大學生被指推女朋友落樓梯事件是指一單出現在2009年11月的傳聞。2009年11月2日，有人在Uwants討論區中轉貼某個Xanga的文章，該文章指某位姓徐的男生對女朋友態度惡劣，並且把她推下樓梯導致其小產。本來此事件只是單純聲討男事主的「低賤行為」，後來演變成兩個分支，包括反男事主群組盧姓組主，他涉嫌煽動他人「買起男事主」而被高登追擊；另一分支則是部份網民主要對《你睇我唔到》主持陳強不滿，發動一人一信向廣播事務管理局投訴。而此事於2009年11月8日和9日在《明報》上報，當中11月8日更是頭版報導。
傳聞開始[]
這篇文章迅即被轉貼到各大討論區，網民們初時對文章內容全無懷疑，一致聲討男事主，並把男事主起底，把其個人資料包括就讀學校、電話等貼在討論區中。
傳聞擴大[]
YoYo 在facebook中開了反男事主的群組，短短數天已有二萬多人加入。多個論壇都出現反男事主的文章。及後，多個網站出現多篇由自稱認識男事主的人所出的文章，指控男事主「食軟飯」等十三宗罪[1]，召妓不付錢[2]等，並有人指出男事主在某個徵友網站徵友，及徵求援交女等。令網民更加相信事件真有其事，對男事主使以口誅筆伐。更甚者，有人打電話給男事主滋擾。男事主不勝其煩，曾先後往警署報案及向私隱專員公署投訴，但獲得的回覆都是沒法處理。
聲稱是男事主徵友的資料
事主澄清[]
事件發生多天後，男事主到903節目「你睇我唔到」中澄清並無此事，並指因為此事，自己不斷被騷擾。他更指知道是誰作故事來陷害他。
節目完結後，有自稱為男事主的父母在my903.com的討論區貼文（其身份獲陳強及男事主確認，的確是其父母）懸紅十萬元，希望女事主現身指控男事主。
傳聞後續[]
2009年11月7日，有人在Uwants貼文指自己為女事主的朋友，並引用一段聲稱來自女事主的文章。指女事主不怪責男事主，希望此事告一段落，但此文章被人質疑真實性。同晚，男事主的前度女友（指控男事主13宗罪的小丁）現身高登電台，指証男事主的人格，並指13宗罪確有此事，而其他指控則無從考究，但其論點被指只是小事，不著邊際。由於一直沒有任何新證據證明推落樓梯一事，故部份網民改為以男事主人格為抨擊點。亦有網民開始認為這是男女事主間的私事，外人無必要及無權去干涉。
2009年11月10日，《你睇我唔到》繼續播出男事主的澄清，他指除十三宗罪女事主外，其餘的指控都是假的，包括召妓和在友緣人中徵友，節目尾聲時，陳強請男事主父母講話，他們表示希望事件能夠到此為止，謠言止於智者。
傳媒報道[]
- 《明報》在2009年11月8日頭版報導此事，有網民擔心政府會借此收緊網上言論自由。《明報》在翌日繼續報導事件，指經該報報導後，反男事主群組的作為已有所收儉，刪除部份男事主的個人資料。該報導亦指如果網民所發之言論有刑事成份，即使有免責聲明亦會遭起訴。在2009年11月10日，《明報》引述個人資料私隱專員吳斌對此事之回應。[3]
- 高登電台由11月7日起連續多天播出關於本事件的節目。
- 叱咤903節目《你睇我唔到》由11月5日起連續四集播出男事主的自白。
- 第129期《FACE》雜誌以《網絡欺凌 JM fans變世紀賤男》作標題報導此事。
《你睇我唔到》主持陳強被圍攻[]
2009年11月6日，節目中只有陳強與男事主的對話，令反男事主的網民覺得節目只是用作男事主澄清，並指節目主持陳強不中立有所偏頗，因而在Facebook開了一個「不滿陳強」群組，但陳強對此一笑置之，並聲稱已加入該群組。同時，有部份一開始反男事主的網民聽畢節目後開始有所反思，由於原本反男事主群組對中立人士不禮貌，有人在Facebook中另開設了一個關注事件的群組，供不支持任何一方的中立人士加入。
