FANDOM


軒哥派錢事件發生在2010年11月25日,大埔恩主教書院一名中二男生,為了換取同學叫他一聲「軒哥」,在校內豪派四萬元現金和八部iPhone手機。此事在網上討論區廣泛流傳,並驚動校方,派錢活動也被叫停,因而引起網民熱烈關注及討論。

事主於高登討論區獲選2010年11月之星

事發經過

據網民指出,該名肇事中二男生,把祖母給他的四萬元分作五十元及一百元帶回學校,並攜帶八部iPhone手機向同學派發,條件是同學要叫他一聲「軒哥」,以求在心儀女生面前炫耀,事件最終驚動了校方,訓育主任立即叫停派錢活動,並要求拿了錢及手機的同學交還。

校方在事後發表聲明,指該名同學的行為屬品行及社交問題,正協助及輔導他面對事件所造成的影響。該名同學已感到非常後悔,希望同學原諒。

網民討論

有不少網民對於「軒哥」派錢的行為感到驚訝,甚至有網民把「軒哥」和李氏力場相提並論。

在事件上報之後,有網民為此事成立facebook專頁,不少網民均對「軒哥」的「慷慨」表示「崇拜」。

網民創作

潮文

有人創作了一篇潮文來支持軒哥。

軒哥,我絕對要為你平反!我完全唔明點解啲人要阻止你收窄貧富懸殊嘅活動。將錢直接送畀冇自己咁富裕嘅人,有咩問題先?!因為你要人哋叫聲「軒哥」想攞威就唔啱?咁啲學校收人捐款,連校名都改人哋個名又點計?啲大學畀畢業生捐錢,刻名落椅背又點計?阿誠哥要人哋個醫學院改埋佢個名又點計?!話「軒哥」你價值觀有問題,問題係咪在於你捐錢太直接,冇機會畀班校方行政人員撈油水?!!!

今次又係一個量變到質變嘅事例!當你只係得幾萬蚊,你拎去送畀人,叫人嗌聲你,你就係想攞威嘅港童。當你有幾百萬、幾千萬,你拎去捐,叫人校名都改埋你個名,你就係善長人翁!

我仲想話,軒哥啲錢係咪自己賺唔係重點!!你阿婆畀得你,啲錢就係你。難得有富二代肯將錢拎出去派,我哋應該鼓勵、讚揚。唔通我哋想個個富二代都驚錢唔係自己賺會畀人笑,於是走去搞電訊公司,然後用賤價私有化賺啲公公、婆婆血汗錢咩??!

模擬專訪

[高登獨家專訪]軒哥﹕我只係用四萬蚊就看透香港人既虛偽!

【高登專訊】明報報導,大埔某中二學生從家人手裏拿得四萬「零食錢」,不乖乖地收起來「底調處理」,卻跑到學校走廊派發,每位拿錢的同學都要叫他一聲「軒哥」。 他一派錢,登時全校哄動,校方随即驅散學生,把「軒哥」 帶走, 並且輔導一番。 高登特約膠員立刻聯絡軒哥進行一次專訪。

膠﹕而家我叫聲軒哥可唔可以要desire唔要iphone?
軒哥﹕無所謂,老師教我們施比受更為有福。
膠﹕你點解要係學校派錢?
軒哥﹕我覺得我要咁多錢都無用,不如大家分享一下,大家開心,何樂而不為。
膠﹕咁你覺得點解校方會阻止?
軒哥﹕好簡單,因為老師無得拎!
(軒哥點起一枝中華香煙,呼出一口煙)
軒哥﹕佢地無理由叫我軒哥,所以連其他人都唔比拎,香港既老師目光短淺,只係識係班房扮晒野樹立自己權威,出到黎什麼也不是。
膠﹕如果家人比你四十萬,你係未都會派晒?
軒哥﹕Of course,如果我好似誠哥咁有錢,好似有千六億,我會派一千五百九十億,因為我洗唔晒。
膠﹕對於校方同社會咁既反應,你有咩感想?
軒哥﹕我只係用四萬蚊就看透香港人既虛偽,平時講乜施比受更為有福,要幫助有需要既人,唔好貪心,要知足,全部都係廢話。你問全校人,邊個唔贊成我咁做,我諗除左話事個幾個外無人會反對。不過我知道香港成個社會都係咁,全港市民反對但只有十幾個人讚成都會進行。
膠﹕你點睇解政府個關愛基金?
軒哥﹕晒尻氣,我用四萬蚊幫到既窮人仲多,起碼人地拎現金,唔講廢話。
膠﹕對於而家讀緊書既高登網民,你有乜建議比佢地?
軒哥﹕好簡單,退學。學校只係訓練工廠,唔係教育,佢地只係將後生仔打造成佢地想要既人。學店揾幾個鬼佬黎吹下水就收你幾皮野一年,學埋d無用既野,讀書係為左明理,唔係買cert。君不見時下大學生有幾明理,可能本身香港呢個社會就係反智。
膠﹕謝謝你的忠告,我會講比大家聽。好多謝軒哥抽空接受採訪。
軒哥﹕唔駛客氣,呢度有個LV袋我覺得個Pattern好單調,你要唔要?
膠﹕好呀!軒哥!多謝軒哥!

此本曾於《Yes!!》第1030期,並經過修改。

去信校長

高登人寫信給恩主教書院校長平反

致恩主教書院校長 敬啟者:

  近日驚聞貴 校化名「軒哥」的中二級同學在校內豪派4萬元現金和8部iPhone,貴校馬上發聲明,指「軒哥」的行為屬於品行及社交問題,已會見其父母及作輔導,並要求學生不得再對外談論。本人覺得貴 校此等行為何等虛偽,引起公憤。恩主教書院之言語,實難想像此乃出自一中學校長口中。本人素聞貴 校校風務實,課程之外校方更灌輸社會的正確價值觀予學生,能令學生日後更容易融入社會,且貴 校學生均能自律自守、知禮知廉、更明白甚麼是施比受更為有福。然而貴 校聲明一事,實令本人以致全港市民對貴 校印象大為改觀。

  香港教育中常教導學生施比受更為有福,要幫助有需要的人,不要好貪心,要知足。但今天貴 校學生只用四萬港幣就看透貴 校的虛偽。就此,本人感到十分無奈、痛心與氣結。現今社會風氣腐敗,各衛道團體佔據道德高地胡亂作出批判,作為教育工作者的您們,看見問題存在,卻不見有遏止此歪風之舉動,委實令人無語!手執神聖教鞭的您們,該清楚所謂「教育」不光是教授知識予學生便足,尚有重要的社會生存技能,道德觀念、待人接物等需要教授。難道可以裝作一副清高的樣子,輕輕拋下「學生的行為屬品行及社交問題,要求學生不得再對外談論」便足以平息風波?

貴 校不妨在校內進行問卷,誰不贊成『軒哥』的行為,本人想,除了教職員反對外無人會反對。難道要讓學生留守在溫室之中,不讓他們接觸真實的社會?任由學生之價值觀與社會價值觀脫節?此駝鳥政策非教師所為,實為本人所不齒!

此致

恩主教書院校長

二零一零年十一月三十日

網友菩提老母啟

相關條目

外部連結


前任
高登Admin
高登每月之星
2010年11月
後任
魂。初弒