港女大鬧樂桃航空事件

港女大鬧樂桃航空事件
日期	2015年7月至10月
地點	日本、香港
起因	網民babyshan於搭承樂桃航空後，因不滿其無理要求未被滿足而張貼其「恐怖飛行經驗」
結果	有關短片在網上流傳，引起不少網民關注及轉載，並激發起香港網民的創意
參與者	babyshan、樂桃航空、救護員、高登網民、香港討論區網民
其他資料或評價
這是位爭議性人物（或相關之爭議事件）。條目內的評價及「推斷」僅反映部份網民之見解，並不代表網典立場或客觀事實之全部。
此人（或事主）曾經因某種原因而遭到公審，被網民如文化大革命般大肆批鬥。
此人曾經慘遭起底，其真實姓名、就業/就讀資料及個人照片等個人資料均表露無遺。
此宗網上事件已被推到上報，刊登於報章或主流雜誌上。

港女大鬧樂桃航空事件，為2015年7月7日有網民在大阪關西機場承坐樂桃航空航班後感到不滿意，及後於香港討論區張貼其「恐怖飛行經驗」所引起的網上事件。雖然原Post已被刪除，但有網民已作備份，並於高登討論區發出整合帖，推至1001後更有狙擊帖。

網民熱議及後續

由於事主言行被認為是自我中心、無理取鬧，且有濫用急救資源之虞，她面臨網上輿論一面倒的抨擊及聲討。然而其態度故我，拋下了「中意CAP 圖就CAP 飽佢.. 起底起飽佢.」，使一眾網民力求令她如願以償。

事主行文錯別字之多，也令部分網民感到不可思議。

有網民發動了一人一信行動，鼓勵其他網民致函到其兼職所在公司就其網上言行予以表揚。

上報

識唔識規矩？港女斥廉航反被笑

有關事情於東網新聞中刊載。

網民改圖

有網民合成了一張Babyshan與知名商業奇才賊喊捉賊的合照，兩人姿勢甚為配襯。

重開Facebook並出言挑釁高登網民

Babyshan 於2015年10月4日凌晨被發現重開其Facebook帳戶，並貼文如下。 其風格仍是一貫的中文書面語、口語、錯別字、英文混雜。

致關心我的朋友:本人活得很好！在被無聊高登仔起底，網絡欺凌中，我選擇是不聞不問，所以你地惡意攻擊對我毫無作用，我從來唔係活係別人眼中的女孩，我只在乎今天的我有沒有比昨天的進步。我比你們想像中來得堅強！然後再反省過往不足，好好prepare下次旅行。亦反省過往吸收資訊方式，把什麼高登，hk discuss app,毒果動 delete..從新下載人民日報，bbc news,財新網！ 亦是那句，人以群分，物以類聚，朋友貴乎質素，不在乎多寡，這件事讓我看到有質素（不論心靈，知識）的朋友重要性！我對自己有要求，對生活質素也有要求，對朋友圈也有要求。 假如無聊的人仍對我很有興趣，繼續惡意攻擊，你喜歡啦！反正你對我沒任何影響力，我仍然會每日好好襯衫化粧反工，繼續發堀新奇有趣的美容產品，同時我會用可憐眼光睇你，你咁得閒攻擊一個現實生活不認識的人，也不好好充實自已，活在虛擬網絡世界，你算吧啦！ 現share最後一張近照，（圖為十月首個工作天自拍，笑容仍然一致），我以後不會在fb,hk forum share什麼，太危險，好心的share變成被人攻擊的武器，bye! 一個自信堅強的女孩上

