

4. 石:嘩!(唔記得名)佢開個個205km既發球!我想試下比佢開一球波打落我心口度,唔知會有咩感覺…
翁︰我都唔知,因為我唔會走去試!

5. 丹:有拿度,無難度呀!

6. 丹:高比仔,高比仔,叫叫下佢都成三十歲,就來要改口叫佢高比佬。

7. 丹︰好彩呢位拳手贏左,如果唔係返更衣室將會同保安再來另一場拳賽。

8. 石:泰國既舉重選手喎,打泰拳舉手係代表投降喎!
丹:所以咪好彩佢係舉重,唔係打泰拳囉。

9. 石:頂…頂…頂…頂…頂住唔好跌呀!
丹︰好彩你後尾加個住字!

10.丹:拳擊係少數唔比職業選手參加既項目,如果比既話泰臣應該無人打得低佢。
石︰但係奧運拳擊戴住頭套喎,泰臣咪無得使出佢既必殺咬耳仔?
丹︰咁咪咬鼻哥囉!

11.丹:加素爾對姚明…霸皇硬上弓呀!

12.石:你估菲比斯會唔會變崩牙仔?佢囉一次金牌就咬一咬,囉八面咪咬八咬?

13.石:你唔踢波就做波牛,咁唔通你唔游水做水牛咩…

14.石:真係爆陰毒,踏單車到去尾段先整條咁既暗斜,佢真係恨不得退出比賽,求其有野就攤落去!

15.石:人既一生得三萬幾日,訓覺就訓左一萬幾日…咁樣仲嘥時間係食野度!不如唔好食啦…
丹:但係你唔食野我驚你過唔到果二萬幾日。

16.石:我地一盤冷水潑落拿度果度,網球場既炎熱天氣都顯得特別冷…

17.石:哎呀,拿度呢球矮仔放得太高喇…
丹:係呀,係一球好高既矮仔…

18.丹:大威用左九分鐘己經三比零,只係三個杯麵既時間!

19.石︰大威既肌肉真係好似隻馬咁!
丹︰點解咁睇呢?
石︰我睇馬術知架,大威d肌肉結實又立立令,真係好似隻馬。

20.石︰李娜我地支持你。
丹︰你有邊個唔支持架其實?
石︰中國球手我個個都支持!

21.丹:194km,費達拿都唔洗讓佢…
石︰我開始懷疑自己想試既念頭(詳見第四句)

22.石:大威比個機會你做多次雙錯誤呀
(大威真係雙錯誤)
丹︰你真係烏鴉咀…
石︰咁…講番句補數喇!大威大威我地支持你…
丹︰你呢個賣國賊…

23.石︰大威今日真係無左團火…
丹︰你估睇緊星矢咩,人人都有個小宇宙…

24.丹︰我有個朋友細個話想做翁金驊…
翁︰下…我同你都唔係差好多姐

26.石:中國隊舉100幾kg好似熱身咁。
丹︰係架,拎冠軍都係熱身!

27.石:呢個選手次次都咁用力咬住個下唇,會唔會咬到變雙唇呀?真係「鄧」佢個下唇辛苦!

28.石:咁又難怪…又要射籃板…又要平衝自己…搵到野咪禁囉…
丹︰另外果個就話「咁又係呀…好難得有個頭o係自己隻手下面…」哈!

29.石:呢間屋難拆喇,仲難拆過鳥巢![4]

30.石:下!點解佢地講對住個個都係講英文?
翁︰因為英文係共通語言,你都可以向大會要求特定語言。
石︰咁我下次要求潮州話又得唔得?
翁︰咁即係玩野!

31.石︰嘩!呢球靚啦…仲靚過鄭潔個樣…

32.石:過去十年,無睇過電影!
丹:無?咁你有冇睇開幕式呀?
石:有!開幕式有…
丹:果套咪係囉,現場拍電影。
石:哦…過去十年睇過唯一一套電影,2008奧運開幕式!

33.石:擺左兩隻蕉係度,但係無郁喎。
丹:可能郁剩兩隻呢…

34.丹︰集中精神打break point睇來唔夠好喎…
石︰如果有其他方法,我一早轉左打網球啦!

35.丹︰比歷克,比力打!

36.丹︰不如每一次用鷹眼都要比錢,d錢就囉去做慈善啦…
石︰不如捐比我啦…
丹︰都係捐去網聯啦,比佢做青訓!
石︰可以既捐去眼科啦…
丹︰嘿嘿…我鍾意你呢個提議,忍唔住笑左!