2009年11月9日，陳強在節目中指出除非事件涉及刑事成份，否則如果只是一件涉及兩人的事就不應該討論，因為無論如何都會傷到人。他亦指如果男事主有違反法律的話，會帶頭將其拘捕。他又指，網民起底的行為是不道德的，此番言論被網民譏諷，指網民只是使用男事主自行放上網的資料，並不屬於起底。而且陳強自己帶頭討論，網民質疑其雙重標準。[4]
2009年11月10日，高登電台發起一人一信投訴陳強，指其報導不中立，誤導網民。[5]
外間反應[]
在2009年11月8日，個人資料私隱專員吳斌因此事，與立法會資訊科技界議員譚偉豪商討，並會在短期內同業界及其他持份者開會研究，加強保障網上資訊傳播。 [6]
網民反應[]
普遍網民反應[]
facebook網民Vanes 男男 Yeung指要集資「買起」男事主
facebook網民Sony Kwok指要對男事主行宮刑
傳言一開始，雖然只有所謂的女事主所貼的文章做證據，但各討論區均有不少網民靠向女事主一邊，並有人成立反男事主的群組，有數萬人加入，當時，只要有人質疑事件真實性，就會被攻擊。當男事主上電台澄清後，開始有更多的網民對事件反思，脫離對男事主的盲目攻擊而偏向中立，並離開反男事主群組。各討論區對相關事件的討論亦由攻擊變成理性討論，甚至延伸至網絡自由等事。
反男事主群組反應[]
在反男事主群組的網民，初時當見到有人在該群組張貼支持男事主的文章就會向其攻擊，指對方為男事主的「打手」，並指該組屬於反男事主群組，並不歡迎支持或中立人士加入。有人指該群組的網民已經失控，如同紅衛兵般只會批鬥。其後，該組會員的態度已稍有改善，亦偶然會有較理性的討論出現。
開組組主yoyo在2009年11月5日辭去職位，由網民Lo Chun Wai Chris取代，因「買起」男事主事件，故原組主在2009年11月10日辭去職位，由另一名網民Vito Chow代替，他發表了一篇「就職宣言」，改編自希特拉的演說[7]。被高登人恥笑，Vito Chow瞬即被高登起底[8]，數小時後，組主由Vito Chan取代，表示該組成立後已四度更換組主。Vito Chan表示會實行admin十二小時制，結果數小時後，又換了Lionheart Edward作組主，即是組主第五度易手。
該群組之名稱亦多番更改，最原本之名稱為「反‧徐宇軒」，之後改成「反‧徐X軒」，再改為「反‧徐‧軒」，曾一度變成「反。徐。軒 ( 事件會冷卻,記憶會消逝,不過本群神蹟長存 )」，最後變回「反‧徐‧軒」。
Lionheart Edward上任後曾做出多個令人發笑的舉動，包括在組名中加入「( 事件會冷卻,記憶會消逝,不過本群神蹟長存 )」，又在組群描述中打上以下文字：
| 為群眾服務一顆獅子的心,
權力追求者要我關閉本群, 高登暴民以起底威脅我放棄團員, 不過我永遠不會放棄本群. 永遠不會. 因為我相信我們入團都有同一個目標. 反。徐。軒 不要問團給你什麼, 問自己你為團付出過什麼. |
在11月12日，有網民以 Lionheart Edward之名在該群組貼文，稍後，Admin發現，貼出以下文章
12.Nov.2009 下午出現了一名 假冒本群 ADMIN 的 惡意使用者. 惡意使用者 ID : 100000495549440 , ip: IP: 210.43.91.*** 報警求助 ( 6:15 12.NOV.2009 ) 真正 ADMIN ID 為 : 100000465096869 http://www.facebook.com/profile.php?ref=profile&id=100000465096869 ( 提防假冒 ) 對惡意使用者的回應: 網吧有閉路電視 Proxy Server 有 IP record , 實體 ID. 本人 Lionheart 職業為高級電腦保安顧問, 曾協助找出 Blaster 電腦病毒發怖者 Jeffrey Lee Parson. 中美黑客大戰等等亦具有本人的記錄. 小朋友, 你今次插翅難飛. 有種人係你得罪唔起. |
