城大更換學生膳堂營辦商事件發生於2009年7月1日，城市大學的餐廳（Canteen）的營辦商由美心換成城軒。
反應[]
是次事件有三個地方集中有人討論，分別是城大canteen的意見版、城大的民主牆和網上討論區。其中以網上討論區最為熱鬧和激烈，而且是更放膽。這是可以理解的，因為以發表的內容的持久度來說，城大canteen的意見版最不持久，其次是城大的民主牆，最久當然是網上討論區（雖然不是永遠，但至少可以keep到幾年），尤其是要發表一些內幕或爭議性大的言論，如果在城大canteen的意見版，就會很快被「河蟹」掉；如果在城大的民主牆，由於一定要寫上學生編號，要追查誰人發表當然非常容易；而且發表者都是城市大學學生或職員，可能因此得罪了城市大學內的某些高層，擔心被高層報復，故也不敢發表太多。
雖然香港兩個最大型的網上討論區高登討論區和香港討論區都有討論今次事件，但是今次香港討論區確實比高登討論區優勝。因為這個帖子[1]是有不少的內容揭發黑幕：
SU 同 JT 唔代表我地全校學生既意見, 佢地自己究竟知唔知道城軒D野係幾咁難食架, 9/F 已經冇人去架啦, 仲要比佢做埋 CANTEEN??
學校究竟有冇人管理架, 有腦既都唔會比佢做啦, 美心做錯D乜要走呀! 難得唔洗再食凍飯, 唔洗飲D有漂白水味既檸檬茶, D奶茶飲完仲會肚痛架!! 以後夜晚溫書想食D野都冇啦 ... 應該係話已經都冇啖好食要去又一城食M記啦 ...
我97年係城大溫書, 8點半已經成個 CANTEEN 洗緊而且D人係度瞓覺架...
究竟有冇一個MARKING SCHEME 架, 佢以前都做咁衰都比佢做?? 究竟點揀佢出黎, 全港咁多間餐廳, 學校唔識搵下人地既咩?? 比咁多錢 PROCUREMENT 請咁多人, 叫佢地返去瞓定 HEA 呀! 轉CANTEEN 咁大件事都可以咁馬虎, 呢班人要出黎解釋呀! 仲有 SU 都係呀! 選佢地出黎搵我地做白老鼠呀! 食D冷冰冰既飯, 冇味既野飲, SU 班人最好比我見佢地 日日都所有人去 CANTEEN 食飯呀!!
師兄你大可以用你個跟一世的 id 寫民主牆呀，如果 su 班友撕左佢即等如對我地呢 d 老鬼不敬，如是者可以同校友處講，冇回應的話第時呼籲我地捐款大可以不理！
話事話，聽內部人士指出，FO 個班採購 MANAGEMENT 真係廢過乜。而家仲有好多疑點未解決︰
1) 有冇出 INVITATION 比有潛質的餐飲承辦商？
2) 有冇 MARKING SCHEME/又有什麼準則去做 TENDER DOCUEMNT/TENDER EVALUATION
3) 如大家所言城軒有咁多 DEMERIT POINT，咁佢好大機會係 TENDER ASSESSMENT 中 FAILED 左 （定係 FO 個班廢人連乜野叫 MARKING SCHEME 都唔知）
4) 幾時開左 TENDER ASSESSMENT PANEL，邊個 CHAIR 又邊個係成員，如有 SU 一定有人做代表，而呢個 SU 代表又有冇 CONSULT 過人？
有時唔係想質疑 D 人做唔到野，而係根本就係做唔到出來！呢單野係時候要同校友會評議會 D 人反映下，唔好等佢地以我地 D 校友對 CITY D 野不聞不問。
而家呢度個個都睇下自己 AL 成績入唔入到 U，咁又好難怪當中有人入了 U 只顧自己又乜野都唔顧。如果係咁，不如唔好出來 SERVE THE COMMUNITY 啦。
成件事最大的問題係一d透明度都冇，send封e-mail話轉就轉
如果話有學生代表，99%係SU，因為城大冇獨立學生代表制
如果未入大學，當然要諗住guarantee到大學學位先 (特別係呢幾日，Jupas調位時間)
其他軟件問題，當然入左學先算
冇一個人會因為「canteen」質素揀大學
頭先我o係女廁聽到有個canteen staff 同frd講電話,
佢講到對城軒好不滿, 爆晒粗, 又話買野食d 人好多人垃圾喎..
