這是一句在Yahoo!知識+中頗為流行的回答口頭禪。
起源[]
此名言的始創人應該是博士級1級的choilaikitwendy，她於2006年10月時，Yahoo!知識+改為以採用率標準升級以後，便把自己的匿稱改為”♂★↗去返博士級，應該無緣再升級，唔選我記住單聲，我要刪除”。[1]
”choilaikitwendy”改名為”♂★↗去返博士級，應該無緣再升級，唔選我記住單聲，我要刪除”
其後知識長ch3jacky1993™也仿傚更改自己的名字。
ch3jacky1993™使用名言”如果唔選我做最佳回答，請通知我”作為名字 (截圖頂部可見到這是HA00033108，即ch3jacky1993™的戶口)
後來有不少用戶覺得此名句好使好用，也紛紛跟進效妨，在其回答中加進此名句，此句因此而變得普及起來。
目的[]
自從Yahoo!知識+在10月後開始以採用率來計算成績和等級，玩家夠否在一條題目中得到最佳回答是非常重要，因此大部份玩家也希望把一些自知無望成為最佳回答的答案自行移除，避免採用率下降。
以下題目一語道破用戶採用此名言的原因：
最近成日發現有部份答問題o既朋友會加句：如果唔選我，請講一聲！＊．．．究竟點解要講聲？？？ 有咩作用？？？
回答者 ：Caramel Apple [小學級 5 級]
回答時間：2006-11-10 20:52:46 / 最後修改：2006-11-10 20:53:29
因為知識+改了升級制度，
必須為最佳答案佔回答總數某個百分比才能升級條件。
例如必須回答600條問題以上並總採用率為60%以上才可以升到上博士級（例子而己）。
所以如果不被採用就會降採用率，
但自行移除的回答不不計算入總回答數中，
所以會有d答題者叫人如果唔選佢就通知佢，等佢自己移除回答。
雖然佢會減左知識分數，但係可以保持採用率。
但由於一般發問者都不會自動提醒回答者，自己的回答是否會成為最佳，因此有些網友便會利用此「金句」作為個人名字，或者作為參考資料一部份，用來「提醒」回答者要通知自己。
例子[]
- 例子１[2]
- 例子２[3]
- 例子３[4]
- 例子４[5]
- 例子５(台灣2009的例子)，可見還是有很多台灣用戶不了解這個情況。
以上例子全部來自不同的用戶，可見此名句流傳非常廣泛。
非議[]
有些Yahoo!知識+用戶非議回答者有這種要求：
o的人回答題目, 成日叫發問者唔選佢的話寄EMAIL通知佢移除...
問題內容：
o的人回答題目，成日叫發問者唔選佢的話寄EMAIL通知佢移除，
點解唔係佢地成日留意住每一題有無更好的答案，然後自行移除？
發問者有沒有責任通知他們？
如果問題是你發問，遇到這一類回答者，大家會不會通知他們？
非議回應１：黑白邊緣[6]
發問者沒有責任通知他們。
如果問題是我發問，遇到這一類回答者，
我會在補充處：
”多謝各位回答。明天交付網友投票。”
這樣做，一來多謝回答者，幫助自己解決問題，
二來，如果回答很重視自己的採用率，應自行決定自己的回答是否是最佳，是否刪除，回答者自行決定。
非議回應２：Christy Leung
千其唔好通知，你通知佢地就會構成不公平架喇！！至於如果遇到e類回答者，請保持冷靜．．．請按以下ge方法去做：
如果佢地個回答唔直得拎最佳，但你又想交付投票，你有權唔比佢地參與投票，因為講呢d野ge人通常係預左投票會贏，所以佢地可能會係造票者，請大家小心d啊！！
非議回應３：TI月翏GER
o的人回答題目，成日叫發問者唔選佢的話寄EMAIL通知佢移除，點解唔係佢地成日留意住每一題有無更好的答案，然後自行移除？
o的人回答題目，成日叫發問者唔選佢的話寄EMAIL通知佢移除。因為嗰啲人驚技不如人，答案會輸，所以叫人唔選佢就通知佢去移除答案，咁就唔使跌採用率。至於點解唔係佢地成日留意住每一題有無更好的答案，然後自行移除？原因係呢啲人通常答問題都好濫，答完就走，好似小學級每日答10題，5日後都50題啦，當中又要投票，又要繼續答，邊度得閒呀，你話佢會唔會再睇番條題目？重有高級啲果啲重衰，佢持（恃）住佢高級，諗住啲人實認同佢，臨尾再落個order叫你唔選佢EMAIL通知佢，諗住實冇死，到人唔通知佢重鬧人唔啱，都唔知佢食乜Q大嘅，擺明係冇品。講返正題，呢啲人完全唔理發問者條問題重有無補充發問，更加唔會留意到有個比佢更佳嘅答案係度，所以咪叫人通知囉，攞（擺）明係又姣又怕痛，其實答完問題唔去再理自己嘅回答，都算係一種不負責任的行為，對問題嘅唔尊重。
發問者有沒有責任通知他們？
當然冇。發問者係求理想答案，冇義務去通知唔選佢做最佳答案嘅每一位，對答案有疑問衹會係補充度提出啫，回答者應該自己去睇，然後補充先至啱。
如果問題是你發問，遇到這一類回答者，大家會不會通知他們？
我一定唔會。如果題題問題都通知唔選佢造最佳答案嘅户口去移除答案，咁同作弊有乜分別？（每條問題最終都係得一個答案），無謂畀人誤會啦，係咪？
註：唔選我做最佳答案，唔使EMAIL通知我移除。
違反新規例[]
在Yahoo!知識+的已更新規例當中，聲明在回答中及個人檔案要求”如果唔選我做最佳回答，請通知我”是違反規則。
”如果唔選我做最佳回答，請通知我”違反Yahoo!知識+新規例
不過這種情況會否因此消失，還是未知之數。
外部連結[]
- Yahoo!知識+問題：o的人回答題目, 成日叫發問者唔選佢的話寄EMAIL通知佢移除...
- Yahoo!知識+問題：最近成日發現有部份答問題o既朋友會加句：如果唔選我，請講一聲！＊．．．究竟點解要講聲？？？ 有咩作用？？？
參考[]
| |||||||||||||||||||||||||||||||||||||||||
