一人有一次係奸

《一人有一次係奸》，改編自黎瑞恩的《一人有一個夢想》，由「詞善機關」改詞，「嬅人」主唱，在2013年1月29日推出。歌詞主要反映無綫有不少藝員都曾經演過奸角，來令自己上位成名。

此曲當中第三句歌詞「誰似膽細竟心狠手辣去呃我身家，明𡁻你乜嘢都搶」，被指不合音調，隨即被部分網民負評。

影片

歌詞

《一人有一次係奸》 原曲︰黎瑞恩－《一人有一個夢想》 填詞︰詞善機關 主唱：「嬅人」 誰個樣正派瀟灑英俊腦袋好骯髒 人面獸想氹落床 誰似膽細竟心狠手辣去呃我身家 明𡁻你乜嘢都搶 多少chok爆主角亦曾無記演奸 變臉匆匆忠樣都作奸 一人有一次係奸 賤人賤格劇情慣 好人也總一次擔正做旦散 星爺也演過做奸 子華亦變臉無間 嘉良太多欺詐攀向上實在火遮眼 誰叫你太新乜都要做最好演奸仔 皮面厚先會突圍 臨尾香死得凄惨鬼叫你賤到出汁 肥皂戲咁先出位 色魔那個想幹 但原來無得揀 懶理豬兜木咀都變奸 一人有一次係奸 賤人賤格劇情慣 好人也總一次擔正做旦散 新人總屈要做奸 想紅便要付時間 奸人角色觀眾先記住實在已睇慣 一人有一次係奸 賤人賤格劇情慣 好人也總一次擔正做旦散 好紅阿姐也做奸 青雲犯法在前鑑 啟華卓羲安仔張衛健劇集裡死撐

相關條目

• 詞善機關

外部連結

• YouTube影片：改歌－ 一人有一次係奸 （原曲 一人有一個夢想）