我答你敢收就得嘞潮文

「我答你敢收就得嘞」潮文，又名「阿蘇潮文」。事源2014年4月中旬，蘇施黃在銅鑼灣一間酒店嘆英國茶，她要求加兩個茶包，使茶味更濃，待應提醒她這樣要收兩杯茶錢。蘇施黃回應「你敢收就得嘞」，結果該酒店收了她一行三人六杯茶的價錢。事後蘇施黃在facebook撰文「鬧爆」有關酒店，卻反被網民斥責她影衰香港人。有關發言更被網民改編成各種潮文。

原文

改編版本

改編潮文重點是一定要有「我答你敢收就得嘞！」和「x個xx就立即可以損害你的聲譽。」兩句。

Starbucks版

「前日我去Starbucks飲嘢，之後我同個收銀講話我一杯唔夠飲要飲2杯，個收銀就話2杯咖啡要收2杯既$啵...我就話你敢收就得啦。佢真係收我2杯咖啡嘅$...真係激氣。咖啡一杯值幾$?? 2杯咖啡就立即可以損害你的聲譽!」

麥當勞版

「我上次去M記同佢講漢堡包塊牛肉唔夠厚，可唔可以加多塊牛肉，個收銀Mickey話要收雙層牛肉漢堡嘅錢。跟住我話你夠膽就收，結果我用八達通俾錢嗰陣，佢真係收咗我雙層牛肉漢堡嘅錢！一塊牛肉就買起你M記嘅商譽！（請廣傳）SO CHEAP !」

「上個星期我去麥當勞食漢堡包，我話要飽一點，要兩個包，點知個小姐真係收我兩個包的錢，真係激氣！漢堡包一個值幾多錢呢？兩個包就立即可以損害你的聲譽。」

「琴日我去屋企樓下買麥樂雞餐，但係一個醬我又唔夠用喎，咁咪要個店員比多個醬我囉，3秒後蠢店員就話:「要兩個醬係要加一蚊嫁...經理都係咁話。」我答你敢收就得喇！點知個店員真係收多我$1喎，真係激鬼氣！一個甜酸醬值幾多錢姐？兩個甜酸醬就立即可以損害你間麥記既聲譽！」

「以前我去麥當勞食熱香餅，我話要香一點，要多舊牛油，點知個小姐真係收我一舊牛油的錢，真係激氣！一舊牛油值幾多錢呢？一舊牛油就立即可以損害你的聲譽。」

「琴日我去麥當勞食足三両，我話要飽一點，要Double足三両，點知個小姐真係收我Double 足三両的錢，真係激氣！足三両一個值幾多錢呢？Double就立即可以損害你的聲譽。我撐你呀蘇施黃,幫我小埋老麥啦唔該。」

「我和姐姐和另一朋友去麥當勞食快餐，點麥樂雞 我話要多一點醬，要兩包甜酸醬。蠢MK妹Suki就對我話:「要兩包甜酸醬要收多蚊...經理都係咁話。」我答你敢收就得嘞！ 看單！你們真的敢收了多包甜酸醬 多$1 我唔廣傳m記 的cheap精惡行真對唔住自己。一包甜酸醬值幾多錢呢，一包甜酸醬就立即可以損害你的聲譽。」

奶茶加冰版

「話說今日去茶記食早餐飲熱奶茶，杯奶茶真係好熱，咪同哥仔講想要幾粒冰溝返凍啲囉，佢竟然同我講要收番兩蚊凍飲錢，我話你敢收就得喇!!埋單真係收多我兩蚊!!幾粒冰值幾多錢？幾粒冰就立即可以損害你的聲譽!」

寬頻加速版

「上次我去XX台同佢講，2GB唔夠我用，加多2GB，個職員同我講，月費要收貴啲0架喎，之後我話你有種咪試下囉，點知今個月月費真係貴咗。Data呢家嘢連實體都無，值幾錢啫？」續作:「2GB data就立即可以損害你的聲譽！」

骨場版

「上個星期我去砵蘭街揼骨，我話要大力一點，要兩個骨妹先夠力，點知個櫃位真係收我兩個骨妹的錢。話明揼骨收雙鐘三舊水，有乜理由叫多條骨妹要收兩倍錢？我答你敢收就得嘞！結果我比睇場班紋身佬揼到PK，免費。骨妹一個值幾多錢呢，立即可以損害你的聲譽。」