可是，當中所指的IP其實是屬於湖南省常德市師範高等專科學校。而內地政府已封鎖facebook，故沒有可能會有內地IP可以直接登陸facebook。
「買起」男事主事件[]
有網民於反男事主群組中指要集資「買起」（僱兇殺掉）男事主，有人和應。亦有網民指要對男事主行宮刑，此舉令高登部份人感到不安，發電郵到警方要求正視。[9]結果該網民稍後出聲明指其言論只是開玩笑,並向相關人士道歉[10]。另外，反男事主群組的組主因為被指縱容組員發放此等言論，被高登網民起底。[11]稍後，組主於群組發表聲明，指已向警方備案，及向有關人等致歉[12]。可是由於其態度輕佻，高登用戶普遍不接受其道歉。
博客反應[]
博客林忌在2009年11月7日《每日一膠》中，引用數年前方力申被指是A小姐的男朋友、聯合國決定於2008廢除繁體中文、希特拉鼓動德國人屠殺猶太人、領匯上市等例子，指出群眾頭腦簡單，沒有邏輯、只聽片面之詞就去「執行正義」。11月9日，林忌指出今次事件無論是否真實，警方都有責任插手（如果是真，則男事主有傷人之嫌，如果是假，則發放原文者有刑事誹謗之嫌），可是警方卻完全沒有插手事件，林忌用東亞銀行倒閉謠言作例子，指當時被「誹謗」的是大人物大公司，故警方會即時辦案，可是今次警方的態度，令人質疑警方以雙重標準對待有錢人和普通人。
支持男事主方論點[]
有網民質疑為何發生這麼大的事，女事主都不報警或親身指證男事主，有人解釋指女生面對這些事，當然不想別人知道。這解釋被部份網民嘲諷，因為無論女事主是否出來，都可以置男事主於死地，因為「如果女事主親身指證，男事主當然很麻煩，但若果女事主不指證，都只代表她不想別人知道」。
亦有網民指，即使男事主如何低賤，都是其個人品格，與網民無關，沒理由要受網民的公審。
支持女事主方論點[]
有網民以「如果男事主沒做過就應該拿出證明，否則即是有做過」為論點，堅持確有其事，但有其他網民指，該論點違反了「訴諸無知」的邏輯謬誤，因為即使沒證據證明他沒做過，都不能代表有做過，反之亦然。亦有網民指空穴來風必定有因。
另外，亦有一說法指女事主沒必要在一年前就已經杜撰文章指控男事主。
惡搞[]
有網民把指責男事主推女事主的文章改篇成「Keroro軍曹推我落樓梯！我崩潰了」、「夜神月推我落樓梯！我崩潰了」和「多啦a夢推我落樓梯！我崩潰了」等，並叫反男事主的網民開群組聲討軍曹、夜神月等人，以諷刺部分網民只聽一面之詞就胡亂攻擊別人[13]
另外，一名經常上載視像日記於YouTube的網民莎莉，上載了一篇講述本事件的日記[14]，當中有一句「我唔知呢件事係咪真，但我覺得你唔應該推人落樓梯！」（我不知道這件事是否真實，但我覺得你不應該推人下樓梯）被指不合邏輯（莎莉聲稱不知這事是否真實，但其實第二句已經隱含莎莉認為此事為真的意思，因為如果事主沒有做過，莎莉是不能「覺得事主不應推人落樓梯」，如果認同莎莉第二句，就間接同意事主有推人落樓梯，這是犯了「循環論證」的謬誤。），成為了高登潮文。
相關文章原文[]
你岩~係我犯賤~冇人叫我鐘意你
我同你開始既時候唔知你有女朋友
當時覺得你好叻,好有才華,好有見識,又係大學生
而我只係一個成績好差既中五學生
第一次識你時你就送我番屋企,送到門口,覺得你好好人
然後你吻我了,我亦愛上了你
我們開始時你常常哄我笑,哄我開心,又讚我識著3,身材好
每日最開心既事就係放學第一時間打比你
可惜我既幸福只係持續左一個星期
自從我同你發生關係後,你對我既態度一百八十度轉變
[超~你都唔係處]
[你究竟同過幾多個男人搞過呀?]