貼文甫被張貼到高登討論區後，即引來部分網民猛烈抨擊。聲言中除了毫無悔意且挑釁性重外，其中「會下載人民日報」更與高登網民主流政見相左。

被網民加強狙擊

及後，Babyshan更於Facebook再度張貼千字文，發出似是而非的偉論。該文旋即被轉載至高登討論區，並受到一眾巴絲逐點反駁或抨擊。

致無知的網民: 可能你從來我覺得我只係SHOPPING 買野，但我仲會觀人入微，睇書，睇新聞，係無聊高登仔網路欺凌緊一個現實生活中唔識既人，我話你聽我做緊咩，我選擇DEL晒過往我都好中意睇既香討，BK，高登，毒果動，重新DL 過人民日報，BBC NEW、BBC 6 MINS LEARNING ENGLISH，因為呢D本地FORUM，毒果報，方向報實在太無聊，睇野狹窄，網上COPY下D FORUM，連採訪都慳埋咁就叫新聞!?完全唔全面，無質素，只係識嘩眾取寵博銷量，人以群分，物以類聚，咩質素既人睇咩質素既報紙，THE HONG KONG IS DYING 唔係因為689上台，係因為20%既主流垃圾媒體控制80%人口既信息流動，因為對住咩人我就會講咩，FB，FORUM 主要多本地同年齡層或基層既人，但呢班人睇高登膠聞多過睇晚間新聞，一見到簡體字既野就IGNORE，所以我唔會同你SHARE 我睇人民日報，讀者既得著，但我可以十分肯定呢兩份你地眼中偏左，偏紅既報紙，期刊質素好好好好好過你地睇既方向報，毒果動，好多政策中央政府會係人民日報社評暗示左佢個立場 知唔知點解我一年前咁激烈反對黃絲運動，係因為呢個運動會係可見將來有份拖跨經濟，但我不見得因為呢場運動會換到你口中民主，一年後答案出黎，係呢個10。1 公佈左中國最新一季生產數據，無論PPI，定反映中小企生產值數據，採購經理指數，都好差，係6年半新低，睇經濟好唔好唔係只係睇失業率，睇呢D生產值數據仲緊要過失業率，生產值數據PREVIEW到黎緊一季以公司角度睇既經濟環境，你地呻搵工難，轉工難，個市好靜，係自己拎黎，經濟好與唔好最先反映係呢D生產值數據，當一年前你地好自HIGH 係FB轉毒果新聞、咩咩學者ARGUEMENT SUPPORT 你地既運動，我市儈D睇財經新聞，報紙有BIAS，學者講既野都好主觀，但經濟數據唔會呃人，一項經濟數據可能都有BIAS，量度既野有限制，但當幾項經濟數據得出結果係經濟前景唔樂觀，咁即係呢個係事實。你地好有熱情佔中，另一邊有做廠跟單既C9係師奶論壇呻個市好靜、原本應該忙既時候都靜左，當經濟唔好反映到零售市道、就業情況已經係好後期既事。 唔好以為今次經濟差未開始裁員，就可以平安渡過2015，所有公司都係等緊銀行ACTION JA ..銀行係唔會死錯人行業，繼政府，佢係最有標誌性PREDICT 該地區就業情況的行業，係可見既將來，HSBC，渣打會有ACTION，只係佢有無良心揀農曆新年後裁員定2016元旦前，通常無良心多，因為可以慳埋BONUS，DOUBLE PAY，當銀行一做野，你老闆會好開心因為可以大條道理炒炒炒，直接CUT COST 不過，經濟差另一個好處係大減價減左好耐，以往ZARA減價做1~2個星期咁上下，今年做左1個月有多; 衫定價平左好多、一件ZARA TRENCH COAT 過往正價無4位數唔好諗住買到，今年$899 就買到; 有好多大品牌SKIN CARE 只會SOGO THANKFUL 做SET，而家9，10月已經有SET裝PROMOTION。 你地好睇少既中國，好中意係高登轉內地爭位坐打交既短片，你地會指住人笑話人地無文化，但我除左笑會諗點解，佢有呢個行為係因為中國人太多資源太少，而爭親打交既都係上左年紀大媽，係因為佢地個輩經過艱苦文化大革命，口個個年代父母都信唔過，資源太貧乏，唔搶就無，所以呢個係佢地MINDSET，如果有一日佢地搶既唔係地鐵既位，係你做緊既職位，你笑得出嗎? 其實今日香港都比內地搶左好多野(除左奶粉，學位，日用品)，偷左好多寶貴既野，只係暗度陳倉形式姐，諗下香港剩底D咩比人優勢? 轉口港(深圳鹽田仲平WOO)，FINANCE(上海同香港IPO單數全球排名睇齊，遲D深圳前海仲有個金融經濟專區)，教育(香港大學已經踢出亞洲TOP 3大學，第一:新加坡國立大學、第二北京大學，第三東京大學)，旅遊(你地之前反水貨客嚇走左內地客，但你地用咩吸引歐美、海外客，基本而家係香港見到既外國人主要係D BUSINESS 客，香港旅遊景點好少，香港人對旅客態度差、吸引度低，黎完唔會再黎)，購物天堂(更加BULL SHIT，我用一個SHOPAHOLIC 買護膚品角度同你SHARE啦，香港既SALES 只會用客人外表判斷即時購買力，主要表面奉承內地客，因為人地即時比到張大單你，但你無諗過今日比你忽視既本地平凡客都可以好有購買力，而且護膚品消耗得好快，客人用完好，覺得你服務好會再返黎買介紹其他朋友買，但客人(尤其女客人，如我) 更加會記住你對我既唔好，會係朋友圈發揚光大，點解我要係日本買3皮野，44KG 野..係因為人地貨物，質素，服務物超所值，SHOPPING同做生意一樣都係搵價廉物美，WHY I CHOOSE U? 當我比得起錢去日本買靚野，點解我要係本土受你SALES氣? 