佢話自己唔係長工, 講到唔想做咁, 好似迫佢返工咁,
唔怪得canteen d service 咁「好」啦~
美心, 大快活喺市場競爭下過的是刀口生活. 城軒, 咳咳, 是縱慣了的少爺兵, 拭目以待.
http://www.shinghin.com/tc/home.html
新Canteen難食、核突、款式少、毫無特色，有待改進。我覺得問題重點是Finance Office換承辦商過程一點都不民主，不體察民情。就算再換間美心，都不會是以前的美心，外面都有D難食既美心。
我唔可以話你錯，食得耐有時都要轉下口味，但我覺得城軒以往做快餐既服務到依家都無吸取食客意見，佢俾我既印象係這班前線既人，全部都無快餐經驗，我從未試過對其它快餐店咁失望除左城軒!
唔好再係美心，但亦唔想要城軒!
有冇諗過入標得城軒，美心有可能冇再入標?
既然招標過程毫無透明度，唔排除有「得一間入標，結果低分中標」的可能性
我0係Poly做過膳食委員會學生代表，曾經見證過「得一間入標，結果低分中標」的情況
我肯定美心有投標，啊女經理話佢地做左Presentation,但收到通知輸左，所以要走
剛剛收料，路邊社話有 FO啦，SU啦同埋教職員代表喎
The point is... why no student know the FO 要轉 canteen in Sem B 呢?
SU 收皮 la~~~
除左做擦鞋野之外還有什麼 contribution?
有通知~~
但所謂的通知只係一封FinanceOffice於6月12日發出的EBS
SU身為學生代表竟然冇交代過囉
聽美心經理姐姐講佢講傾部門做了很多晚通宵！
據接近消息人士指出，今次負責草擬投標文件 (Tender Document) 的某一位 FO 管理層不但沒有考慮到近年通脹因素而加大合約總值 (Contract Sum) 反而仲要壓價。
根據一位係某政府食堂而又係城軒做的部門朋友講上一次張標係有容許新成功投標者加價以反晒物價指數，而城軒亦都係新合約開始後加價。
據了解，今次投標就只有美心同城軒兩間入標，結果係標書審議過程中因一位職員代表講不喜歡美心而將合約奉獻比左城軒。呢位職員十年唔逢一潤去 canteen 咁就將廣大學生利益教非。
美心失去了城大的合約反而仲中左國泰城的合約，對佢地來講可以係冇損失。
另一方面，由今次事件中可以睇出，FO 負責採購及合約部份的職員，特別是管理人員，的專業水平嚴重不足，假如該等人員有在大機構如政府部門處理大型合約 (即 5百萬) 以上的經驗，一定會制定出一套客觀的評審準則。
所以至今 FO 有責任企出來解釋整個決策流程係點，仲有要 SU 清楚交代及公開各有關會議文件，向廣大城大學生交代！
冤有頭,債有主
尋仇都要點清楚個相
想問下, 係邊d友有決定權轉比城軒架
係政府就AO決定,EO執行,你向EO示威都晒鬼氣,即係點錯相
咁學校呢, 係教授定係正副校長校監們有決定權呀? 佢地其實理唔理呢d野架呢?
定係d部門亞頭呢?
應該點都唔會係.....學生吧!!!
政府分工是 AO 定政策，EO 將政策付予實行，包括張羅資源等。所以係政府內部 EO 或用家 SECTION 的 DEPARTMENTAL GRADE是負責一整套投標工作，我諗係呢件事上面鄭翼之個班人可能冇乜過問而令到桃源樓個班友亂咁來，唔係佢地又點可以又請個 AM 個做採購野呀。
其實我想知道張新約, 有沒有試用期....同埋在什麼情況下,可以在試用期收回現有經營者的營辦權....
在那麼多異議的聲音下,校方應公開之前鄰選CANTEEN的過程, 例如為什麼其他投標者落選等資料.....
同埋, 現屆學生會見到那麼多反對聲音, 佢地應該回應學生的訴求,要求校方交代事件, 民主是重要, 城大的民生也是很重要的......
雖然我冇見過合約,不過以一般business practice好少有這回事,要轉最大機會係等張合約(一年、三年、九年?)到期!
