香港網絡大典

特色條目、特色圖片正在進行候選提名及投票,獲選的將會於網典首頁中展示,歡迎大家參與!

了解更多

香港網絡大典
Advertisement

《今日去飲,我老婆屌爆藍絲親戚》潮文源自LIHKG討論區同名帖子。內容主要是深黄的主角一家三口去藍絲親戚家吃飯,遇到藍絲親戚批評,結果反被妻子反擊。

有關帖子引起網民熱議,而香城教育電視便將帖子製成短片。[1]

影片

今日去飲,我老婆屌爆藍絲親戚

今日去飲,我老婆屌爆藍絲親戚

原文

原文由LIHKG討論區會員「選擇的權利」​(會員編號:28629)​於2019年9月10日所創。

代fd po

話說我今日放假,我同老婆同個仔去佢屋企親戚度飲,咁本身我都想係屋企抖下,我從來冇諗過會傾起政治嘢,我同我老婆係深黄,如果聽到唔啱聽嘅嘢就算鳩數當自己聽唔到。

放得一日假都又要做家務又要呢樣個樣,又攰,都算啦,我同我老婆商量後都出席比下面。

咁一開始就傾下湊仔經咁啦,開開心心咁食緊乳豬開席。仆你個街係呢個時候我老婆個 阿叔定乜鳩,個時係大家都食緊嘢冇出聲,條仆街呀叔講「喂,你兩個有冇去示威呀?你兩個聽住呀,啲死示威者遲早比人拉鳩晒咖,女又做雞,男又收錢搞事,你地仲有個仔要養記得咪搞事呀。。。一陣怕你兩個教壞個仔呀好似啲示威者咁。」

我當時我都仲控制到,但口中舊乳豬我即刻吐出黎。我望向我老婆心諗今次大撚鑊。佢一向都好撐示威者,佢收收埋埋5000蚊攞去買飯卷比手足,我記得係6月個時佢又試過去五金鋪幫我買裝修嘢,佢見過幾過手足買裝,佢地埋單掙兩,三舊水,我老婆即刻話佢比晒,原來四個手足買咗千幾蚊,我老婆話佢比晒,啲錢留返你地自己傍身。。。

當我想㩒我老婆時,佢响場超大聲咁講「我話你聽,撚樣!」對住佢呀叔講,我呆咗,「香港就係多得你呢啲所謂愛國愛黨嘅撚樣係度搞撚到人民冇自由,依家班靚仔靚妹係幫緊我地去爭取訴求,而唔係搞破壞,如果政府一早肯聽訴求會搞到咁依家咁,第時我個仔大個我會同佢講呢件事,5大訴求,缺一不可,我對撚得住我個仔呀。」拍枱起身走,我望一望全場呆哂。。當然我跟住走。我個刻我覺得我好廢。。

外部連結

註解

Advertisement