37.石︰(唱歌)危險經己在前面…

38.丹:比歷克同裁判講野,好似細路仔問阿爸,「你比我出街啦」咁樣。

39.丹:拿度有一下假動作。
石:祖高域都有一下假到作架,不過係跣腳姐…
丹:係呀,呃自己架係嘛…

40.黃:所以話龍門最好既朋友就係門柱。
丹:估唔到呢位巴西既守門員咁快係我地既國土認識左一位新朋友。

41.丹:一個ace之後又一個double fault!
丹:真係一啖沙糖一啖…
石:屎…
丹:我都唔想講喇,你幫我補埋佢。
石:唔怕啦,而家深夜,又過埋食飯時間。

42.丹:頭先馬術咁精彩…
石:馬術精彩你又知?你唔係探緊人架咩?
丹:我邊度探緊人呀?
石:周公呀嘛…

43.丹:你唔係剩係支持仲國隊咋咩?
石:拿度件衫中國隊色嘛…火紅色!
丹:估唔到你心境仲年輕,仲有火紅的心…
石:唏,我得24歲姐嘛!
丹:24歲?你仲後生過譚校長喎

44.石:幾次喇喎,好多螢火蟲定小強飛過
丹:小強識飛架咩?

45.石:拿度食緊既係大蕉來架喎…
丹:係大蕉呀,唔係香蕉,唔係皇帝蕉呀…
石:大蕉仲有個好處…利大便…

46.丹:拿度再贏多兩球就贏架喇!
石:機會係有架。
丹︰係呀,一係贏一係唔贏喇。

47.石︰拿度真係匪夷所思呀!
丹︰仲黎?就黎要比版權費喇喎…[5]

48.石︰祖高域搞乜鬼會「鬼拉手」呢?
丹︰我地唔可以宣揚呢個堪輿學說既…

49.(拿度救唔到一球波)丹:石仔,冇得救喇…
石:係呀,真係冇得救喇…
丹:你就真係冇得救喇,拿度重有得救…
石:係呀,我真係冇得救架喇!

50.石︰五個拳證坐四邊,翁金驊哥哥你呃我呀?
翁:有一邊坐兩個既…
石:等我仲以為一個吊係上面睇添!
翁:你係咪想得太多呀?

51.石:兩個都係歐洲既國家一個向東望,一個向西望,咁就變左東張西望!
翁:哈哈…係咪真係變左《東張西望》架?[6]

52.石:你部電腦咁多料既…我果部搵唔到喎…
翁:睇你肯唔肯搵姐…
石:咁你過d來過d來喇。

53.丹:你知唔知網球場菱形果d咩來呢?
石:我又想問喇,丹尼爾哥哥…
丹:拿…唔好叫哥哥喇,哥前哥後三分險呀…叫dede好喇。
丹:其實菱形果d係通風口來既…石仔你都交足戲喎,呢番話我同你都講過五次喎…

54.丹:不如試下裝個鏡頭係個拍上面啦…
石:試下都得喎,我地TVB有咁既能力架…下次香港有比賽可以試下架!
丹:我以為你會接一句「下次香港搞奧運試下」添!
石︰唏,我係傻但我唔係痴嘛!

55.石︰唔知我地有冇機會講決賽呢?
丹:我地播乜咪講乜囉,我地專業架嘛!
石:但係我想睇嘛!
丹:你想睇咪唔好返工囉!
石:唔返工我咪無飯食?

56.石︰又來我果句喇,李娜李娜我地支持你…
丹︰我都係果句…我地持平d好…陣間唔該講多句支持沙芬娜…

57.石︰超無聊IQ題。
丹︰我係咪要答呀?
石︰梗係啦!
丹︰我d IQ好低能咋喎!
石︰廣州既簡稱(靜左)嘩!沙芬娜…繼續講波[7]

58.石︰超無聊IQ題…麻麻同個孫仔呀煩既簡稱,麻煩…
丹︰你真係令我DA, dead air呀!

59.石︰沙芬娜佢自己開鷹眼錄埋俾球證睇人地個球點解唔算…
丹︰咁勁!唔知佢可唔可以用佢對鷹眼幫我錄高清翡翠呀?