我係由頭到腳，由內到外一次過日本買，要我係聯合HKD 249 買一件質地唔好既衫有一半既錢比租，1/4既錢你比氣我受，我不如2500 YEN一件買晒兩件唔同顏色同款靚料TOPS)公司老闆個堆更加比一個死港女更精明 點解我中意日本野? 唔係盲目祟日，係因為日本呢個民族有遠見，同做事認真，知唔知點解日本咁著重SERVICE，客人，係因為客人唔可以得罪。而家通訊同地域流動性高咁多，競爭對手唔係本地而係全球，其實所謂既SERVICE 係你有無由個客出發去諗多少少，方便個客，客人會將呢少少放係心中，下次返黎搵你，用AEON 做例子，原本佢係一間好唔吸引既DEPARTMENT STORE比起SOGO，一田，而家佢剛剛裝修完，而家經濟差，正常公司會係係咁KEEP住減價，但佢無，反而升GRADE左，引入多元化有質素產品吸引有持續性消費能力中產(講緊幾個物業已供斷揸手個D) 同洗腳唔抹腳無太大家庭負擔既90後 講返航空公司，你地好多人用CX (你地覺得CX係香港人航空代表) 同我比喻點解機上呢樣無個樣無，連員工飛機餐都無要SHARE比客食，飛機位電視機壞唔整，你地講左個FACT比我聽，我用我過往既經歷，工作經驗，書本上既知識，睇過既書，朋友，網路上既資源點解CX有呢個ACTION，CX同樣好有香港人特質短視。CX CUT 呢樣CUT個樣，CUT 員工福利簡單D講MAXIMIZE PROFIT，MAXIMIZE PROFIT係每個公司GOAL，但MAXIMIZE PROFIT 有兩個方法，一係CUT COST，二係INCREASE REVENUE，CUT COST 一定會比INCREASE REVENUE 見到既成效快，因為你可以控制到，但你有無諗過CUT COST 之後既服務質素同樣下降，香港客人係好有要求，尤其比得起錢個堆，你一D DETAIL 個位令個客失望，佢唔會再幫襯你，但個DETAIL 位又未去到COMPLAINT 你，其實所謂服務質素係考你對D DETAILS 位夠唔夠細心，唔好講到咁偉大MAXIMIZE PROFIT要對股東交代，更重要係MAXIMIZE PROFIT對CEO 呢D 決策性高層BONUS 都MAXIMIZE 埋，所以呢個航空公司唔會坐 騎劫樓主個POST，講返我真正PEACH 下半集想講D咩 在被無聊高登仔起底，網絡欺凌中，我選擇是不聞不問，所以你地惡意攻擊對我毫無作用，我從來唔係活在別人眼中的女孩，我只在乎今天的我有沒有比昨天的我進步。我比你們想像中來得堅強!然後再反省過往不足，好好prepare下次旅行。亦反省過往吸收資訊方式，把什麼高登，hk discuss app ，毒果動delete(但之後install 返hk discuss 係仲有d醒少少既人真心share).. 重新下載人民日報，bbc news, 財新網! 我當日好心SHARE我廉航經歷，比你起我底，講極盡侮辱既說話，我當日係用一個無助病左，無咩旅遊經歷既女仔角度同你SHARE ，但你地用你地階級觀念，覺得我坐廉航應該低人一等，廉航係一般香港人，航空公司角度覺得無SERVICE係應該，因為我當時角度係個客係海外係好無助，除左靠自己，就只有airline.. 我覺得一間任何airline除左識搵錢，你都係合理情況下幫下個客呀，原來呢D BASIC NEEDS 係廉航係應該無，OK FINE..當上一課，以後我只會揀有GOOD VALUE FOR MONEY 既AIRLINE 坐 估唔到風水流輪轉得咁快，唔需要氣管炎，一個三號波顯示到你地班香港人同臭港女一樣無知，一樣大支野 咁我講下我本身有咩PREPARATION 當日我用既係ATM銀聯同時開通左海外提款功能，MAX. 係每日100K，我只要去有銀聯標誌既ATＭ機就拑到錢 而家科技好發達，打電話唔一定用傳統ＳＩＭ卡，早在幾年前新加坡公司研發左個INTERNET CALL APP 叫HOIIO ，只要有穩定WIFI, 3G 可以用好平既通話費打去世界任何一處(固網同手提)，我當時就算真係無晒錢，MISS 埋班機都可以用HOIIO 叫屋企人即刻TRANSFER D 錢比我坐下一架 我話埋比留係機場上唔到機既PASSENGER聽，你而家應該做唔係舉BANNER 叫我要返香港，係應該打入境處求助熱線1868 總結: 比人網絡欺凌唔可怕，比人起底唔可怕 最可怕係人無知。 一班人瘋狂係網絡做一件以為好啱，但現實對受害人無咩太大感覺既事 網絡欺凌心態咪中意見到被攻擊者pk 然後賺取莫名虛榮感，sorry arrr...對付呢d 無聊人最好方法咪活得比你好!! 假如無聊的人對我仍很有興趣，繼續惡意攻擊，你喜歡啦！反正你沒有對我有任何影響力，我仍然會每日好好襯衫化粧反工，繼續發堀新奇有趣的美容產品，同時我會用可憐眼光睇你，你咁得閒攻擊一個現實生活不認識的人，也不好好充實自己,活在虛擬網絡世界, 你算吧啦！ 完。 一個自信堅強的女孩上

為此，部分網民把狙擊行動升級，成立了以廉航港女為主題的Facebook 專頁。

有網民更發帖聲稱於青衣城一帶，尤其是310M小巴站，發現了聲討事主的街招。雖然該帖獲得網民普遍的讚賞及正評支持，但亦有少量網民認為有關行為過當。