《女朋友帶你返屋企食飯 》是一篇潮文 ，又名「公屋潮文」，原作者為高登討論區 會員「高登教父」。文章描述「見家長」時，伯母 對未來女婿不同家底的反應。
一段改編自此潮文的短片在2014年上旬推出後，因起不少討論並上報 。
原文 [ ]
說話係難入耳…不過係事實︰
（租人樓不論乜樓）女朋友帶你返屋企食飯…伯母問你住邊…我租人樓 ka…響深水埗呀…不過D租都好貴下業主又想加租…。冇辦法la想同佢過2人世界…家辛苦D。此時…伯母會話我有D唔舒服要入房先…你自便la…你就同女朋友大家眼望望…最終不歡而散……
（公屋 租）女朋友帶你返屋企食飯…伯母問你住邊…我住公屋 ka…天水圍…天耀村呀…不過就租…早年走寶冇買到…好後悔…呢成餐飯…你會有飯食…可能又有肉食下…不過成餐飯伯母唔會再有野問你…話之你乜大學畢業…食完飯…伯母會大聲叫…女 送客…
（公屋 買）女朋友帶你返屋企食飯…伯母問你住邊…我住公屋 ka…天水圍…天耀村呀…不過就買…早年老豆老母買落…都叫自己物業…算係咁la…呢餐飯…你會好開心…你會有飯食之餘又有雞胸食…伯母又會好欣賞你父母當年既決定…而且話題非常之廣…有講有笑…因為有樓…而且樓價升…話之你乜Seven大學畢業…食完飯…伯母仲會問你食唔食生果…走時仲會點點頭…
（居屋 買）女朋友帶你返屋企食飯…伯母問你住邊…我住居屋 ka…600呎到la…早年老豆老母買落…叫自己物業lor…算係咁la…好過住公屋…好過租人樓…遲D一定會換私樓…外母會話你有志氣又叻仔…因為你已有物業…唔係9 up 能換到私樓既機會係有…呢餐飯…你會好開心…你會有飯食之餘又有魚食…大家會有講有笑…走時外母會問你點解坐多陣…
（私樓 老豆老母買落）女朋友帶你返屋企食飯…伯母問你住邊…我住私樓 Ka…雖然響將軍澳…早年老豆老母買落…不過已經供完係自己物業…成餐飯…會好開心…好溫韾…你會好似多左個老母咁…伯母又會好欣賞你父母當年買樓既決定…呢餐飯…有飯食之餘又有雞脾食…而且講句野都可以大聲D而且笑容由心裡笑出…因為個女可以搵到個有樓……話之你有乜學位有乜沙紙…話之你老豆老母買落定自己買…樓契最緊要…走時外母會問你點解坐多陣…同女入房玩下電腦…
（私樓 自己買）女朋友帶你返屋企食飯…伯母問你住邊…我住私樓 Ka…雖然響將軍澳…幾年前樓價低果時自己買落…雖然要供…不過供完之後係自己物業…成餐飯…你會好開心…好溫韾…你會好似多左個老母咁…伯母又會好欣賞你幾年前樓買樓既決定…呢餐飯…有飯食之餘又有雞脾食…外母笑容由心裡笑出…因為個女可以搵到個有樓之剩又搵到個叻仔…話之你有乜學位有乜沙紙…有樓最緊要…走時外母會問你點解坐多陣…同女入房玩下電腦…
衍生創作 [ ] 電郵地址版 [ ] 概念源於袁彌明 聘請私人助理時，指不能接受用Hotmail 和Yahoo! Mail 的男人：[1]
（hotmail）女朋友帶你返屋企食飯…伯母問你用咩email…我用hotmail ka…玩msn時開呀…不過都無咩email收發，冇所謂la，求其用開就用…用時有少少辛苦。此時…伯母會話我有D唔舒服要入房先…你自便la…你就同女朋友大家眼望望…最終不歡而散……
漫畫版 [ ] 改編短片 [ ] 深宵小巴 [ ] 2013年尾，由開片Open Video 製作的短片《深宵小巴》將經典的短篇潮文 《女友一句，全車靜晒 》拍成短片，當中加入此潮文的內容加強男女主角交談張力。
公屋‧居屋‧私樓 [ ] 2014年3月，再有人以此潮文為主題拍成短片，更邀得著名綠葉演員盧宛茵 擔正飾演當中「伯母 」一角，男主角則由有線電視 體育記者陳焜傑飾演。網民對盧宛茵的演出大加讚好 ，認為她演活「伯母」對男主角不同家底的反應，片段在YouTube 廣傳後更獲上報 報道。[2] [3] [4] [5]
沉默的男人 [ ] 《公屋‧居屋‧私樓》一片中大受網民歡迎的「世伯」被庫斯克 用以創作文憑試作文題目「必要的沉默 」相關文章，及後更被拍成「後傳」《沉默的男人》。[6]
註解 潮文 高登/連登類
會員類 毒撚類 劣帖類 高登/連登文化類 屎尿屁類 為難伯母類
娛樂類
傳聞類
生活類
惡搞新聞類 報警類 金句類 學術類 體育類 政經類 潮圖
YouTube 分類 官方活動 年度回顧 重大事件
2006年 2008年 2009年 2010年 2011年 2012年 2013年 2014年 2015年 2018年 2020年 2021年
熱門影片
2007年 2008年 2009年 2010年 2011年 2012年 2013年 2014年 2015年 2016年 2017年
精選影片列表 香港著名用戶