我之前真係只係同過一個男仔做過,好對唔住.
你講既呢番說話,令我個心好痛
之後你要求唔用套做,我都比.我同我之前個男朋友都未試過唔用套.
我明知自己唔係安全期,都肯同你做.事後只係問你拎一百蚊自己去藥房買事後藥,因為我真係冇錢,而你就話
[你仲想洗我幾多錢呀?大家開心完就夠啦.你冇開心過既?場已經係我出,出去租房都要錢la,我屋企咁靚仲想點?其他你自己搞掂]
那天後,每次打比你你都話我煩,過多陣就唔聽我電話.
過多一個月,還未來M,我一個人膽戰心驚去買驗孕棒.我有左你既骨肉.
我搵你唔到,試下FACEBOOK搵你朋友,你朋友話:
引用:
Yuki:
佢唔忙!我日日都見到佢溝緊女,你係佢邊位?佢已經有女朋友
Yuki 說:
佢幫d小朋友補習就當正自己教授咁
Yuki 說:
唔知醜
Yuki 說:
又貪威識食,成日靠痴,條條女都抽水咁,以為自己好有條件
Yuki 說:
佢不嬲都狗眼看人低
沒想到原來你一早有女朋友了,感性上,我還是騙自己你不是這樣的人.
那晚我睡不著
終於我決定到你家樓下等你,我住柴灣,荃灣對我來說很遠.
我到左你樓下,打比你你又唔聽.
一直等,直到天亮了,家人也不斷打給我,我還是堅持要見你一面,讓你知道我有了你骨肉.
你一見到我就直行直過,我跟住,話有說話要跟你講.
還未跟你講,你就一手把我推開
[咪X煩啦]
我被你推了下樓梯,我的肚很痛,向你呼求
[老公!我好痛呀]
而你
[咪X扮野啦]
繼續番學
我崩潰了!我的肚痛不及我的心痛!
我下面出血了!我們的孩子就這樣被你狠心殺死了.
我亦入了醫院,再也暪不了家人.
我終於可以對你心死.
徐宇軒! 我一輩子也會記得你! 你係最傷害我既男人.
[以上內容轉貼自某Xanga]
首先要同大家講, 女事主既年齡係17歲, 讀緊中五.
發生小產事件後, 佢有一星期冇番學請左病假在醫院休養.
女事主唔係姓關, 亦唔想講太多比大家人肉搜尋到佢.
U-wants篇野, 即係佢xanga果篇, 係佢Xanga已經delete左好耐
只係有人路過見到/睇唔過眼幫佢貼上黎.
另外要回應番, 女事主係有左個幾月, D人話: [個幾月都出血咁神奇?]
唔係電視劇咁流好多血河滴到去大比, 只係好似m到咁, 應該係話比m到流更少.
一個未受精既egg M到時都有血流. 何況係一個月既受精egg?
醫生仲要做手術幫佢係個肚入面拎出黎, 果種痛你地明唔明白?
女事主唔想搞大件事, 唔想上報紙. 冇女仔會想比人知道有咁既過去. 醫生亦話佢以後懷孕既機會比正常人細好多好多.
星期一男方打比女事主: [你玩乜撚野呀? 係度扮流產!]
女事主: [我真係有左你骨肉! 你殺左我地個BB!]
男事主: [你話係我就係我? DNA都冇驗過!]
女事主: [點解你可以咁...]
男事主: [警告你唔好再搞咁多小動作, 如果唔係以後唔洗旨意我鐘意番你]
男事主仲留一個希望比女事主
有一番說話係女事主最後想同大家, 想同徐生講.