60.石︰同大家講聲唔好意思先,因為呢場網球賽太精彩,所以晚間新聞將會順延到我地呢場球賽打完既。
丹︰其實都無關係,因為聽到我地講野,想睇新聞會去翡翠台,但係如果睇英文新聞既,就唔會聽到我地講野啦,所以係無關係既…

61.丹︰好彩網球無50比0,如果唔係就成日賣廣告。[8]

62.丹︰梅路尼(突尼西亞游泳選手)曾經比藥檢捉左架,要停賽18個月。
丹︰18個月之後…
石+丹︰一條好漢…

63.石︰游水馬拉松要游湖架喎!會唔會游游下有大閘蟹咬腳呢?
丹︰唔會,因為呢度唔係陽澄湖…

64.石︰而家全球一體化,無打仗架喇。
丹︰下…俄羅斯咪打緊囉!
石︰唏…呢d細路仔你打我一把我篤你一野姐…
丹︰下!出到飛彈喎…

65.丹︰哇!打到沙芬娜仆左係度…
石︰好彩呢度係網球場唔係街!

66.石:李娜呢球心諗住果兩個字「xx」…
丹:你呢兩個字我唔想估…可圈可點…引人瑕想喎…
石:死啦今次我…

67.丹︰華寧加(費達拿雙打拍檔)坐o係費達拿女友旁睇費達拿男單比賽。
石︰嘩!費達拿女友攪到仲大隻過佢隔離個職業男運動員。
丹︰要練到同拿度身型似,俾費達拿練習用嘛…

68.(男單四強,干沙里斯對比歷克)
丹:呢場真係馬拉松式嘅網球場,你估呢盤會打多幾多局?
石:我自己就想打到十比八。
丹:你呢個主觀願望好似真係主觀咗啲喎…
石:係呀,我個人真係好主觀嫁。

69.(又係同一場網球)
丹:佢地打咗咁耐,唔知攰唔攰呢?
石:我地夠講咗咁耐啦,你攰唔攰吖?
丹:唔攰,我見你個樣就即刻唔攰,成個醒晒!

70.丹:想知打曲棍球有幾辛苦,就試下幫阿媽吸塵喇,仲要跑住o黎吸,就知有幾辛苦…

71.丹︰其實沙芬有2個細妹既,都係打網球莎芬娜係大個嗰…
石︰細個嗰係咪莎芬娜娜?
丹(諗左陣)︰你都可以咁講既…可能係莎芬娜(拿)度。

72.(男籃中國對西班牙,西班牙有球員跌落地撞親個頭)
石︰拿拿林寫番張慰問卡俾佢…

73.石︰係香港EQ唔好,好容易入QE[9]

74.丹︰佢攞過澳網,美網同溫網雙打架!
石︰咁羅網呢?
丹︰咩係羅網?
石︰我地電視台同事囉!

75.翁︰俄羅斯選手比因哈…
石︰比因蝦好食定基圍蝦好食呢?
翁︰比因蝦我就味食過,基圍蝦就食過…
石︰如果呢位選手贏左,呢個湖撈上來既蝦我地就叫比因蝦。
翁︰呢度有冇蝦架?
石︰有,淡水有蝦既…

76.石︰咩咩哈去左邊呀?
翁︰多哈因就唔知喇…唔係,係比因哈…
石︰可能去左變種,變左基圍哈!
翁︰變左就真係大件事喇…

77.翁︰踏單車由香港仔踏到機場…
石︰踏到去既時侯你唔係上客機喇…
翁︰上果架真係救護機喇…仲要即刻比你上添呀…

78.石︰下次來撈果隻咩蝦話?
翁︰睇多次先,我驚變左種呀!比因蝦…係喇!
石︰下次我地來撈一隻食下!

79.黃︰中國隊贏呢場機會好大喇,而意大利隊得兩個機會︰就係機會渺茫同無機會,可以將呢場比賽擺入雪櫃喇!

80.黃︰又快又怪,推波出界…
翁︰哈哈…

81.石︰講下笑,非洲d 運動員跑得咁快係因為成日比獅子追?
黃︰話佢地成日追獅子會唔會好d 呢?

82.石︰呢首國歌(突尼西亞國歌)好易記,因為得1個8度(跟住唱)
丹︰咁都識…

83.黃︰點解馬術頒獎要拎埋隻馬出黎接獎?
石︰咁點解帆船比賽唔洗拎隻帆船出黎接獎?

84.丹︰哇…對方失哂位同足球射空門有咩分別?
石︰唔係架,有時踢波對住個空門都會打飛機

85.(男單網球金牌戰,拿度對干沙利斯)
石︰Danny Summer(夏韶聲)都有一首歌,(唱)永不放棄…
丹︰我以為你會唱晒成首添!
石︰唏,無線請我哋返嚟講波架嘛!

