成日話難上車既人必睇！

「成日話難上車既人必睇！」是2014年5月出現於香港討論區的一個火爆強帖。帖子樓主教路，要上車置業就要不給家用，形容為養兒防老的父母屬「只懂繁殖的動物」。結果他被網民千個留言鬧爆，事件更上了報。有學者指受新世代重個人主義，憂孝道觀念漸趨薄弱。此帖和數年前出現的80後置業記前後呼應，亦令人看到數年間80後心態的變化。

帖子內容

成日話難上車既人必睇！ 聽見近年既80-90後難上車，儲不到錢。 但比起上一代，我相信已經比80-90年代易買樓了！ 起碼而家求其做份看更都揾到過萬人工！ 我自己都係80後都一樣買到樓~ 所以d人成日話儲不到首期買樓我覺得係多餘lor！ 以下幾點未買樓既我建議應該要實行： 1.)減小或不要再比家用父母！ 為自己同下一代將來著想, 你應該減小或不再比家用你父母, 佢地自然有辦法搞掂自己既生活! 如果父母無辦法幫你上車， 你更應該stop家用黎為自己將來打算, 到第二時賺到, 先再盡力補償~ 父母係生你出來前, 好應該為你將來鋪路, 法律上父母都有責任將你養大！ 如果你屋企人抱住老來有長期飯票, 或傳宗接代既心態生你出來, 呢d父母其實不要也擺,說實點, 咁既父母只係一種會繁殖既動物！因為動物既天職正正就係繁殖! 當然啦,你都可以話你養父母最重要, 但唔該以後不要用養家做儲不到錢既藉口, 因為係你自己決定既~ P.S. 我自己生下一代係希望提供最好既比佢去代替自己完成未完既夢想！ 而不是要我仔女去養我，或者生佢地出來幫我去拿政府福利！ 2.) 盡快揾到有共同理念既另一半 而家時下年青人成日講戀愛，拍得3，5，7個月又話唔啱key分手！ 老實講，無錢，無事業既你無資格談戀愛！ 作為無錢又想上車既你，盡快揾到同你有共同目標既另一伴， 多個人多對手，上車自然比人快！ P.S. 拍拖早期就應該了解對方想點！ 成日有人話要愛情，老實講，無錢既男人跟本無資格去照顧女人， 到你兩個有左$後就算分手，大家往後既路都比原來好過！ 做到以上2點, 你會比人更快向上~

其後討論

此文一出即時引起網民激烈討論，不少網民都指摘發文者自私、不孝，發文者即時反擊：「你咁無私又唔見你捐一半人工比慈善機構？」又有網民指供養父母天公地道，無討論空間。不過，當中亦不乏網民支持該言論，指自己生活都有問題，何來給家用？另有網民指文章的確道出了事實，但無須在討論區上言明。

樓主受訪問

《晴報》記者聯絡到發帖的30歲梁先生，他指聞說有年輕人嘆交一半收入作家用，無法儲首期，有感而發。「為什麼要給那麼多多錢作家用？父母生你就預了給你最好的一切你。並不是當你需要錢時，還要你給家用！」他指父母從商，他從澳洲留學回港便打理生意，每月支薪萬八元。09年他以九成按揭在長沙灣購入90多萬、實用面積240呎單位，翌年升值三成，再轉按購入另一個200萬單位，實行以租養貸。迄今，他跟女友各持兩個約250萬單位，租金收入近兩萬。

他指，25至35歲是年輕人儲首期的黃金時間，與其將錢作家用，不如買樓，直言「我媽從來不會叫我給家用，飲茶她付錢，買衣服則大家AA制。」被問及以「只會繁殖嘅動物」形容無助子女上車的父母是否過火，他堅持說：「香港太多魔鬼父母，當子女是未來飯票！我阿媽從細到大都教我們，生孩子前要做好準備，如果不是，便害子女一生！」