仙氣

仙氣 高登每月之星得獎者 此宗網上事件已被推到上報，刊登於報章或主流雜誌上。

「仙氣」為2015年12月起新興的網絡用語，起源於高登討論區一個討論帖，轉載了一名女學生與男同學的Whatsapp對話，其中該男同學以「仙氣」一詞形容她的獨特氣質。該帖子引起網民廣傳熱議，更被推到上報並引發一眾網媒抽水熱潮，網絡和主流傳媒更採納了「仙氣女神」稱謂。

此事件成為高登2015年12月之星得主。

起源

事件中，女事主（事後被稱為「仙氣女神」）於Instagram張貼兩張WhatsApp截圖，內容大要為鄰班同學取得其電話號碼後，頻發訊息騷擾。女事主起初仍有單字回覆，但及後已沒再回應，於是男事主不斷「單機」自言自語，先是遷怒女方拒絕自己，又稱自己中學時頗受女生歡迎，女事主是「吊高嚟賣」；後來又突然「認低威」大讚女事主。

Whatsapp截圖1

Whatsapp截圖2

IG截圖1

IG截圖2

男： Hi，女學霸 女： hi 男： 你想我點叫你? 女： 全名 男： 你個名點寫 我驚我Whatsapp錯人😂 XXX 係唔係咁寫 女： 係 男： 我可唔可以問你一個問題 點解你會揀工程讀，通常女仔都會揀文商科 我好好奇 女： 冇點解 男： 你返到幾多號? 女： 唔知 男： 聽日考完一唔一齊食野 係今日先岩 咁下次先 我地緣份已盡，從此成為陌路人 ... 女： 😑 男： 唔怕同你講埋，我完全唔覺得你有誠意去建立進一步，你知唔知中學d女仔同我係主動打開話題，我真係咩都唔洗做，其中有個有錢女樣唔差追我追到出晒面，差唔多送到上門，但係我都係冇接受，你可能話有食唔食罪大惡極，但係我真係對佢冇feel，我唔會為左錢出賣我靈魂，我個人係重feel多個物質。XX，既然你咁冇誠意，我都無謂唱獨腳戲，無謂浪費大家時間。 你果D所謂技巧我中學D女同學用到爛晒，你估我睇唔出咩 我以後都唔想再見到你 Sorry我之前語氣係重左D，我都知你好唔開心 相信你已經對我無晒幻想 其實我覺得我地性格好極端 你諗野好理性 我諗野好感性 起埋一齊實會火星撞地球 我覺得你理性到好似男人 而我感性到似女人 屌我都唔知點解會揀工程 成個藝術家脾氣 Anyway你係我見個最聰明既女仔 我見個 真正 美貌與智慧並重 你再高d就完美 你而家應該憎到我死 唔出聲當你係 不過我寧願你憎我 我會冇咁內疚 同你一齊好大壓力 你好進取 而我追求自由 再加上女仔青春有限，我無謂晒你D時間 就算你唔介意我差過你，我心裏面都有條刺 出句聲好唔好，搞到我自己一個自言自語 駁下我又好 屌下我又好 我其實對你都幾有好感，你有一種好特別既氣質，係出邊d女仔冇 冇錯就係仙氣 不如到你講下對我有咩印象，我都想知下 唔講就算 你真係好理性= = 表下態，我都想知你點諗 你係我第一個只讀不回我whatsapp既人，平時係調番轉

高登網民「我要食甜蝦」及後開帖「[有圖] 毒撚whatsapp追起女上黎真係好恐怖」公開有關截圖，男事主「毒撚」性格即引起巴打熱議，對話中一句「冇錯就係仙氣」更旋即成為熱話。

涉事人物被起底及公審

是次事件受到高登巴絲廣泛關注，當中是非曲直則眾說紛紜。有人傾向針對女事主，指斥張貼私人對話到網上的不義，並實為透過奚落毒撚自抬身價；二為傾向針對男事主單機追求舉動形同狗公，幻想能力幾近瘋狂；三為傾向針對原貼文者「我要食甜蝦」，指斥他轉載別人Instagram內容上高登不道德，甚至連同其過往評様帖子一併抽水及聲討。

因此，各方陣營各自把男女事主、原貼文者起底及公審。

高登Admin封禁開Post會員

直至發帖被開到第四個時，有網民留言聲稱發帖者「高登大判官」及數名活躍參與討論的會員被bam，並質疑高登admin存心滅聲及偏幫涉事人物。被封禁者於膠登討論區再度開帖宣揚相關事件並聲討高登admin封禁行為，但膠登巴絲大多表示對此不感興趣。然而，有網民另行張貼仙氣事件則成功在膠登引起討論。

上報、網絡名人及網媒惡搞

「仙氣」成為網上熱話，有傳媒亦以此入題作報道引子。

網絡名人達哥也朗讀了相關帖文，並上載於YouTube。

達哥潮文集 - 無錯，就係仙氣 毒撚whatsapp追起女上黎真係好恐怖

CapTV以此為題材拍片抽水。

CapTV【追擊仙氣女學霸】

相關條目

• 霸氣
• 毒撚
• FF

外部連結

網民討論

• 高登討論區：[有圖] 毒撚whatsapp追起女上黎真係好恐怖
• 高登討論區：[有圖] 毒撚whatsapp追起女上黎真係好恐怖(2)
• 高登討論區：[有圖] 毒撚whatsapp追起女上黎真係好恐怖(3)
• 高登討論區：[有圖] 毒撚whatsapp追起女上黎真係好恐怖(4)
• 高登討論區：冇錯 就係仙氣

傳媒報道及網絡評論

• FACEPOP：【FACE即時】瘀到衝出宇宙 巴打WhatsApp自言自語溝女被公開，2015年12月10日
• 爾雅集：仙氣？咪玩啦！（柳臣），2015年12月10日
• kwongchunyu Instagram：《無錯就係仙氣》鄺俊宇

前任： 黃埔東2345名投鼠的選民

高登每月之星 2015年12月

後任： 吳亮星