我為左周秀娜本寫真同男朋友分手

《我為左周秀娜本寫真同男朋友分手》，為一篇關於拍拖分手的戀愛潮文。源於香港討論區會員nemumikoto發出，內容提及另一位香討會員靚到冇朋友因購買了周秀娜寫真集《Kissy Chrissie》而與女朋友吵架，最後分手。

該文一出被香討會員批評小題大做，另外此文與另外一篇討論串被證實有關連，nemumikoto最後以「當我無講過, 無咩好討論, 我唔會怪周小姐既」為終，但此事卻成為巴打考古的潮文象徵之一。

原文

女朋友版本

「

上個禮拜我男朋友拎住份蘋果同我講, 人地周秀娜好身材, D雪糕滴滴下正到痺, 我好嬲, 就發火鬧佢, 我係無身材啊, 咁又點? 尋晚俾我發現, 佢條友靜靜雞走去左書展買周秀娜本寫真, 仲收收埋埋係個廁所既化妝櫃度, 上面黃gum gum成攤跡, 我問佢係咪拎黎攪過, 佢死口話排隊買雪糕果陣整污糟, 算啦, 廿幾歲人成個初中生咁, 淨係識睇樣睇身材, 寧願對住個大陸妹攪, 咁叻返去食雪糕啦, 分手吧 條友仲日日打電話黎煩, 激死我喇#fire#

」

男朋友版本

「

買左本寫真集而分手,,,點算 我之前係女友面前係咁話周秀娜好身材,好正果d 佢好悔氣咁講 : 我冇波我冇身材ok? 我應成左佢唔會買 尋晚我忍唔住去買左,,,比女友搵到 佢問我 : 點解本書既cover好似有跡 我答佢 : 比個fd支雪糕隊左埋黎 (事實 )

」

外部連結

• 香港討論區︰我為左周秀娜本寫真同男朋友分手
• 香港討論區︰買左本寫真集而分手,,,點算