86.(男子200米欄)
石︰佢對鞋繡住Batman喎…
丹︰係呀,佢外號叫Batman嘛!
石︰唔好遇到Joker就得喇…或者隻雙面人同Iceman…Batman最怕見到佢哋3個。

87.(女子10公里游泳馬拉松)
翁︰其實游得咁密,踢親後邊果個點算呢?
石︰我以為你話後面比蟹咬到添…

88.(女子10公里游泳馬拉松)
石︰R佢腳板咪仲慘…你睇,一下手,一下腳…R唔到腳板都R到腳指呀…

89.(女子10公里游泳馬拉松)
石︰下,比水佢飲呀!真係喎,咁樣比水佢飲喎…係水度唔飲水,來飲陸上d水…
翁︰飲水度d水好大鑊架喎!
石︰咩呀!呢度d水靚水來架!
翁︰你試下飲下…

90.(BMX 場地越野賽)
石︰呢d BMX應該警車都追唔到喎…
翁︰你係咪想多左呀?

91.(BMX 場地越野賽)
石︰33號美國既選手,堅呀!我無講錯呀,佢個名就係叫堅拿…

92.石︰你真係醒喎…早幾晚我地講緊動物運動會…而家搵人代替動物,真係螳螂捕蟬呀…

93.(摔跤賽事)
翁︰咁樣比人鎖住想走都走唔到既唔覺真係幾慘…
石︰你試過呀??
翁︰未試過,不過我代入佢個感情度…
石︰咁你呢段感情真係刻骨銘心喇…
翁(扯開話題)︰比人鎖住應該講唔到野…

94.石︰跆拳道好似《舞動全城》咁比分呀…(普通話)兩分…

95.翁︰原來呢個人係上屆奧運既冠軍來架喎!
石︰犀利!
翁︰唔怪得咁面善啦!
石︰我係讚你犀利,咁快起到佢底…

96.石︰嘩!戴維斯距離越來越遠喎…放兩隻蟹落去先…夾一夾佢隻腳等佢游快d…

97.丹︰有沙排體驗區呀…(丹尼爾奧運期間曾到北京工作)
丹︰係呀!有得玩有得食…不過食就要比錢既…
石︰食沙都要比錢!?
丹︰食沙要!由海南島飛來架嘛!
丹︰食塵就唔洗錢…

98.(跆拳道)
石︰會唔會好似沙灘排球咁比你試打呀?
丹︰無架,因為都幾危險下…
石︰我都為有d人可以比你試下打呀。
丹︰你可以私底下搵人試下…

99.(跆拳道)
石:左上角既數字就代表d分數…拿!果個8NW就唔關個比賽事架,係八號風球…[10]

100.黃︰高沙尼夫加18號既古尼索夫…兩個夫,咁就令到美國無「夫」喇!
丹︰無扶喇!

101.(鏡頭係運動員華斯天絕望既表情)
石︰嘩呀…你睇下…我唔制唷…真係好痛苦呀!

102.丹:呢d拳我地作個名比佢啦,就叫做抽水拳。

103.石︰塞特蘭佢剩係睇住佢隻腳唔睇手咪比佢打都唔知?
丹︰我係話觀眾姐,唔係個拳手。

104.丹︰我咪埋眼都打得啦,比人打姐嘛…

105.丹︰我反而想睇印度喎,印度既拳手係咪少見d先。
石︰咁騎呢!?
丹︰印度入左四強喎,我同你入左四強就話騎尼姐…

106.石︰點解印度既拳手名無星字既?通常d印度人就係d古馬星呀,古馬星呀…
丹︰拿你個星字用得小心d呀…

107.丹︰石仔,你知識真係廣博原來好多印度人都有個星字架。原來呢個古馬都有個星字,不過報名果時就刪左。
石︰做咩刪左佢呀,真係古馬星呀…

108.石︰銅牌就囉個吉,咁樣金牌咪囉個金吉(柑桔)…

109.丹︰為左見證印度既拳擊歷史,我地支持下佢!
石︰好!講番我果句,古馬,古馬,我地支持你…
丹︰好!我地持平d,講番句支持歌利亞…
石︰歌利亞我地支持你…
丹︰應該減一個字嘛。
石︰歌利,歌利,我地支持你…
丹︰掂哂!

110.丹︰正如美國有冇機會上第一呀?
石︰機會係有既,不過係無機會!
丹︰呢句桂神既…哈哈!

