 |
本條目或段落需要擴充，歡迎協助擴充來改善這個條目或者段落。 更多個訊息可能會在討論頁找到。 歡迎擴充條目完成以後除掉本模板。 |
|
本條目或段落需要相關專門人士參與編輯。 請幫助我們尋找適合的人士。有關細節詳情等請參閱討論頁。 |
九巴泰文漢拒絕落車投訴事件，起源於2019年4月，一齣上載於YouTube的巴士行車攝錄器影片，片中巴士駛至長康巴士總站後，一名自稱泰國人的男乘客因不滿候車時間過長[1]（車長誤以爲該男子不滿行車時間過長），拒絕下車，走上車長位置，在巴士上與車長對話，不停問車長「你有咩問題？」，令車長莫名其妙，不禁反問對方有甚麼問題。對話期間兩人不斷重覆，最後車長致電站長報告事件。事件引起網民熱議。[2]
【完整足本5分鐘】你有咩問題｜我無問題｜你咩問題呀｜我泰國人｜九巴｜巴士-1
事件經過[]
2019年4月29日早上約8時32分，九巴42線巴士到達長康巴士總站後，當時車長正準備下車，一名男子突然走近車長位置。男子自稱是泰國人，向車長問道：「你有咩問題？」當時車長反應不及，反問對方，「咩問題呀？我有咩問題？」但男子卻回答：「我都唔知」，而兩人更不停重覆此對話。
車長要求對方下車，但男乘客拒絕，車長再問發生甚麼事，男乘客回答「我都唔知，無嘢，一個人呀」，令車長開始不耐煩，再次要求對方下車。男乘客此時卻投訴車長沒有禮貌，他更投訴候車時間要一小時太長，但車長就反駁對方，「趕時間唔好搭巴士，巴士係慢㗎啦！」
車長再次要求對方下車，惟男乘客仍拒絕下車，更笑著讓車長報警。車長就拿起水樽喝水，及後再讓對方下車，男子想一想後，表示「OK，OK，OK」，又叫車長「畀我呀」，令車長一頭霧水反問「畀咩呀？」。[3]這樣的對話重覆多次後，男乘客終於對車長道歉「對唔住」，車長冷靜回應「無咩對唔住，你落車得㗎喇」。不過男子就仍然表示不下車「我唔落喎」。車長只好致電站長求助，不過片中未有交代事件的結果。[4]
其後九巴回覆稱，該名乘客乘搭42線九巴到達長康巴士總站後拒絕落車，站長到場表示可提供協助後，乘客自行離開，而該班巴士為按編定時間表開出。[1]
對話內容(附書面語版)[]
(開首：在一輛42綫巴士上，巴士停在總站后，泰國男上前和車長理論)
（車長調校路綫牌和八達通機準備下車。）
泰國男： 你有咩問題？[5]
（你有什麽問題？）
車長： 咩問題啊？
（什麽問題啊？）
泰國男：喂我問你，你有咩問題啊。
（喂我在問你你有什麽問題呢。）
車長： 唔係啊，你有咩問題，我有咩問題？
（不是，你有什麽問題，我有什麽問題？）
泰國男：我問你你有咩問題啊？
（我問你你有什麽問題啊？）
車長： 嚇？
（什麽？）
泰國男： 我問你啊？
（我問你啊？）
車長：咩野問題，宜家咩事？
（什麽問題，現在發生什麽了？）
泰國男：我都唔知。
（我也不知道）
車長：咩問題啊？
（什麽問題啊？）
泰國男：我都唔知！我都唔知！
（我也不知道！我也不知道！）
車長：落車先講囉......咩事啊？
（下車再講吧......什麽事呢？）
泰國男：無野。
（沒事）
車長：無野咪得囉落車囉
（沒事就好了啊，你就下車啊）
泰國男：一個人啊一個人...人...一個人。
（一個人啊一個人...(口吃)...一個人。）
車長：咩一個人啊？
（什麽一個人？）
泰國男：一個人啊，你、我兩個。
（一個人啊，你和我兩個。）
車長：咩一個人啊...啊？
（什麽一個人啊...嗯？）
泰國男：一個人啊。
（一個人啊。）
車長：乜嘢一個人啊到站你就落車啦一個人一個人。
（什麽一個人啊？到站你就下車啊，一個人一個人......）
（對望）
泰國男：一個人。
（一個人）
車長：你想點啊，到站你就落車啦。
（你想咋樣？到站你就下車啊。）
泰國男：啊哥我話俾你聼......我無問題。
（老兄我告訴你......我沒問題。）
車長：無問題咪得囉，落車囉做咩姐？
（沒問題就行了啊，就下車啊幹什麽呢？）
泰國男：你有禮貌啦......
（你有禮貌點吧......）
泰國男：我知你唔驚。
（我知道你不怕。）
車長：宜家咩事姐宜家？
（現在發生什麽事？）
泰國男：一個鐘！
（一小時！）
車長：個咩鐘啊？
（什麽一小時啊？）
泰國男：（泰文）กูรอรถ42 ชั่วโมงหนึ่ง(咕嚕時爽，歌嫩)[6]
車長：...趕時間唔好搭巴士啦巴士係慢架啦！
（趕時間別乘巴士啊，巴士就是慢的啊！）
泰國男：點解啊？
（爲什麽？）
車長：巴士行得慢囉！
（巴士走得慢囉）
泰國男：點解？你話俾我聼點解？
（爲什麽？你告訴我爲什麽？）
車長：安全啊嘛！
（爲了安全啊！）
泰國男：...慢慢講啦大佬。
（慢慢講吧大哥）
車長：喂你阻住我啊宜家，你落唔落車啊？
（喂你現在正在阻礙我，你究竟下不下車？）
（關掉引擎）
泰國男：好驚wor，好驚wor，我泰國人。
（很怕呢，很怕呢，我是泰國人）
泰國男：好驚wor
（好怕怕呢）
車長：驚咩野姐，有咩好驚姐，你宜家阻住我。
（怕什麽怕，有什麽好怕，你現在正阻礙我）
泰國男：我話一個鐘！
（我說一小時！）
車長：乜嘢一個鐘啊......
