創作原因[]
此文由樂瞳的粉絲創作，用作批評部份高登會員過份反對樂瞳，事源蘋果日報稱樂瞳為「高登女神」。不過樂瞳部份的粉絲不停張貼此文，被一些會員視為煩膠行為。
《反樂瞳潮文﹗》原文[]
唔理佢係咪真人上高登, 我講多一次, 再講多一次：
老老實實, 你樣又唔係靚, 又唔大波, 又要身長腳短 冇法拉咁有氣質, 又冇周獸娜咁好身材 真係隨街都捉到十個八個你依d咁既女仔啦, 我都唔知你可以紅d乜 ! 同埋你真係好矮下, 一個女仔25歲點可以連150cm都冇? 睇你d相, 頂多比盡 141cm 比你, 點解平時唔去跳下繩?
仲有喎, 仲要懶可愛學人扮靚模收兵 d相唔係三七面就係扮哂沙龍咁 歌都未唱好學咩人出碟? 學下人地糖兄妹先啦 人地自07年組成後, 一直係商場演出 用實力落力演出, 默默耕耘, 絕對唔係單靠可愛咀面嫁 好老實, 糖妹唔係我女神, 我只係一個純欣賞音樂既人 我平時聽開外國音樂都喜歡聽糖兄妹, 因為人地真係有實力呀嘛
近期睇到你上youtube拍埋d乜勁野拍拖去旅行 睇左幾秒鐘, 我想講一句, 如果我話你傻的嗎希望你唔好嬲 再睇到有個post話你上電台講感情事, 一腳踏兩船仲要死撐自己無問題 你個咁既六瞳真係Stop la啦
都唔需要問法官大人喇, 我決定棄保潛逃, 因為條女真係好向左走向右走傻的嗎下 咁當然如果大家一齊坐係公園長凳度, 我都可能會有少少心動既(大前提你要似張韶涵加董敏莉) 喂, 你d職業fans屎真係好Seven煩下喎, 日樂瞳, 夜樂瞳, 究竟煩夠未? 一早上高登諗住輕輕鬆鬆鄧梓峰, 點知d post 十個八個都係6同, 我心就覺得好煩 好似dHi Hi仔煲左d滾水唔記得熄咁, 不停嗶嗶嗶, 嘈到我訓唔到覺
拿, 肥佬黎, 今鋪我就唔撐你喇 你使唔使hard sell 成咁呀? 仲要咩高登仔女神? 我神Auntie呀 你有冇問過我女神係邊個呀? 邊向左走向右走個係樂瞳呀? 依度冇人識你喎! 童?邊向左走向右走度童呀? 睇過?! 蘋果你地咁樣同曾財爺句『政府有錢, 等於市民有錢』有咩分別? 一勁樣鍾意亂扣人帽子
蘋果, 我今次對你地好向左走向右走失望, 咁既女都做到我女神真係令我人格受損 返工比同事上司笑, 連女同事都問我樂瞳係咪我女神 我所淨低既一丁點尊嚴都被你地奪去, 我真係好想撼頭埋牆死向左走向右走左去
《反無理的反樂瞳潮文﹗》原文[]
真的, 我為你由衷的感到可悲. 不斷翻貼"潮文"就以為可以得到注意? 可以見報然後就好威威? 我唔想估計你現實中係咪一個永遠得唔到人注視嘅Seven Head, 令到你每日不斷不斷, 係不斷不斷, 咁重覆貼文去唱衰一個女仔. 或者你要咁樣先可以得到滿足感, 但佢係咪殺咗你全家? 佢係咪阻住你發達? 本來你呢啲垃圾文章我真係不肖一顧, 但你真係好能過份! 一個藝人, 除左外表, 係咪再無任何其他值得人欣賞嘅價值? 況且審美眼光係主觀, 有d人覺得a類型好, 有d人中意b類型多d, 呢d本身就係好能平常, 大波長腿可以係一種美, 可愛清新又可以係一種美, 呢個世界人人各有所好, 你做乜9要咁踩人? 你本人又係唔能係完美? 條J無兩米長點解你又唔死能左佢?
第二點, 我唔知你拎糖妹出黎比嘅用意係乜, 人有人唱, 樂瞳有樂瞳唱, 人地有努力, 就代表樂瞳無努力? 點解你要assume樂瞳無用實力落力演出, 默默耕耘? 樂瞳09年出道之後亦出過好多大大小小嘅商場/校園show, 你見唔到/唔知道就代表無? 佢兩個嘅音樂類型同腔口根本完全唔同, 有咩好比較? 你又唔比較下呂方同糖妹? 人地呂方都落力演出, 默默耕耘左29幾年喎, 依你嘅logic, 糖妹都係sell可愛的垃圾要Stop la啦下嘛?
而且事實上樂瞳唱歌上亦唔見得無實力, 我呢度點讚講到曉飛都無用 有興趣就自己search下d專業樂評.
第三點, 我唔知你係咪人生中連女人隻手都無掂過, 對人地一條"旅行"片咁大反應? 條片有晒"離島區議會"同"新城"logo, 擺明係兩者合作攪嘅一個景點介紹project 而樂瞳係大澳原居民 搵佢拍亦真係正常過唔正常 一條正常過唔正常嘅片究竟又踩親你邊飯痛苦回憶? 人生從來未同女出過街? sorry, 上少d高登可能幫到你.
第四, 唔該你聽清楚個電台節目先好出聲, 唔好喺度9up屈人, 人地從來無講過一腳踏兩船, 只係話過去左英國之後有人追 之後同原本香港個男朋友分手, 同左英國個男仔一齊, 你最多咪話佢"移情別戀" 做咩要屈人一腳踏兩船? 你咩居心?
論壇係比唔同人自由討論嘅地方, 人地多人留意多人中意, 自然多人討論 你中意咪睇下, 唔中意咪笑一笑轉睇其他post 傳媒作下title又係正常過唔正常嘅事 只係方便人recall件事或者果個人 咁都影響到你自尊, 咁小事都好似攪到精神錯亂要生要死咁, 講真, 我建議你睇睇精神科醫生