引用:
親愛的乳頭bb:
對不起，帶給你這樣大的麻煩。我們的孩子死了已成事實，希望大家也不要一再責罵他。
我知道，乳頭佢已經好自責，好榜皇。
當日乳頭佢唔係有心／突登將我推落樓梯，當時佢亦唔知我真係有bb，我亦已經原諒左佢。
又或者大家當件事係假既可能會更加好，就好似發左場夢，有開心，有唔開心。這個夢很真實，起落很大，時間很短。
我知道你唔會再鐘意我，我地以後都唔會好似以前咁開心。
好多謝你直到最後留個希望哄我，但我知道你唔會再鐘意我。
一個曾經深愛你但即將要忘記你的人上
請大家評下理....作為男/女朋友既你,係咪只係配得到呢種對待? 1.值得紀念既日子/大時大節唔會陪我,而出去出其他女唱宵k..留低我一個人唔理我 2.生日前一個月問我點同佢過,好認真咁同我講:你肯用幾多錢同我慶祝就等於你對我有幾多心思囉, 同時你生日點過都係basis of你點同我慶祝啦, 佢仲話:下,我最低要求都要Spaghetti House喎,我fd(女)請我都食左200幾蚊啦... 你咁大個人唔係連幾百錢都無呀?連buffet都無呀!!? 3.半年紀念日,我約佢出黎,去左間cafe,我身上唔計八達通就得返60蚊,佢亳不考慮我身上仲有無錢就屈我請佢,我同佢講我無錢,佢先係咁意出個幾蚊囉... 話我做人好失敗,做人無planing,夜晚想睇戲又唔提佢帶con,又唔知想去邊,又唔識做女朋友,由荃灣廣場話我到大河道個邊話足我3個字到... 4.有次夜晚佢為左訓教同d女睇午夜場,我打比佢表示不滿,我唔想佢去,之後佢仲話我煩仲cut我線... 因為佢講驚起上黎會同d女攬住,又話夜d有feel d.... 5.有次我只係想同佢相處得好d姐,我話好想好似以前咁開心,想佢哄下我姐,點知佢話:邊有可能返到以前咁呀,如果係,我都仲係同緊我初戀一齊啦,唔好咁天真啦 6.佢岩岩返完大陸話好掛住我,佢之後叫我出去接佢,去左我屋企,我屋企人係晒到,佢同我講無晒錢,之後諗住叫外賣,佢竟然係我mummy面前叫我幫佢比埋,我幫佢比唔係問題,係我屋企人面前咁講我真係好無面,我好難做人.... 7.平時淨係識批評我,批評我衣著,我自問唔係著得好誇張同好標奇立異個d,佢話我著衫著黎著去都係個d..連一個普通朋友都唔會咁話我.... 話我唔識化妝,次次見到我都係岩岩訓醒咁既樣架啦... 8.佢不嬲覺得自己學歷高,條件好,又靚仔(佢話咋),我學歷唔算高,所以佢恃住自己讀書多過我而不斷踩低我,話:好似我呢d醒目仔,食腦架嘛,唔似你咁,做埋d苦工... 9.當我返工做到病好辛苦既時候,同佢講,期待佢會至今有一句問候既說話,結果係無..... 我餓到好暈放食飯既時候,即刻打比佢想聽佢把聲,點知佢同我講左兩句就話唔傾...而佢唔係唔得閒 10.係我面前成日用其他女黎激嬲我,我都包容左好多次,佢可以放佢同第二條女既合照係銀包...我問佢點解,佢話無野,只係影得佢特別靚仔先放囉.... 11.同佢出街都係aa制,但佢唔係無錢,佢可以每次有任何洗費都問我收返錢,有次睇戲,佢同我講:你有無60蚊?無就唔好出黎! 佢仲專登講d說話令到我難堪, 話:你仲有幾多錢呀?我驚用晒你d錢我唔好意思呀.. 就連差佢10蚊都要同我計得清清楚楚,佢可以為左個10蚊而追我追到上mtr,仲話我個人咁賤,10蚊就睇到我人格,我咁做係想試下佢會唔會就咁算數,點知佢係個mtr咁鬧我....咁佢要計我咪比返佢囉.. 12.同佢行親街都話我悶,行過d名店/好貴既舖頭都會叫我買d名牌比佢..... 13.有次同佢去城大canteen食野,係佢叫我去既,佢話好抵架,我以為佢請我食,點知唔係,好彩我帶夠錢姐,佢當住好多人面前講:比錢啦!你唔係諗住我幫你比呀?!
