香港網絡大典
註冊
(要求參考又不交出,暫刪有關句子)
無編輯摘要
第64行: 第64行:
 
T78Ns.jpg
 
T78Ns.jpg
 
</gallery>
 
</gallery>
  +
{{reflist}}
   
 
==外部連結==
 
==外部連結==

於 2014年12月25日 (四) 14:22 的修訂

一個地鐵站內的對話,看誰有本錢去串」為2014年7月出現於香港討論區的一篇帖文。

簡介

該帖於2014年7月11日由「chifaip」於「地產討論」子版塊發出,樓主以第一身講述主角如何月入35,000元,仍選擇居於「石硤尾海景公屋」,享受便宜租金,還有「n個」好處,包括送仔女讀國際學校,反而「朋友」因供樓壓力,生活起居過得辛苦之餘,仔女更只能讀屋村學校,輸在起跑線,認為有樓階層只是表面風光而已。[1]

原文

話說琴晚約咗班大學同學係旺角朗豪酒店食飯聚舊,食飯時有個做同行嘅A君不斷講佢上年喺屯門乜乜(龍城花園)買咗個單位,裝修點點點,如何升值點點點! 成場變咗佢個 talk show 咁!我就無理佢繼續食嘢,跟住好快大家又同一般同學聚會一樣講下舊時啲嘢,好快就十一點,個位做 talk show 嘅A君叫走,咁大家就話A君你層樓升咗咁多,你請啦!A君突然好認真咁講:『我層樓係升咗,但係一日未賣都係無用架,不如大家夾份啦!』既然見佢講得咁認真,我即刻話不如AA制啦!點知一位當年移居美國嘅同學就講:『挑,又話升咗幾多幾多,幾千蚊都俾唔起,我請!我係澳洲都係供緊樓,不過供款額只係入息25%,有啲錢剩,我請,唔駛多謝我啦!』。嘅然有傻佬認頭,我梗係食得唔好嘥啦,即刻講多謝!但係望一望阿A君,個樣好似死老豆咁款,我都費事理佢,因為就係你自己攞嚟衰,吹到自己有幾勁,一嘢俾人KO你!

跟住我同A君都係搭地鐵關係,所以一齊行落地鐵站,在途中,A君問左我幾個問題:

A君: 依,點解你早幾年突然唔做X公司而轉左去Y公司?個間野出左名唔好pay嫁。

我:係呀!就係佢唔好pay先過去

A君: 點解,你傻架?

我:唔係,因為個時X公司份人工啱啱超咗公屋入息上限,見佢又唔會有大幅加人工機會,咪轉過去第二間,平翻幾百,咪排隊上樓囉。

A君: 吓!你無買樓㗎,點得嫁,住公屋,況且我哋個個同事都買咗,係得你唔買,第時無野講喎!

我:點唔得,你同我都有樓住,又唔使瞓街,乜人除咗樓之外冇其他話題咩?

A君:咁唔得㗎!你話俾我知住公屋有乜好處?

係呢一刻,我真係發火。

我:哦,咁我講你知,不過講好處一定要對比,就攞你嚟對比啦!

A君:洗耳恭聽,我又想知我d有樓人士有乜嘢可以差過你?

我:

首先, 我住石硤尾公屋,地鐵站上蓋,出地鐵口3分鐘到大堂, 5分鐘返到屋企,

你,要坐地鐵去到荃灣再轉巴士,
無一個鐘都返唔到屋企,聽朝晨咁早又爬起身返灣仔,你估你辛苦d定我嘆d?

第二,我同你人工依家都差唔多,35k左右,但係你話一個月供18k左右,仲未計管理費,差餉地租,遲d又話維修乜乜乜….
,而我就仟九蚊租全包,屋企有乜事打個電話房署就有人上即時上來搞掂。

第三,我依家每個月都多你萬六蚊洗,我就可以俾個仔讀私立小學國際班,五仟幾蚊一個月,日日同鬼仔講英文,仲有我每個月仲可以儲返5k俾個仔第時去外國讀書。而你,只可以將d錢送晒俾d前業主,搞到個女要讀屯門屋村學校免費班,同d雙非及屯門牛屎飛做同學,講普通話多過講廣東話,就算第二時你可以按層樓俾佢去外國讀書,都唔知佢有無pass到英文。

第四,仲有,我每年暑假都可以同家人去日本或歐州旅行,你就只可以返廣東省短線團。

第五,幾十年後,大家住ge地方都會變舊,我一句說話要搬新樓即刻批,你呢,就好似土瓜灣個呀婆咁,好似乞兒咁,對住電視台個cam大叫要人幫你重建啦!

A君:唔…..

剛剛去到月台上面,我就向右坐觀塘線,A君就向左話坐荃灣線,

我:唔使唔啦,你每日都有三四粒鐘諗呢個問題,我就坐兩個站就落車,無呢d時間諗,下次再講啦!

後續

網民反應

文章發布後短短3日已有超過1,500個回覆,有人認為故事主角月入3萬多仍選擇入住公屋是浪費資源及自私的行為,公屋應留給有需要的低下階層入住,並指「竟然有人覺得住公屋好威」。有網民則認為「公屋根本係無敵」,亦有網民指「咸魚青菜各有所愛」,有些人喜歡「揸樓」、有些人喜歡「揸現金」,只要自己的生活開心,便不用理會別人的眼光。相關討論於7月15日獲《蘋果日報》即時新聞報道。[2]

而面對網民反應,樓主反駁「香港廢青」指幾年前排公屋時「入息係萬幾,完全符合資格」,上樓後再轉工重回「正常人工」,又表示現時薪金未過上限,「連倍半租都未使交,莫講雙倍租」。其後有相關人仕提供資料,說明三人家庭月入3.5k 真的沒有超標。

註解

外部連結