何銳熙

經濟日報訪問巴士少年

何銳熙，Elvis，巴士阿叔事件的第二主角，開設一人地產公司。在5月23日於商業一台節目《香港幾咁好 為人民服務》說當日並不是自己於罵戰處於下風，而是玩弄巴士阿叔於股掌之中，自稱巴士阿叔在對話之後，即時淆底，講電話時"細聲左無數咁多"，更聲稱自己母親亦曾瀏覽有關片段，並認為「阿仔好本事」，結果不停被主持人及高登會員恥笑。其說話被網民認為是柒到冇朋友，並且是超級馬後炮和阿Q精神，而他自以為聰明絕頂的態度和極度陰濕地詛咒巴士阿叔的行為，令不少網民轉而支持巴士阿叔。但亦有不少人認為他的脾氣溫和，起初亦能仗義指責巴士阿叔缺乏公德的行為，尤其是巴士阿叔事件後期，巴士阿叔的形象越來越差，Elvis的受害者的姿態便更突出。

因為電台廣播的英語發音不清而曾把Elvis誤認為是Alvin及其他名字。

其他綽號

• 巴士懦夫
• 巴士四眼仔
• 巴士淆仔
• 巴士男
• 巴士青年

金句摘錄

(「佢」,即是巴士阿叔)

• 佢呢D人......佢比我玩緊姐。

(他這些人,他正被我玩弄而已。)

• 唏,你估佢真係老闆咩?......睇佢個款，好多錢身家咩。

(嘿,你猜他真是老闆麼?......看他的樣子,有好多家當麼?)

• 係網上咁多個post,我覺得係香港既一個悲劇......

(在網上有那麼多post,我覺得是香港的一個悲劇......)

• 香港既同我差唔多年紀既人呢,大部份都係存在住一堆既反智思想囉。

(在香港跟我年紀差不多的人呢，大部份都是存有一堆的反智思想吧。)

• 喂我比左錢坐車嫁喎,喂唔通我落車,蝕比個巴士公司咩?

(喂,我給了錢乘車嘛,難道我下車,賠本給巴士公司嗎?

• 我見咁多人,都閱人無數,佢呢d人呢,一係出手,一係出口。

(我見過那麼多人,閱人無數,他這種人,一是出手,一是出口。)

• 主持人:Elvis幾大年紀？ 答:廿鬆d啦。(主持人:Elvis年紀多大? 答:二十多點兒差不多吧。)
  • 主持人:鬆成點？ 答:Around 25左右啦。(主持人:差不多怎麼樣? 答:Around 25左右啦。)
    • 主持人:直情25啦係咪? 答:係。(主持人:就是25啦,對不對? 答:是。)

• 佢都唔係一個蠢得晒既人來既,不過佢就比較衝動左d咁解咋。

(他也不是一個徹頭徹尾的笨蛋來的,不過他就比較衝動一點的說。)

• 我咪利用住佢既衝動等佢繼續出醜囉。

(我便利用他的衝動讓繼續出醜吧。)

• 佢講得幾句野,未知佢咩人,未由佢玩囉,未同佢顛下囉。

（他只講了幾句話,還沒知道他是甚麼人,就讓他玩吧,就跟他胡鬧一下吧。)

• 佢自己同我講完鬧完之後.佢自已都淆底啦。

(他自己跟我說完罵完以後,他自己也沒膽子了。)

• 有讀science既人都知道聲線向前走架......

(有唸science的人也知道聲線向前走啦......)

• 我相信呢d人呢上得山多終遇虎既,我無需要幫人地教仔呀。

(我相信這種人上得山多終遇虎的，我沒需要替人家教小孩。)

• 幾廿歲都仲係咁衝動丫......我諗佢可能一下唔覺意都......下......可能會係條街度「賴低」咁d野,番唔到屋企。

(幾十歲也那麼衝動......我想他可能突然不小心也......啊......可能會在街上「留下」一些東西,回不了家。)

錄音

• Elvis於電台節目的錄音

• 分流1

• 分流2(from)Townil.足版

參見

• 巴士阿叔事件

外部連結

• 高登相關討論 (快聽電台,比阿叔屌個四眼仔上電台)