今日去城X食,份量故然小,食物質素很差,今朝去大家X食過條香腸好好味,去到城X食,條腸很難食,我真懷疑原材 料的清潔度,我家人晚上肚ALL,我消化能力比較差,唔知明天會不會有事 ,難道只有我没有事
民主牆要求還我美X,個個都話食物好,款又多,價錢又好
新CANTEEN職員都未識用收銀機,提交報告委員會時,應有計劃,委員會應研究每間申請者的可行性,新CANTEEN根本就是新手,不過以前好似失敗過,今回卷土從來,但不是有備而來,不是不給機會新機構,但委員會要供開選取理由,如果没有理由...看來企業管治都合適大學
我唔係CITY人
不過美心係CITY拎左HACCP認證... 係CANTEEN同快餐界係絕無僅有
冇理由會輸TENDER
好唔好食都算主觀, 但食物危害安全管理係客觀因素
城大的同學仔, 要校方解釋佢地點樣評分呀!
其實城軒係1000% 會WIN , 因為其中一位大粒PROFESSOR 有股份..( 唔信既話, 自己去CHECK 吓)
好黑暗
城軒唔係上市公司... 都好難CHECK到喎
但任憑城軒點抄, 都冇本事好似美心咁拎到HACCP
嘩!! 如果係真!!~ 真係超angry lor!~
一個professor幫全校學生decide?? 咩事?! professor有利益衝突! 明顯有問題wor!
如果黑箱屬實, 就要講出黎, 全city人1年既命運就係你手上啦!!~
mixsugar
如果真係 post 的話你真係要確定所有內容都係真既先
因為如果同事實有出入
城軒都有權告你誹謗
glicoy 都會拉埋落水
所以
晌度呼籲知情人士到 ICAC 舉報
好方便，之前既 reply 都講過
只要有合理懷疑就可以舉報，唔一定要有十足證據
搜證工作留返俾佢地做都可以
在下只是路過，多口一言
在下需非是與城大有任何關係的人，但對有關今次易手的內容所知的相信比大家詳盡...
1.有關入標書的問題
入標的公司是不只美心和城軒的，還有大家樂、大快樂及泛亞等...
但標書內容非常苛克，其中一項是舊公司合約滿期為6月30日22:00後交場
而新公司必需於次日早上07:30準時提供食物，而中標者亦只會在約兩星期前才可獲通知...
就以這兩項要求已令兩間"大記"及泛亞卻步了，試問有那一所公司有膽量在短短兩星期時間
內籌組一所需要過百名員工才可應付的食肆呢？更只有不足10小時時間還原所有生產設備，
於次早提供食物...
2.有關食物安全及食物品質數問題
據在下所知及所見，發現舊有美心廚部員工和總廚亦留任於此，所以在有關食品的處理手法和
味道理應出入不大，但份量可能有所出入。
3.管理人員及管理手法
城軒這次的管理模式可算是一大改進，因在下發現這裡的店長可是各位的當年同學或學長，據聞
這名店長曾任城大某屆的學生會會長，離校後加入了飲食業後城軒以高薪招聘回來，現成為了各
同學們的canteen裡最高職位的管理人員，相信他深明同學們所需。
4.能否成就新一個領有HACCP的快餐或食坊呢
城軒其他食肆可否成功在下不敢斷言，但這裡在下相信是可以的，就憑城大所出的高材生的才能，
再加上原本就是於此工作的廚師們，在下相信是會成功的，就算不信城軒、不信廚師亦應信任城大
出來的同學是有能力成就一切的。
最後在下是誰？為何所知如此詳盡？
在下只是一名法海中路過的夜遊人而己
善哉善哉
非心理作動，但味道的確差左好多
我有次食食下唔掂
同個應該係副店長既阿姐傾
佢試食左少少
都覺得有問題
我同店長接觸過，佢承認佢係四年前 BBA Finance 既畢業生
另外，佢亦都親口認左 canteen 有六成既食物都「唔好味」（exact wording）
佢都解釋話份量問題係因為新員工唔知「一碟」應有既份量係幾多先會少左，同埋新員工根本對佢地未有歸屬感，冇可能會幫公司慳野
（另外，致店長先生：睇到呢度我諗你都知我係邊個了，你上次應承我會請我晌 canteen 試多一餐，睇下有冇改善，但我上次去 canteen 果陣見到你，你好似一見到我就走左去，咁我都無謂再要你請我食飯啦）
如果真係有 內定結果 , 什麼 "中標者亦只會在約兩星期前才可獲通知" 更是手段 ! 待 現有 營運商 攪清楚 失標原因 , 已經要交場 , 想反對 都無行 ; 其他 非 "內定" 投標者 也可能 因此 而 舉棋不定 影響 投標意向 , 最終 落選
食物 味道 , 除廚師外 , 食材本身 也非常重要 , 加上 現時 感到變味 既顧客不在少數 , 所以 食物品質數問題 , 大家心中有數
"... 這名店長曾任城大某屆的學生會會長 ... 相信他深明同學們所需 ..." , 對於 這點 , 本人 有極大保留 , 係今次 更換 營運商 一事上 , 學生會 做過 D乜 如果 唔係 FO 一封 email 通知 結果 , 大家 連 換營運商 都唔知 .
