香港網絡大典

特色條目、特色圖片正在進行候選提名及投票,獲選的將會於網典首頁中展示,歡迎大家參與!

了解更多

香港網絡大典
Advertisement

朱庭萱(Bonnie Chu),飲食作家、煮食博客、電視節目主持,親建制派KOL,曾為藝人黃宗澤舊愛。

2019年事件

721撐警遭合作商戶「割席」

2019年7月21日「元朗襲擊」期間,不少市民指打999報警時遭「cut線」,朱庭萱在社交網站留言支持警察不接報案電話,寫道:「你哋咁憎警察,點解有事又要警察幫?上連登call馬仲快啦。」她更同時支持白衣人行動,她稱「某部分市民對黃絲已經忍無可忍,才會用咁激進嘅方法」,立即遭網民「狂插」,力斥她「生壞腦」,朱庭萱「寸嘴」反駁:「出糧就要畀人打、畀人X老母?唔好以為納稅大晒。」不過,稍後她卻開始「縮沙」刪走所有相關Facebook留言,又向大家道歉,稱網民可以杯葛她,但希望不要打壓與其合作的品牌、出版社及煮食網頁,同時網民亦查出她撐警原因,表示失婚的朱庭萱現任男友Peter任職警察,因此出面力撐警方。[1]

不過與其合作的牌子卻有所行動,其中中國電器生產商海爾旗下的新西蘭電器品牌「Fisher & Paykel」在香港Facebook專頁發聲明,表示玻璃朱言論及立場「與本品牌的宗旨背道而馳」,因此即日起即時終止所有合作,又加上hashtag犒「反對暴力、反對鼓吹暴力、祝願傷者早日康復」網民留言大讚:「做法正確,真的恥與為伍。」[2]

2021年事件

踩MIRROR指「鏡粉」井底之蛙引罵戰

2021年5月,人氣男子組合「MIRROR」演唱會《MIRROR ONE & ALL LIVE 2021》一連六日舉行,成為網上熱話。5月13日朱庭萱在社交平台留言狂踩MIRROR,並稱「鏡粉」為「井底蛙」:「呢啲樣行落旺角大把啦,真係好大驚小怪囉。究竟咩叫靚仔有才華?內地歌手王一博、張藝興呢啲就係!成班井底蛙。」隨後再發文指不想幫對方宣傳,亦叫大家不用幫自己宣傳:「我話呢啲樣(MIRROR成員)旺角大把,都冇話過佢哋醜樣啦!但我真係覺得王一搏靚仔好多呀嘛~又識唱又識跳仲識排舞、編曲。叫佢哋走出去個井睇吓呢個世界有幾多靚仔、有才華都係錯?」她的一番言論被激烈的「鏡粉」留言反駁,她隨即再反擊:「總之完全不容許說鏡粉一句不中聽的話!」網民對她「力排眾議」的批評不以為然。[3][4]

5月14日,朱庭萱貼出長文再提到MIRROR並指他們的唱功、造型仍有很多進步空間:「傳媒最近把舉辦演唱會的MIRROR捧至天上高,日日見報形容成國際天團一般,連BTS也要靠邊站。但事實上很多人對他們認識不多甚至歌也未聽過,唱功造型仍有待雕琢尚有很多進步空間。」[5]

與盧覓雪齊上港台視點31討論 被指過份P圖

2021年5月25日,香港電台視點31邀請了朱庭萱及資深傳媒人盧覓雪,討論電視娛樂節目的社會責任,題目為「娛樂為甚麼?」。

「玻璃朱」朱庭萱表示,不建議藝人作政治表態,認為會得失另一方的觀眾,「如果你私底下問我梗係唔啦,但點解我會表態呢,因為嗰環境,我覺得撐警或者藍嘅人太少,我都唔出嚟撐,就覺得佢哋好可憐。可能我正職都唔係做呢行,我做股票咋嘛,我自己無所謂,唔一定靠呢行搵飯食,我唔怕啦,死就死啦。」朱庭萱不滿,斥有人對電視台作黃藍之分。她認為自反修例風波後,無綫遭扣顏色帽子,「TVB就係藍,ViuTV就係黃,點解呢?我自己唔覺,但覺人哋會咁樣將佢哋定位。」朱庭萱又斥責有網民針對無綫藝人,發動對其廣告商的Facebook專頁「派嬲」和投訴,「不斷鬧鬧鬧,搞到廣告唔敢返轉頭,就係不斷收到呢啲騷擾。點解要去到顏色打壓!」「玻璃朱」朱庭萱更替《無綫新聞》平反,質疑Now TV、有線縱容暴徒,「俾啲暴徒話做咩影我哋大頭,你睇下Now TV、有線,有嘢就扭歪嘅,究竟係縱容定中立嘅報導?」

盧覓雪認為,黃藍兩方同在承受相關打壓,「我唔覺得ViuTV係黃,我覺得任何一個傳媒都係中性,除咗《大公報》、《文匯報》,其他理論上都當佢中性咁睇。」她認為,無綫較多藝人撐警,自然被定型為藍,加上新聞取向、高層言論,並指向朱庭萱稱,「你嗰喳TVB friend⋯無理由撐警會黃啩?」

