FANDOM


機場阿嬸事件發生在2009年2月4日,一名中年婦人旅客,於香港國際機場遲到登機時間,向航空公司地勤人員大吼嚎啕,大力拍打機場登機閘口職員櫃檯,並臥在地上打滾撒野,整個過程被人拍下來並放上YouTube,結果吸引大量網民收看。此事在2009年2月15日上報,影片在該週以高達6,330,625點擊率成為YouTube香港區最多人觀賞的片段。

相關影片

對白

婦人:(叫喊,衝入機場櫃檯)呀……唔制呀!唔制呀!唔制呀!我都未過時呀!我都未過時呀……(拍檯)架機都未走呀!架機都未走呀……架機未走呀?!架機未走呀?!點解佢哋唔開門……(卧在地上打滾)

職員:唔好咁激動啦!唔好咁激動啦!

老伯:咪嘈啦!咪嘈啦!

婦人:呀……我都話得架啦……點解你哋話唔得……架機都未走呀!架機都未走呀……哎哋架機走喇......

老伯:唔好咁啦……唔好咁啦……

婦人:(喘氣)我都話……哎呀……我都話……

職員:唔好咁啦……唔好咁激動啦!有第二班機安排比你哋嘅!你放心啦!我哋幫你安排……

男子:安排咩嘢姐?我哋已經喺度,你又唔比我哋走?

婦人:走到㗎你又唔畀人走都有嘅.....

老伯:唔好咁啦……唔好咁啦……

婦人:點解你哋咁無人道架?架機都未走……哎呀……

老伯:好多人睇住呀!

婦人:呀……痴線架!我唔知呀,我唔知道……我哋一嚟你哋就閂門……咁樣嘅……(從地上站起來)點解會咁架?點解會咁架?無人道架!架機都未走道門就閂咗去……痴線架!痴線架!(靜默了一會)點解會咁架?點解會咁樣架?真係……我遲咗就話心甘情願啫!我冇遲架嘛!(喘氣)我都話我哋唔得架……(拍檯)哼!你哋仲唔快啲開番個門比等我哋,關我咩事啫?啊……關我咩事啫?(拍檯)我唔要啦……我唔要啦……點解會咁架?架機都未走,架機都未走,點解唔比人哋入啫!痴線架!架機都未走……你依家叫我哋點辦?你話點辦嘞?你話嘞!直飛New York,直飛New York……改咗佢,改去New York,改去New York!點解會咁架?

男子:你太差啦你!入得去架嘛!你話要比證件嘛!

婦人:我比咗啦!你入咗一個人佢哋就會比我哋兩個入埋,你入咗一個先呀嘛(踏地)……邊有咁蠢架?真係……你入先啊嘛……點會咁架?點會咁架?啊……

網民討論

自從有關片段在YouTube熱播之後,有很多網民主要都批評片中的女子應為她不準時登機一事負上責任,而不是潑婦罵街。與此同時,有關片段被指是由一位機場員工在工作時拍攝,拍片者被一眾網民炮轟。

結果

2009年3月5日,機場阿嬸向國泰投訴,與國泰高層會面期間表現得平靜及尊貴,也沒有高聲說話,與片段表現截然不同[1],事後國泰正式向機場阿嬸致歉,並將她的機位升級作為補償及已處分和警告有關員工。[2]

衍生創作

「魚翅阿姐」惡搞短片

環保組織借這套短片的橋段惡搞:以一名女士因為吃不到魚翅,而做出大吼嚎啕的動作,狂喊「我要食魚翅」,又兩度瞓身碌地,弄得旁邊一位外國女遊客失笑。該組織藉以宣傳大眾不要吃魚翅和保護鯊魚的信息。碰巧國泰航空公司的標誌,因外貌似魚翅,而得出「魚翅」的別號。[3][4]

森美移動」惡搞短片

組合「森美移動」(同時為商業電台叱咤903的一個電台節目,「森美移動」),在2009年2月21日的「三個只能活一個」扮機場阿嬸。當日,陳強被罰在洗手間扮忘記沖廁;Leo(詹志民)和森美則被罰在升降機大堂扮錯過升降機。有關影片已上載至Youtube

並在2009年3月18日,Leo詹志民森美扮錯過升降機的影片,被台灣三立電視台三立新聞播出。

Chep Lap Kok-ed Up Terminal Wei Ling Mix

相關條目

註解

外部連結