111.丹︰之前你話游水驚大閘蟹咬呢…就係呢度游喇…
石︰我知,因為呢度新起,d蟹仔太細,或者得d蟹苗…

112.黃︰德國無驚無險,直抵終點呀(另一版本︰無驚無險,直趨終點)

113.石︰匈牙利既首都布達佩斯。
石︰一個係布達,一個係佩斯。
丹︰中間隔條河嘛,萊茵河。
石︰唔係多瑙河咩?
丹︰好似係多瑙河…

114.丹︰今次中國真係用畫心思架!
石︰張藝謀用盡左咁下次點呀?
丹︰用盡左可以再超越架嘛。
石︰哦,之後再用盡…
丹︰係呀,好似打機咁,出完龜波氣功之後擋下,再儲下氣…

115.石︰各位觀眾,由於節目調動關係,《超能小子阿迪寶人體之旅》係會取消既。
丹︰哎呀,我好鐘意睇阿迪寶人體之旅架。
石︰係!?
丹︰係呀!佢由淺入深咁來帶你認識人體架!佢真係做左你肚裡面條蟲架!

116.石︰咦!又要問喇喎,果晚我地咪見到隻小強既…
石︰你果時見唔見到呀?
丹︰見唔到,可能比螳螂擔走左…
石︰或者隻小強鍾意個主場館靚呢…
石︰小強都要參加決賽架嘛…

117.石︰最可惜我地睇唔到和平之戰呀!
石︰陳忠和對鄧亞萍呀!
丹︰下!對鄧亞萍!?
石︰唔係…對…朗…朗平呀…

118.丹︰呢個教授既朋友佢有個名…叫做thin beast,中文釋既最傳神既名就係︰「排骨精」!

119.石︰粗俗d講句,呢個係個「朵」來既…
丹︰好既球員除有有球技之外仲要深得民心…
石︰好多球員都好難得得呢個「朵」…
丹︰呢個唔好講咁多次,我驚反黑組來搵你…[11]

120.石︰戰情雖然緊湊,但係我地用輕鬆既心情睇呢場賽事…
丹︰戰情緊湊你而家講真係可圈可點下…11比3。
石︰唏,咁佢局數1比1嘛!
丹︰咁呢d就觀點與角度啦…

121.丹︰呢d真係功架…隨便都可以將腳拗上頭度…
丹︰我地莫講話拗上頭,拗上腰都難啦。
石︰我向前拗都拗唔到呀!
丹︰咁大件事,你要睇下醫生喎…

122.丹︰中國46面金牌…美國30面…日本8面…菲比斯係8面既…夾係日本同意大利之間…如果佢係一個國家既話…

123.黃︰第三有鬼用,阿茂記得邊個第三咩!

124.(8月18日 男子3000米障礙賽)
黃︰整件肯雅法國三文治!肯亞爭d就可以整個三重彩!
(男子400米跨欄)
黃︰美國三重彩!

125. 丹︰偏偏遇著剛剛!
石︰係,佢地係好有默契…
丹︰有偏偏就有剛剛…
石︰咁我同你呢?
丹︰有石石同陳陳…

126.(藝術體操賽事,比賽時女選手在拋棒)
丹︰佢拋得太高,自己都趕唔切接…
石︰冇錯,物件在空氣中ge加速率係每秒9.98米,好快!
丹︰你知唔知一條羽毛同一個?一齊跌落黎ge速度係幾多?
石︰係冇阻力ge情況下,佢地一齊跌落黎ge速度係一樣ge,記住係冇阻力喎…呢d就係牛津定律喇…
丹︰有見地有見地!
(dead air)
石: 係牛頓…[12]

127.(手球「六公尺區」以「鴨屎黃」作色)
石︰唔係檸檬黃,唔係皮蛋黃…
丹︰皮蛋黃喺直播室外面休息緊[13]

128.石︰桂神講波講到要喺度「行」(打開)張床訓…

129.石︰聽聽廣告客戶有d乜野好介紹喇!

130.石︰大熱天時咁省波餅埋黎,好似食左個熱香餅!

131.(8月16日 拳擊)
翁︰要有打仔,先有打仔格!
石︰你岩,有丹尼爾既影子!兜野…暈精咁打落去。聽我地話啦,七個一皮就完左呢個回合…

132.(討論金牌運動員來港表演)
丹: 咁想睇,去睇匯演,買飛囉!
石: 我地都無時間買飛…

133.(8月15日 游水講菲比斯)
石: 方力申真係好野,「匪夷所思」真係改得好,返黎問下佢[5]

134.(保特破200米紀錄)
石︰保特又破世界紀錄!
黃︰咁第二第三係邊個?
石︰等陣睇慢鏡 …
黃︰睇慢鏡就全世界都知啦,使鬼問你咩!
石︰我正話真係無睇到,掛住睇第一…
黃︰我作為旁述但要講句唔好意思,我都無睇到,邊個觀眾有睇到可唔可以e-mail話返畀我哋知啦唔該…

135.(8月23日男子91公斤以上跆拳道,南韓對古巴)
石︰真係 Kimchi Kimchi,辣過雪茄!