另外,藝人「玻璃朱」朱庭萱稱,「我自從撐警之後,所有 KOL job 無晒。」她表示,不少撐警藝人在表態後遭到打壓,「無晒 job,你去鬧,鬧廣告商,我哋真係無晒嘢做⋯。」盧覓雪則回應指,阿布泰百貨和Chickeeduck出事後便遭到黃營大力「懲罰」,反問「點解藍營啲人又唔懲罰吓啲藍嘅呢?」

在節目中,盧覓雪認為講社會責任是多餘,娛樂節目只提供娛樂,能令觀眾開心和追看,已能到達目的。她反問,社會責任是否要政治正確,和作政治表態。「呢啲係適得其反」。朱庭萱表示同意盧的說法,稱娛樂性十分重要,「係咪娛樂到去無底線嘅位呢?我又覺得未必係。」她稱用「例子」,稱有 YouTube 影片教小朋友在跳起時,棘倒對方便會很好玩、很有趣,「但係又試過殘廢,呢個咪唔好訊息俾人。好娛樂,但有啲嘢係危險!」盧覓雪一度不明所以。盧覓雪認為,領有免運電視牌照的電視台要遵守多項要求,一般所謂較低俗的節目,大多已作口頭式的家長警告,在播出時間亦會有考量。另外,藝人朱庭萱不點名狂轟《ERROR自肥企画》屬朋輩欺凌,斥每集都在欺負朋輩,會令小朋友誤以為「整蠱人咁好玩」。節目另一嘉賓盧覓雪不同意,指「Game show 嚟㗎嘛」,認為任何一代的年輕人均會做過無謂、整蠱過程。[6][7][8][9][10]

事件引來網民熱議,「盧覓雪講得好,咁做,點可能唔俾人當係藍」,「講中晒」,「藍絲都知畀人話藍係貶義」,「唔洗解,我就係極憎恨無線電視,我想你全體管理層失業破產,CV寫住TVB執笠」。[11]

另外,香港電台視點31Facebook專頁公布預告後,有網民發現朱庭萱似乎修圖修過火,皮膚過白兼下巴太尖,有人笑指朱庭萱的照片令人聯想起「蛇精男」,有網民更提議可以改題目為「P圖為什(甚)麼?」[12]

2022年事件

涉嫌醉酒駕駛 撞傷途人被捕

2022年1月28日,凌晨1時許,「玻璃朱」朱庭萱駕駛一輛平治私家車,途經在灣仔軒尼詩道時,撞傷一名正在橫過馬路的菲律賓漢,該菲漢的腰部及腳部受傷,清醒送院治理。「玻璃朱」證實酒精呼氣測試超標,被警方以涉酒後駕駛拘捕,她已獲保釋候查,須於2月下旬向警方報到。[13]

2022年1月29日,「玻璃朱」於其Instagram帳戶發帖,文中稱自己後悔難返,「經一事長一智,要好好糾正自己。令到愛我和關心我的人擔心和失望,實在非常難受。對不起!」,又稱感激支持及幫助她的人。[14]

事件引來網民熱議,「啲死仆街咁鐘意醉駕,楊明又係咁」,「藍屍係咁」,「又一次證明藍屍係最唔撚犯法,最害人害物」。[15]

車淑梅、朱庭萱用離婚夫婦比喻俄烏 引網民爭議

參見:烏克蘭

註解

  1. 蘋果日報即時新聞:【終止合作】玻璃朱撐白衣人 新西蘭電器店急割席:宗旨背道而馳,2019年7月23日
  2. Fisher&Paykel Hong Kong fb專頁:有鑒於近日玻璃朱 朱庭萱 (Bonnie Chu)的言論及立場與本品牌的宗旨背道而馳……
  3. LIHKG討論區:撐警藍絲朱庭萱: MIRROR呢啲樣行落旺角大把. 大陸歌手先至靚仔有才華
  4. Jer仔 YouTube:藍絲KOL不屑MIRROR?|連大陸歌手都不如?|一個留言已反映智商水平|年輕怎麼就是錯?|Jer仔
  5. 香港01:朱庭萱踩MIRROR指「鏡粉」井底之蛙 「呢啲樣行落旺角大把」
  6. 香港電台視點31 Facebook:【討論預告】兩大電視台近來鬥綜藝、鬥娛樂,暫時未可以外出旅遊的日子,你有冇睇返多啲電視?
  7. 香港電台視點31 Facebook:《視點31》【娛樂為甚麼?】(RTHK31:25/05/2021)
  8. 獨立媒體:朱庭萱稱撐警因同路人太少 「我都唔出嚟撐,就覺得佢哋好可憐」
  9. 獨立媒體:朱庭萱狂轟《ERROR自肥企画》屬朋輩欺凌 盧覓雪:Game show 嚟㗎嘛
  10. 獨立媒體:朱庭萱指自撐警後所有KOL job無晒 盧覓雪反問藍營點解唔撐自己人
  11. LIHKG討論區:藍絲玻璃朱: TVB戰線係欺凌行徑, 顏色打壓! 點解要話TVB係藍, ViuTV係黃?
  12. 香港01:朱庭萱《視點31》舌戰盧覓雪 宣傳照被指過份P圖惹熱議
  13. am730:駕平治撞傷菲漢 網紅「玻璃朱」涉酒駕被捕
  14. 香港01:網紅「玻璃朱」涉酒駕撞傷人被捕 IG道歉:要好好糾正自己
  15. LIHKG討論區:朱庭萱:玻璃朱 朱庭萱涉酒後駕駛被捕

外部連結

Advertisement