對於 突然出現 咁多 "知情人士" , 我覺得 SU 應該 發表聲明 要求 FO 有關人士 交代 是次 審標 過程 , 所謂 真理越辯越明 , 叫 FO 交代過程 唔算過份
呀魔炎兄
我都係過路嘅...由屯門醫院過嚟...我而家比城軒折磨緊
有興趣內嚟Facebook睇吓我哋有幾慘...
http://www.facebook.com/group.php?gid=50367108966
標題︰我們不要城軒, 踢佢出屯門醫院
仲有你嗰句.....
"4.能否成就新一個領有HACCP的快餐或食坊呢
城軒其他食肆可否成功在下不敢斷言，但這裡在下相信是可以的，就憑城大所出的高材生的才能，再加上原本就是於此工作的廚師們，在下相信是會成功的，就算不信城軒、不信廚師亦應信任城大出來的同學是有能力成就一切的。"
<<<<高材生(邊科畢業先????我諗個底起碼要hotel managment, food science之類啦...做過學生會唔等於管得掂間餐廳)+廚師(識煮野食唔等於有食物安全意識，真係要睇吓公司點去manage，有冇派人睇住廚房啲人做野)，你了解吓HACCP係乜同點去攞認証先啦....
<<<講真一句，啲所謂認証只要有"心"去做同肯駛錢就一定攞到，真係要放長雙眼睇吓佢哋係咪攞個"心"出嚟做囉....
我响屯門呢面就起碼有幾年要捱(攪完罷食都冇用...都係趕唔到佢哋走，而家已經對佢哋(城軒+院方管理層)完全死心)，希望你哋能逃出城軒魔掌啦...
1. 我相信你想講大家樂, 大快活及泛亞
但 大家樂=泛亞, 即係最多都係多兩間入標
佢地應該睇左標書先入標, 你話佢地"卻步"
即係有冇入標?
4. 一般CANTEEN公司黎講, 好少主動去拎HACCP, 我估計美心都係應CITY要求先去拎
既然CITY U咁HARSH的要求, 俾一間冇水準的城軒去做
係唔係有"鬆張"之嫌?
睇完glicoy個Post, 愈諗愈覺得有d唔多妥,今朝想再睇真d,點知個Post已經俾版主封左, 我諗,係因為真係有d誹謗成份.
憑記憶.....
(1) 入面話城大個Manager俾份超難的Test俾你美心投標時答,話有心留難你,咁即係話,美心考試肥佬左,所以要留班,人地誠軒就Pass,有得升班,不過美心就唔順氣,話美心份卷特別難,無可能Pass,但係份卷, 係學校成個評審會出俾你架喎,就算有差異,邊有可能差異到有明顯偏袒而成個評審會都睇唔到或唔理呀,就算個Post話有個Professor有股份,咁唔通其他評審員都要跟呢個Professor做決定咩?唔通學生代表又偏袒咩?
而且,美心係呢行,係博士級,城軒只不過係....中學級,大家一齊考試,輸左就只會令人覺得.....羞家 ......
(2) 話美心打算引入元氣和Starbuck作為討好City,雖然我都好中意呢兩間野,但係,我諗真d, 依家City係招標Canteen播,美心要開呢兩間野,係咪同開Canteen呢個主題唔吻合呢, 係人都知, Starbuck係高邊際利潤的,成本主要係舖租同人工,反而咖啡豆就好平,但係,係City開舖,係唔駛舖租架播,嘩,本來的高利潤,咪變成超高利潤,個Post話賣一杯$17,比出面只係平幾蚊,咁.... 嘩,美心真係會好發播,而且, 依家食飯都唔夠位坐,你仲開Starbuck霸左d位,咁....仲邊夠位坐呀.....
