|
《信任讓爛片成真》是林忌於2010年5月26日正式發佈的惡搞宣傳片。
2010年5月26日，林忌把2012政制方案的其中一段《信任，讓夢想成真》官方宣傳片惡搞成《信任，讓爛片成真》。[1]在最初版本的影片，由於林忌唱錯歌詞及擔心使用特區區徽侵犯商標版權，於是改成現在的版本：特區區徽改成高登小丑圖示。
影片[]
內容[]
對白[]
女甲：咦，好靚喎！
女乙：畢業party可以著到呢條裙就好了！
權權姐姐：係喎！我又要著！
（女乙繪畫裙子草稿圖。）
女乙：媽咪，我個設計靚唔靚呀？
權權姐姐：嘩！好靚呀！（女乙打權權姐姐）
女乙：你估做唔做到呢？
（鏡頭一轉，打掃家中的女士，就是傳說中的李老母。）
女乙：下？媽咪你又要加班喇？！
權權姐姐：下？媽咪你真係要加班啊？！（老母，人大要加班十年呀！）
（鏡頭一轉，李老母賣翻版光碟。）
李老母：一百蚊四隻，青春少艾，唐唐英英，任睇任揀……
（鏡頭一轉，日曆上有紙條寫著「幾時先有普選？」。）
女乙：老母咁忙，一定趕唔切（整我條裙）啦！
權權姐姐：你要有信心先得架嘛！（你要有信心，我一定會玩鋪勁！）
（鏡頭一轉，李老母坐下，從垃圾桶裡拿出一件賣魚佬用的圍裙在弄。）
（鏡頭一轉，女乙看到一些東西後目瞪口呆，權權姐姐看到一些東西後卻開心得攏不了嘴。原來那條不是裙，是賣魚佬用的圍裙，暗諷2012政制方案。）
權權姐姐：好靚呀！
李老母：睇下啱唔啱身？
女乙（行出來生氣地說）：我都唔係要呢啲嘢！（被權權姐姐及李老母推倒）
權權姐姐及李老母：老母向前走，騙案不停留！Yeah！
片尾讀白：信任，讓爛片成真。信你一成，雙目失明，請反對2012政制方案。
改編政府宣傳片配樂歌詞[]
中文歌名：信任禮義廉（改編自政府宣傳片配樂）
英文歌名：Trust me I will get the job done
廿蚊十蚊 埋～沒這良心 賣港 My love 埋～沒這良心 犯這眾憎禮義～廉
呃細路最勁 立亂想害人 繼續無恥 全球共憤
Trust me Love me, I will get the job done! 只會傻笑求信任
等冇力兌現 又不准換人 繼續無恥 全球共憤
收埋一排 再翻叮呻笨 可有誰願意信佢邊句真？
呃埋幾年 老母都喊笨 一再犯錯送佢返深圳 再會啦！
製作人員[]
註解
相關條目[]
外部連結[]
網站[]
- 每日一膠：信任讓爛片成真 －－福佳製作 MV （重新發佈），2010年5月26日。
報章報道[]
- 明報：林忌惡搞政改宣傳﹕「信任讓爛片成真」，2010年5月27日。
- 蘋果日報：隔牆有耳：打牌喻政改 廣告橋被 ban，2010年5月29日。