136.(8月23日男子十米高台跳水準決賽)
石︰(分數)再創新低…

137.(8月24日男子48公斤級拳擊決賽)
石︰08旺在北京!

138.(8月24日男籃決賽,美國對西班牙)
石︰領先七分,即係贏七分…貝克漢姆!(當日碧咸入場觀看賽事)
丹︰碧咸…
石︰北京奧運嘛…
丹︰(普通話)好球!

139. 丹︰Wade個阿媽係醫生,個阿爸係護士,係來自一個有學識既家庭。
石︰護士邂逅醫生,典型既組合。
丹︰但個護士係男喎!
石︰越級挑戰!

140.丹︰爬山單車係唔比潑水架喎。
石︰會唔會解釋有錯誤呀,唔准潑冷水咋嘛…
丹︰潑冷水就又唔洗規定既,不過你要潑又阻止唔到喎…好似係條街上面有人話你靚仔我都阻止唔到架…

141.丹︰桂神走左喇喎。
石︰桂神又去探朋友。
丹︰頭先你又探周先生喎。
石︰盤棋又真係幾有趣既…
丹︰頭先你傾到「叮叮」聲同「洛洛」聲喎。
石︰仲有「鋸鋸」聲呀!

142.丹︰國寶係咩呢?
石︰國寶熊貓,安安同佳佳。
丹︰安安定佳佳呢?
石︰安安同佳佳都係國寶!你唔好再出呢d超級低能IQ題啦吓!

143(講單車講到去空氣動力學)
丹︰咦!我地既範疇由哲學去左物理喇喎!
石︰單車唔玩空氣動力學,玩少兩個字,玩力學。

144.石︰嘩!呢棵樹都算騎呢喇…
丹︰係正條路中心喎!咁鬼祟!我地叫呢棵樹叫鬼祟樹…
石︰不如叫鬼樹啦,橫掂都係鬼祟…
(隔左一陣)
石︰遲d要去探一探佢喎…刻番個名叫鬼祟樹嘛…

145.丹︰呢d咪就係足球小將既直線盤球囉!不過用左來手球姐嘛…明知山有虎,偏向虎山行嘛…

146.丹︰通常笑住來打就正常既…但笑住來比人打就唔正常喇!

147.丹︰又有個堅哥喎!
石︰呢個加維堅(俄羅斯男排選手),嘩!差d讀錯變奸人堅!

148.丹︰唉!俄羅斯兩個爭食!
石︰照計都有d野食呀…唔洗去到球場上面爭…意大利可能無「我」字,因為去到呢d情況通常會叫「我既…」,所以咪爭食囉!
丹︰明明見到對方,都要爭住來打。
石︰可能真係好餓…

149.石︰發球都派波餅…
石︰真係堅過石堅,勁過雷勁呀!
丹︰雷勁邊個來架?
石︰我地前輩來架喎!
丹︰唔好意思下…

150.丹︰其實排球有好多獎架…有最佳防守…最佳扣球…
石︰有冇最有愛心獎或最有體育精神獎?
丹︰呢d係無既,因為體育比賽係唔講求豬肉獎既…
石︰我見佢派咁多餅,比個愛心獎佢嘛…

151.丹︰如果個整個最有愛心獎你會唔會擺係屋企中間呀?
石︰我擺唔緊要呀,我驚屋企人整個字係度咋!
丹︰整個咩字呢?
石︰整個「車」字係度…

152.石︰先打一球先…
丹︰馬天奴,打得好清脆利落…係…落網既…

153.(男排賽事)
丹︰泰約堅!
石︰堅哥!
丹︰(發球失誤)堅哥今次流左添!
石︰咁佢流定堅呀?

154.(男排賽事)
石︰(加維堅發球)咦!奸人堅,阿…加維堅!
石︰堅哥今次堅喎!
丹︰係呀,堅過泰約堅。

155.丹︰嘩去左沙田呀,跳過兩個欄呀!
石︰哎可惜呀,踢跌欄呀…
丹︰咁咪要扣四分囉…

156.(男排賽事)
石︰巴西一入九出…一號入來九號出!
丹︰好彩你講清楚炸,我以為一個入來九個出去!另外果三個係邊個呢?

