 |
本條目或段落需要修正為網典格式。 請參照編輯守則和如何編寫高質量條目進行修訂，或參考網典百科格式指南，並在完成後移除本提示。 |
修道船事件，發生於2003年1月25日的香港奇聞。一名自稱九秒內可打出一百拳，六年內實戰二千次，創立真武道的二十多歲年青武術家鄺啟源,網名修道船 ，在華山論劍功夫網聚京士柏聚會之後，揚言勁人NoBody-Here有腳無手("有手無腳"是誤傳)，又稱NoBody-Here及當日聚會中人的武術不夠實戰，敵不過自己，經過一輪規則談判後接受NoBody-Here挑戰，相約於2003年01月25日旺角花園街市政大樓十樓活動室比試，以證明修道船一番驚人偉論屬實。 對戰開始約廿多秒,NoBody-Here以站立式斷頭檯頸鎖秒殺修道船，迫使修道船舉手投降，其後不足兩分鐘被高腿完全擊倒，隨後整個比武過程的片段於網絡各討論區大肆張貼。 當年尚未有Youtube，但此片滲透度極高，連一些偏僻地區的論壇也有片段下載，直到現在仍然在互聯網廣為流傳。 而此片段現身後不斷有人用「鐵達尼號」相片譏諷修道船。
事後修道船在他個人網上日記(現已關閉)仍稱自己有能力擊倒NoBody-Here,只不過當時手下留情而已，其後潛水收場。
此戰另有別名沈船之戰
以下為修道船之前的日記記錄
大名： 船兒 電郵： bobo@hotmail.com 說： 我以前係打街戰出生既........ 冇錯,我而家既武功極差,但我唔在乎!因為我既心態唔同左.但我以前既對手既武功確實係no body之上,所以我唔覺得佢好勁. >>2003年08月11日 19:57:42
大名： 船兒 電郵： bobo@hotmail.com 說： 我係果次比武唔出手既理由我已經講過好多次,我亦唔打算再講.我既實力去到邊唔需要向任何人證明,眼看的未必是真!你有冇見過係水中被陽光折射既筷子?我以前單手打贏一個體重重過我45磅既柔道仔,當時有超過30人在場見證,你又在唔在場?我以前打贏過跆拳道高手同合氣道師傅,當時你又在唔在場?我以前個徒弟一個打贏6個人,而我以前武功最巔峰時既實力遠在佢之上,你又在唔在場?? >>2003年08月11日 19:53:15
大名： 船兒 電郵： bobo@hotmail.com 說： 你到底係邊個?果次我根本冇出過手.我曾經跟過一個年過50,識得超過二十種武術,浸淫詠春拳超過10年既詠春助教,佢既實力同玄空相比仲有一段距離,玄空既真正實力唔簡單架!! 我當然冇後悔跟過佢啦!! >>2003年08月08日 19:51:06
對戰規則[]
早期NoBody-Here只提出"30分鐘x1回合冇休息"一個要求，其餘任由修道船定下以下規則，以免修道船有"合理戰敗"的藉口:
- 1/雙方必需戴上護甲、頭盔、護腿、boxing拳套
- 2/不能用拳擊打對方頭部
- 3/沒有地戰，其中一方倒地要即時分開
- 4/不能使用關節技
此規則一出後，遭一眾華山論劍網友譏笑為"比香港武術聯會散手比賽更差勁的「機械人大戰」規則"，於是再作出修改,成為最後的比賽規則:
- 1/可自由選擇戴或不戴護甲、頭盔、護腿、任何拳套
- 2/攻擊對方頭部時需要留力
- 3/可地戰
- 4/可使用關節技
- 5/2分鐘x1回合
後續事件[]
2017年，有網民發現修道船回應了當年的沉船之戰事件，在行文中談及當年不敵NoBody-Here是因為當時心靈及身體都受傷所以才不敵NoBody-Here，指出NoBody-Here的實力跟自己全盛相差太遠，並稱自己拳速不會比李小龍慢，以及再一次強調9秒100拳及2000次實戰是真有其事。其後更在句末稱黃洋達為議員，令網民啼笑皆非。
修道船回應昔日沉船之戰截圖1
修道船回應昔日沉船之戰截圖2
修道船回應昔日沉船之戰截圖3
相關相簿[]
http://hk.pg.photos.yahoo.com/ph/shortboatkwong/my_photos
相關影片[]
相關討論[]
| |||||||||||