（什麽一小時啊......）
泰國男：報警啦...一個鐘...
（你報警啊，一小時...）
（車長喝水，泰國男有點不耐煩。）
泰國男：唉......咦！（嘆氣）
（車長調校報站器）
車長：咁你落唔落車啊？
（那你下不下車？）
（泰國男轉身，第一次拍到八達通卡。）[7]
泰國男：okokok...畀我啊。
（好好好...給我啊。）
車長：畀咩啊？
（給什麽？）
泰國男：俾我！
（給我！）
車長：畀咩野啊？
（給什麽啊？）
泰國男：對唔住！
（對不起！）
車長：無咩對唔住，落車得架啦，你搭完車呢度到站，你就落車啦。
（沒什麽對不起的，下車就行了，你坐完車這裏到了站，你就下車吧。）
泰國男：我唔落wor。
（我不下車。）
（戰術搖頭）
泰國男：我唔落wor。
（我不下車）
（車長取出手提電話）
泰國男：快d。
（快點）
車長：快咩d姐？
（快什麽呢？）
（車長使用手機中）
（第二次轉身拍到八達通卡）
（第三次拍卡）
泰國男：一個人啊大佬。
（一個人啊大哥）
車長：一咩個人啊到站你就落車啦一個人。
（什麽一個人啊？到站你就下車呀，一個人什麽呢？）
泰國男：你唔係男人咩？×2
（你不是男子漢嗎？）
車長：喂站長，有個人啊唔肯落車啊，42啊。
（喂站長，這裏有人不肯下車，42綫。）
（挂電話）
泰國男：幾多次？
（多少次？/多少班？）
泰國男：一個鐘，一個鐘幾多次？
（一小時，一小時幾班車？）
車長：咩一個鐘一個鐘啊我都唔知你講乜。
（什麽一小時一小時，我都不知道你在講什麽。）
泰國男：我...唉...กูรอรถ ชั่วโมงหนึ่ง！
（*嘆氣*...我等了一個小時啊）
車長：你唔好同我講泰文啊我唔識聽架！
（你別跟我說泰文我聽不懂！）
站職員：先生先生咩事咩事？
（先生先生。請問發生什麽事？）
泰國男：我一個鐘啊，42.
（我一個小時，42/我在42綫等了一小時）
泰國男：係咪啊哥？
（是不是？老哥？）
站職員：宜家點樣？
（現在怎麽樣？）
泰國男：我無野我無野，我無打佢，我無野，你報警啦...我啊一個鐘!
(沒事沒事我沒打他,你報警吧,我!一小時!)
車長：宜家你阻住人兩個鐘啦!
(你現在阻礙別人兩小時了!)
(影片完結)
網民討論[]
張敬軒當奴拍片抽水事件[]
2019年5月1日，歌手張敬軒在Facebook上載一段影片「抽水」，順勢宣傳網上節目《天才遊童2019》新加坡篇。影片在私家車上拍攝，張敬軒扮演事件中的巴士車長，而組合I Love You Boyz成員Donald扮演自稱泰國人的男乘客。片段開頭的情境與車Cam片的內容一樣，兩人的神情亦扮演得非常相似，張敬軒更連車長喝水的畫面都有跟足呈現。片段到一半時，Donald就改為替張敬軒宣傳，為投訴張敬軒的片等了半年。其後Donald就問張敬軒，「你是不是『淫』男人？」，令張敬軒不禁笑場。
其後Donald再講出一段泰文，張敬軒就回應「你趕時間去看TVB？」，Donald問原因，張敬軒就指因為夠快，解釋影片一段時間未有推出是因為無「橋」。張敬軒再叫對方下車，更指下車就有片，乘機宣傳網上節目《天才遊童2019》新加坡篇，Donald就回應如果沒有片，他會再上車找張敬軒。[8][9]
衍生創作[]
天文台抽水[]
相關條目[]
註解
- ↑ 1.0 1.1 香港01：【有咩問題？】網傳泰男車長口角片 一句泰文控訴42巴士線脫班
- ↑ 星島日報：泰文漢不停問「你有咩問題」 九巴：下次同車長傾計最好用返廣東話
- ↑ 有推測指此處可能想表達要求「司機賠償車資予泰國男」
- ↑ 星島日報：【自稱泰國人】怪男坐九巴拒落車 狂問車長「你有咩問題？」
- ↑ 有推測指此處可能想表達What wrong with you
- ↑ 和後面已知的比較，可能是表示等了一小時車，很不爽
- ↑ 此時此刻巴士已經退出了營運，因此泰國男拍到卡并沒有誤付車資，只是進入系統被拒，才能再短時間内多次拍卡
- ↑ 星島日報：【爆笑】張敬軒孖當奴拍片「抽水」 重現巴士怪男「你有咩問題？」
- ↑ Youtube：張敬軒 x 當奴：你有咩問題？你究竟有咩問題？我冇問題 [ 天才遊童2019 - 新加坡篇 ]