你最窮

《你最窮》，2019年高登音樂，改編自Twins的《你最紅》，由「a仔」、「四眼雞丁」改詞，「高階琴拿手」、「怪獸姐姐」主唱，於2019年2月6日推出，內容反映打工仔的苦況及被老闆欺壓的現象。

影片

新年特典 高登音樂台 高階琴拿手、怪獸姐姐 - 你最窮 (原曲 你最紅)

歌詞

《你最窮》 原曲：《你最紅》，Twins 改詞：a仔、四眼雞丁 主唱：高階琴拿手、怪獸姐姐 MV：四眼雞丁、漏奶 演出：膠液員、四眼雞丁、「謝霆鋒」、牙牙牙、金魚妹妹、樂詩人、吉吉吉吉吉吉、菲律賓男神、林祖舜、rider. 真恭喜　老闆請硬你 話月薪7K　請得你起 做就無謂計　就當益你地 有嘢快學嚟預你 要跑數　追下錢 要點算　你諗你 食硬死貓隻鑊隨時又嚟 有得剝削就有你 話咁易到三十歲 無奈到這年紀 何年何日你也都返工　做到癲心絞痛　旺淡市都這樣窮 誰人能及你咁多粒鐘　狀態真勇　做甚麼都冇人工 日日OT冇得操縱　File梗有七八棟 看看你又窮又廢　點遞信 去那裡做同樣凍薪冇解凍 真恭喜　老闆炒淨你 日日都需要　OT到死 像大時大節　從冇得去避 老細以後陪住你 接Warning　邊個想 有手尾　理得你 食硬死貓隻鑊隨時又嚟 有親衰野就有你 做野做到七十歲 淪落到八十幾 何年何日你也都返工　做到癲心絞痛　旺淡市都這樣窮 誰人能及你咁多粒鐘　狀態真勇　做什麼都冇人工 日日OT冇得操縱　波士玩你都冇用 再過四十年就老　點遞信 扣你假份糧未到都冇起哄

相關條目

• 高登音樂

外部連結

• YouTube影片：[新年特典] [高登音樂台] 高階琴拿手、怪獸姐姐 - 你最窮 (原曲:你最紅)
• 高登討論區：[高登音樂][新年特典]高階琴拿手/怪獸姐姐-你最窮(原曲:你最紅)
• 高登音樂台 HKGolden Music fb專頁：[新年特典] 高階琴拿手、怪獸姐姐/曲 - 你最窮 (原曲:你最紅)