《下一站金鐘》出自高登討論區，會員「百襪一梳」（高登會員編號：201421）講述一次在港鐵列車上目撃一對情侶爭執的情況。[1]當男方怒視「百襪一梳」時，他突然爆出一句「下一站金鐘、下一站金鐘」企圖解困，被一眾巴打視為全文精要所在。自此，當有人開post講述尷尬經歷或在港鐵發生的事，經常會有人插入一句「下一站金鐘」。
原文[]
|
前晚食完夜晚答地鐵番屋企,去到尖沙咀站見到對情侶嬲爆爆咁 睇黎都係鬧梗交,咁岩我捱左係d玻璃到玩電話 男:去到柴灣咁q遠,而家幾點呀?話唔定收左添啦到時咪盞on99 女:係咪on9架,宵夜開朝早架?定早餐24小時供應呀? 男:咪去咁遠啦,是但食d咪算囉又呢樣個樣 女:妖,番左成日工,而家想食餐好d既宵夜都唔比,咁我番屋企啦,byebye 雖然佢音量唔算真係大吵大鬧,但我企對面,聽得一清二楚 呢個時候諗住個男都係死死氣比條女食撚住架啦,去食啦 點知條仔好唔耐煩咁爆左句:屌你真係好麻煩,好啦好啦食啦 唔講由自可,一講條女呆左咁望住佢,開始諗住點進行反擊 3秒之後條女作出回應:係呀,好麻煩架,屌我又要帶袋,帶得個10零秒就要除番,唔好屌囉 嘩呢句不得了,我當堂頂唔蒲笑左出黎,附近有條友就醒目呀,背住佢地係到震 係呢一刻,條仔好嬲紅都面晒咁檸轉身啤住我,話晒佢都高我5,6,7個頭,當然有d淆底 我都唔知點算好,唯有好尷尬咁鳩講2句:下一站金鐘,下一站金鐘 然後條仔先望番條女講,食囉食囉咁,而家去食呀!!:-[ 然後一到站就急急腳拖左條女走,我先鬆一口氣,幾係怕條仔會拉我出去打我一身 |
漫畫版[]