講住咁多先啦.....p.s我係一個女仔....絕對係親身經歷/_\
我好想識多d朋友,搵人陪我傾計 因為我唔想再亂諗,唔想再諗個賤人啦!!
好高興認識大家
我叫小丁/丁丁 大家好...
類似事件[]
- 女學生懷疑冤枉巴士車長入獄事件︰一名女學生在巴士上被一名休班巴士司機非禮，巴士司機後來被捕入獄，一名自稱司機外甥的女子誣衊女事主的人格，令不少網民把女事主批鬥。但也有網民指，香港法律過份偏袒女性，所以有關對巴士司機的判決可能不太公平、含有漏洞。
- 網民亂指大學生為強姦案疑犯事件︰在食店員工懷疑強姦少女事件中，一名和事件無關的大學生被借刀及起底，被指是事件中其中一名疑犯。
註解
- ↑ Uwants：我雖然唔夠你醒，但我唔係傻囉．．．（各位可唔可以入黎聽下我講><唔該）
- ↑ 漫遊online：事後報告 yuhint@hotmail.com 各位cc小心～佢冇錢比！
- ↑ 明報：談網民「人肉搜索」吳斌指新例不能規管，10-11-2009
- ↑ 高登：[推到完場]903你睇我唔到徐宇軒事件解話編[2]
- ↑ 高登討論區：向廣管局投訴商台節目主持陳強信件範本
- ↑ 881903.com：個人資料私隱專員留意有網民將個人資料結集成檔在網上流傳，09-11-2009
- ↑ 高登討論區：Vito帝國宣佈正式成立
- ↑ 高登討論區：Facebook反徐生Group,Group主Vito底已起
- ↑ 高登討論區：(不安)有人話要買起徐生
- ↑ facebook：[聲明]有關之前本人所留言之一人一100元之荒謬言論
- ↑ 高登討論區：一人一電郵，告X崇蘭中學學生盧XX，縱容殺死徐XX
- ↑ facebook：lo chun wai chris 的啟事及道歉聲明
- ↑ Uwants：Keroro軍曹推我落樓梯!我崩潰了、Uwants：夜神月推我落樓梯!我崩潰了、Uwants：多啦a夢推我落樓梯!我崩潰了。
- ↑ 莎莉日記 - 徐XX推女朋友落樓梯導致流產事件
外部連結[]
報章報導[]
討論區[]
- Uwants：轉貼!我男朋友推我落樓梯!我崩潰了
- Uwants：我雖然唔夠你醒,但我唔係傻囉....(各位可唔可以入黎聽下我講><唔該)
- Uwants：大家好, 我係大肚女事主既好朋友.
- 漫遊online：事後報告 yuhint@hotmail.com 各位cc小心~佢冇錢比!
- 漫遊online：徐XX 賤男出沒注意!(有唔著褲相)
- my903.com:討回公道
Facebook[]
- Facebook：反。徐XX群組
- Facebook：徐XX事件關注組
- Facebook：反。徐乳牛 (徐XX)Fan page
- Facebook：不滿陳強
- Facebook：支持。徐XX&陳強
- Facebook：反"反。徐XX"
- Facebook：反徐XX. 小丁我地撐你!
- Facebook：徐XX關我乜X事群組
節目重溫及其他[]
- facebook群組：應反則反。理性討論。反對盲目反人
- 每日一膠：徐XX事件所重複的歷史
- 每日一膠：徐XX事件為何警方唔做野？
- 05-11-2009 陳強 你睇我唔到 (重溫)
- 06-11-2009 陳強 你睇我唔到 (重溫)
- 高登討論區：《大法官》全民大審判(第一集) 主持：無敵神駒
- 徐先生 Skype 潮語聲帯 (重溫)
- HKGOLDEN RADIO 至情至性 07-10-2009 小丁部分 (重溫)
- 擬似徐生同學聲帶：星一「你睇我吾到」節目預告 (重溫)
- 擬似徐生同學阿強大爆徐生怪行 (重溫)