Solar航空版

「事情發生在2014年4月10日。和家人拜完山，我提議去台北浸溫泉。一行6人去了大嶼山翔天路的飛揚航空Solar Airways (留意單右上6 person,即6位)。我和姐姐和另一朋友要Economy Class Seats, 我話要闊一點，要兩個位。兩分鐘後蠢地勤jacky就對我話:「要兩個位都收兩張機票的錢...經理都係咁話。」我答你敢收就得嘞！看單！你們真的敢收了6個Economy Class Seats 共$15,000！我唔廣傳Solar Airways 的cheap精惡行真對唔住自己。座位一個值幾多錢呢，三個座位就立即可以損害你的聲譽。」

士多版

「琴日我去屋企樓下士多買支藍妹，但係一支我又唔夠飲喎，咁咪要個老闆比多支囉，點知個老闆真係收我兩支既錢喎，真係激鬼氣！一支藍妹值幾多錢呢？兩支藍妹就立即可以損害你的聲譽！」

銀行版

「上個星期我去Cheapy銀行提款，我同個櫃檯講，一千蚊唔夠用, 俾夠兩仟啦, 兩秒鐘後個死蠢櫃檯話:「戶口只有一仟蚊提唔到兩仟蚊架喎呀叔，唔駛問經理都知道啦!」，我答:「你敢唔俾就得嘞！」點知個櫃檯真係唔俾，仲撳埋警鐘，真係激氣！我唔廣傳呢間Cheapy銀行惡行真對唔住自己。一兩仟算咩錢呢？兩仟蚊就立即可以損害你的聲譽，而家仲dick咗我入去mou監，嚡!」

買樓版

「早兩日去買樓，800呎唔夠住，咪同個人講我要住大D比多個單位我，點知個sale同我講要收2層樓錢，經理都係咁講，我講，你敢收就得，佢最後比張單我真係收我2個單位錢一層樓值幾錢，一個單位就損害你聲譽」

加飯版

「講開又講，我上星期和家人食晚飯，我叫了Chinese Rice. 我話要多一點，要兩個白飯既分量。兩分鐘後蠢侍應Sticky就對我話:「要兩個靚仔既分量就要收兩碗既錢...蘇施黃黎食都係咁話。」我答你敢收就得嘞！ 看單！你們真的敢收了2個Chinese Rice共$20！我唔廣傳你們 的cheap精惡行真對唔住自己。幾十粒米值幾多錢呢，幾十粒米就立即可以損害你的聲譽。」

豆腐火腩飯版

[請廣傳]事情發生在2014年4月10日。和家人睇完戲，我提議去食餐飯. 我和姐姐和另一朋友叫豆腐火腩飯, 我話要加飯，要一碟飯既份量。兩分鐘後蠢侍應Suzi就對我話:「要加一碟飯既份量都收兩碟飯的錢...經理都係咁話。」我答你敢收就得嘞！ 看單！你們真的敢收兩碟飯共$330！我唔廣傳佢的cheap精惡行真對唔住自己。一碟飯值幾多錢呢，兩碟就立即可以損害你的聲譽。」

買馬版

「是咁的，我上星期去買馬，買精英大師第一，我同佢講:『我肯定佢必贏，我想贏多啲，買大啲。』條友仔話:『買大啲要收貴啲。』我話你夠膽收就得啦，哈，條友真係收貴左，買大啲值幾錢姐？一張落注既彩票即可損害你聲譽。」

英文翻譯版

The cheapskate: Crown hotel

[Spread the word] I had hotpot dinner with my family the other night. After dinner we went to Crown hotel for drinks. We ordered tea for my sister, a friend of my family and me. I prefer strong tea so I asked for an extra tea bag. Two minutes later that dumb waiter came back and told me: “For every extra tea bag we charge it as same as a price of a cup of tea.…the manager said so.” My response to that was: “Bill if you dare.”  

When we checked the bill, they really had put that $330 on the bill for six cups of tea instead of three. I wont be able to forgive myself if I don't tell everybody what a terrible thing Crown hotel had done.  How much would it cost for just a little tea bag? Now I’m telling ya with 3 of those teabags it can ruin your reputations.

相關短片

視聽版

職場跳掣－「你敢收就得嘞」

有網民拍攝改編短片演繹潮文內容，上載到YouTube。