(3) 招標係公開招的,話明係經營Canteen,嘩, 如果話原來可以開元氣/Starbuck/法國餐廳/火鍋店/韓國菜.......,仲話咁就可以討好City,咁其他集團會點諗先.....唔去ICAC投訴先奇啦,始終呢度係[城市大學],你估係[城市商場]咩....我以前都成日食元氣的,不過,自從美心買起左元氣後,我食過一次,就....無再食啦
哎,如果glicoy個Post係事實,美心......我就覺得,你用錯策略去考試啦,攪到依家個個都係輸家.....
如果美心係公平公正甘輸, 而城軒係公平公正甘win就無得講, 但而加有好多疑問, 又有知情人士爆料, 加上學生係lee件事上絕對有知情權。如果無野, 真係fair, 怕咩公開資料 (e.g.招標過程, 評審過程、中標criteria等)~ 作為學生會、城軒、評審有關unit, 我覺得應該要有人出黎交代多少少野
城軒如果有心搞好、improve, 我會appreciate, 都願意俾佢時間, 但如果有無形之手, 就係公正ge問題, 已經同好唔好食無關, 另一樣野黎。
諗諗下...
重有問題
如果美心廚房員工順利過渡俾城軒
三方點都最少要一個月通知, 又點會係兩個禮拜之內搞得掂？
話晒員工係跟公司, 唔係跟大學喎...
我舊時係LU的, 係由城軒經營 (而家轉左大家樂)
之前LU係要求CANTEEN要開CAFE, 校長重話想學HKU咁開STARBUCKS
但因為只係得城軒投... 所以最後城軒都開左CAFE
唔排除CITY都有要求要有CAFE... 不過要唔要STARBUCKS LEVEL就唔知喇
PS: $17 唔止平幾蚊呀? 出面起碼$30喎...
1) 冇錯，投票係1人1票，但唔係個個Professor都有得投，要資格ma
2) 劉翔同你跑110欄，不過要先讓100，你估佢贏唔贏到你，係不公平情況下輸，可唔可以用“羞家”去形容
3) 人地比多個選擇(starbuck,元氣)我地，都有問題
4) 經營中式canteen唔通唔可以賣款式其他食品，佢地係canteen賣樓定賣地 ，其他集團都可以有唔同choice去投標，大家樂夠可以出意粉屋落
真令我好 “廢解”
1. 出卷果個人而家係乜水以咩指標黎出都唔知，做卷既過程完全冇人知道。美心FAIL唔FAIL係疑似由一班唔似會屈就係CANTEEN食飯既小圈子決定，唔係由食開CANTEEN既學生決定，如果要學生公投你估邊個會PASS？
2. 佢提議姐，成個方案係點都唔知。同埋唔會因為一間公司提議一項新服務，所以學校就要終止同佢合作呀嘛？用腦諗諗佢。
3. 開多幾種唔同類型既食物都要去ICAC？難道咁叫行賄？ICAC咁樣俾你用既咩？乜有人禁止城軒或其他競標者開多幾種食物咩？CANTEEN點解唔可以提供多D種類？點解要俾你定型？
你作為一個打手無疑係非常失敗，若論曲線則令人非常佩服。
我想講, 應請代表學生參與鄰選過程的同學在民主牆交待下鄰選過程...
純粹傳聞: committee中係同學揀城軒既, 並不是professor們...
講明: 我沒份參與, 以上純粹聽回來. 不信就算.
註解
外部連結[]
- 高登討論區：仆街啦city個can俾城軒投標得手
- 高登討論區：WTF！美心輸左，七一後CityU Canteen俾返城軒做！？
- 高登討論區：[city撚] 今日換左城軒, 會唔會換走埋d canteen姐姐
- 高登討論區：[城大撚] city個canteen食左屎
- 高登討論區：唉.............城軒真係好唔撚掂
- 高登討論區：[CITY Canteen] d 野食想點呀
- 高登討論區：暑假劣食大學canteen團
- 高登討論區：City canteen(城軒)公聽會
- 高登討論區：[city] 老味 城軒d奶茶真係好撚難飲
- 香港討論區：個canteen差到冇人有
- 香港討論區：新城大canteen集中討論帖(請勿另開主題)
- 香港討論區：●●●● 學生會有對新食堂「城軒」的問卷調查 ●●●●
- Uwants：我係師兄 唔洗多講 打倒城軒
- OpenRice：港式 Hong Kong 快餐店 Fast Food 美心MX 的食評
- 香港桌上角色扮演遊戲同好會：城大Canteen轉手