157.丹︰大家見證歷史呀,如果你睇緊明珠既粵語廣播…
石︰(桂神腔)精彩既拳賽,千祈唔好走開呀…
丹︰你做乜peter黃上身呀?

158.丹︰而家安塔 hea住來打喇。
石︰一係好似珠木咁…
丹︰珠木咩來?朗馬峰呀?
石︰佢係以前一個日本既選手…

159.石︰(古巴既選手)佢點番去面對卡斯特羅呢?
丹︰卡斯特羅老喇,佢都唔記得喇…

160.(蒙古選手勝出拳擊賽事)
丹︰蒙古咩出名呀?
石︰蒙古拳擊出名…
丹︰呢d岩岩出名姐…
石︰蒙古安塔出名(安塔為該場賽事之拳手)…
丹︰唔係呀,蒙古既牛奶出名…
石︰蒙古既牛奶…咪即係「蒙牛」!?[14]
(靜左幾秒)
丹︰錯哂喇你,有時呢d野要點到即止嘛…
石:死啦…好大塊蕉皮…

161.石︰中國而家打緊拳擊呀,如果大家覺得呢場比賽重要既,又想睇中國囉金牌既…就禁過去睇啦,剩番七秒咋…
丹︰大家無禁到過去,而家仲聽緊我地講野。

162.丹:打中男人最痛個位置?
石:咦?係?男人最痛?你試過?
丹:係人都試過架啦,睇吓打中10分定9分,係唔係正中紅心…
石:咁你個紅心都幾大喎…
丹:你既私人問題我唔會回應。

163.丹︰台灣女子跆拳道囉個牌架,因為佢男友都係朱木炎…[15]
石︰哦…咁佢地咪可以係屋企切磋?會唔會成日有人投訴?
丹︰太嘈下話…

164.丹︰冰島有個波監喎…
石︰艾拉臣呀…
丹︰艾拉臣,佢拉人呀!

165.(男足中國對巴西)
黃:中國隊有兩個機會,一個係渺茫,一個係冇!

166.(男子網球,其中一場拿度的比賽)
丹:加素都有同籃球隊d人黎睇波。
石:加素梗係黎叫佢一齊食飯啦,早d打完早d食丫嘛!
丹:咁早食完有咩做呢?
石:唔知呢?
(跟住兩個人開始探討下西班牙人幾點食晚飯)
到最後石金華問: 咁究竟佢地食咩呢?
丹: 梗係食「被分類的麵包」啦…[16]

167.丹︰張藝媒用盡哂力係開幕,好精彩,真係值得讚賞!
石︰死喇!咁點算呀?
丹︰咩點算呀…(有點震驚)
石︰咁用盡哂…係閉幕有咩搞呀?
丹︰哦…咁可以儲氣呀嘛!
石︰咦…係喎!
丹︰拿…好似出完威波氣功之後,可以儲氣呀嘛!
石︰唔…

168.(女子手球,講到俄羅斯個球員踩左入禁區)
丹:呢個禁區叫咩色呀石仔?
石:…(過左五秒)
丹:呢個禁區叫咩色呀…嘩你好眼訓喎你…
石:係呀…個下午茶唔得…

169.(男子跆拳)
石:嘩!呢腳好應喎!
丹:hey,邊有事呀!
石:無事?訓咗喺度喎!
丹:一陣就企返起身啦,呢啲都唔知睇過幾多次,而家運動員訓練包埋做戲架…
(選手果然起返身再打過)
丹:拿係咪呀,仲識起腳tim呀!
(第一局打完,選手拐吓拐吓行落台)
石:真係做戲做全套喎…
丹:梗係要做全套啦,扮受傷犯規架…

170.石:喂,我多咗個新名喎!
丹:係?
石:係呀,叫石翁。
丹:咁咪好似朱翁(朱維德)咁?
石:係呀,今日張通告寫住「石翁」,我一睇…嘩!做乜突然咁樣尊敬我,我好後生啫,大阿倫一歲之麻,叫我「石翁」?睇清楚D,原來係話石金華同翁金驊,嚇得我,好彩無認…

171.(跳高賽事)
丹:大隻仔鶴健喇…
石:拿…我覺得姐…
丹:你覺得d咩呀?
石:我覺得佢出世打臍帶打得唔好。
丹:點解咁講呢?
石:你陣間留意下,佢個肚臍凸哂出來架…

172.丹:戴利係跳水界既明日之星啦。
石:如果佢keep到4年既話…
丹:實keep到,你都keep左50年啦。
石:我keep左50年喇…
丹:係呀,你依然皮光肉滑,珠圓肉潤…

173.丹:火亮佢三跳總分有270分呀,姐係平均分幾多呀?90分呀!
丹:你考試可唔可以次次考到90分?

174.石:我諗緊17、18位點樣上返來呢?辦法唔係無,不過要等四年…

175.石︰我地中國有千千萬萬個火亮嘛…
丹︰千千萬萬個火亮?無田亮同火亮咁下個係咩呢?
丹︰唔通係木亮或者水亮?

176.丹:希望佢(排名較後的選手)入唔到決賽啦,咁中國可以少個對手…
石:咁唔可以次次都睇冇水花架,都要睇下d水花靚唔靚…
丹:你跳咪得囉…
石:你估係深水灣浮台呀!

177.石:年中都有好多人搵d好高ge地方練習跳水架!
丹:邊處?
石:汀九橋。
丹:大家唔好學呀!
石:千祈唔好學呀!!

178.丹︰你呢個係哲學既問題…
丹︰姐係話,我有0架車,咁我姐係有冇車呢?
石︰我無溫書喎,今日講哲學
丹︰哲學要溫書架咩?
石︰係呀!
丹︰我地涵蓋既課程好廣架!
丹︰有牛頓既定理啦,地理都有,呢個布達同佩斯,中間隔條多瑙河。
石︰雙城記既故事。
丹︰仲有文學…
丹︰當然唔少得我地而家既體育…

179.(BMX單車選手跌倒)丹︰翻身返騰一周…雙手落地。

830孖寶復活篇

本應在北京奧運曲終人散後,「孖寶評述」已成絕響,但由於網民反應熱烈,無綫電視特意安排孖寶於2008年8月30日10:30至12:00時段於明珠台麗音評述中國國家隊訪港示範表演。

2016奧運篇

(男子排球古巴對俄羅斯)

1. 翁: 呢球波食左西喎

石:係呀...響巴西食左最西既...

2. 翁: 古巴個人牆封得幾密

石:連風都吹唔過

翁:咁又誇張左D...

石:如果唔係點做旁述呀

(網球梅利對西蒙)

3. 翁: 個小朋友食雪條証明左夏日炎炎做乜野好呀....

石:睇奧運同跟爸爸囉...

翁:同埋食雪條...

石:哦原來食雪條

4. 廖志強: 拿1500米唔可以偷步架,否則同100米一樣....

石:一槍打死你架啦...

5石:你見我地到六點幾都仲咁癲亂講野,係因為田徑真係好剌激

相關條目

註解

  1. 明報:丹尼爾石仔搞gag當紅 評述奧運變棟篤笑,2008年9月3日(迷你論壇轉載)
  2. YouTube影片:李麗珊96奧運奪金一刻 - 勝利在望
  3. YouTube影片:李麗珊96奧運奪金一刻 - 最後勝利
  4. 籃球術語「拆你屋」(Alley-oop),形容球員凌空接應隊友的傳球後入樽或放籃。
  5. 5.0 5.1 「匪夷所思菲比斯」為方力申於奧運評述期間常用句子。
  6. 《東張西望》為翡翠台一個報導娛樂消息的節目。
  7. 廣州的簡稱為GZ,廣東話諧音為「芝士」。
  8. 50比0,即是「五十零」,與日本重型貨車品牌「五十鈴」(ISUZU)同音。
  9. QE是伊利沙伯醫院的簡稱。
  10. 是次跆拳道賽事進行時,香港正受到颱風鸚鵡吹襲,天文台發出八號西北烈風或暴風訊號。
  11. 「朵」最初為黑社會用語。
  12. 為牛頓重力加速度理論,但有誤:地球表面加速率應約為9.81m s-2,而「米每秒」應為「米每秒平方」
  13. 「皮蛋黃」是指「Peter Wong」,即黃興桂。
  14. 蒙牛為一奶類製品品牌,而主持人應盡量避免觸犯《電視通用業務守則 — 節目標準》有關間接宣傳的條例。
  15. 朱木炎是中華台北男子五十八公斤級跆拳道選手,上屆奧運冠軍。
  16. 「被分類的麵包」英文原為assorted bread(精選麵包),為奧運選手村內餐廳被錯譯的中文餐牌。

外部連結