狐狸精事件發生在2008年10月13日，一位名叫 mrs_lai 的會員，在香港討論區「婚後生活」版發表《大緊肚......但發現》的文章（原文已被刪除），指出她的丈夫和別的女人有外遇。之後，有關文章引起一眾網民留言回覆。
經過一眾網民的討論， mrs_lai 決定尋找律師詢問法律意見。其後 mrs_lai 在10月16日的發言中，聲稱丈夫已經要求離婚，之後網民又在 Minimimi 的公開相簿找到情婦與 Mr. Lai 的親密照片，因而揭發暗星潘美琪（Maggie Poon）為事件中的「狐狸精」。
當「狐狸精」的真相曝光之後，一眾網民紛紛在「泰友營」中的一篇文章中辱罵潘美琪。事後，潘美琪於「泰友營」回應事件，聲稱自己被人中傷，遂把所有有關自己發表的帖子、網誌內容、圖片、YouTube影片等內容刪除，意圖毀滅證據。
事後，一名自稱為 mrs_lai 的丈夫 Mr. Lai，因為被一眾網民侮辱，故尋求法律意見，結果親子王國討論區及香港討論區中有關的文章均被移除。
由於至今仍然沒有關於Mr. Lai已結婚的證明，有些見慣借刀的網民仍不肯定事件的真確性。
網民依 Minimimi 公開相片內拍照日子時間[]
2007/6/24,*26
- 合照，估計地點為日本或台灣戶外。
2007/7/7,*8,9,12,17,*21,*22
- 合照，估計地點為日本戶外、室內、床上及澡堂。
2007/8/23,24,25,*26,*27
- 合照，估計地點為泰國戶外及泳池。
2007/9/22,*25,*26,27
- 合照，估計地點為日本室內；在其中一張照片中，蛋糕上的生日牌有MAGGI & PAXXXCX字眼。
2008/9/23,24
- 估計地點為泰國，其餘為一張個人婚紗照有兩張與名人港姐李嘉欣及食家蔡欄合照。
2007/12/14, 2008/3/28, 2008/5/12
相關截圖[]
mrs_lai 發表的文章[]
《大緊肚.......但發現》[]
《大緊肚.......但發現》為2008年10月13日Mrs. Lai在香港討論區發表的原文。內容如下：
我真係好唔開心,今次已經唔係第一次,點解我老公要一次又一次傷害我 我地已經結左婚六年,有一個兩歲既仔,而家肚裡面有個五個月既bb,但我發現我老公除左我之外,仲有另一個女人.
其實今次已經唔係第一次,我上次大肚既時候,已經發現佢識左個靚妹,佢仲同佢去左幾次旅行,個靚妹手段好叻,而且又好靚女,佢地去旅行既時候,咁岩比我亞姨係日本撞到佢地,如果唔係我都唔知.個靚妹仲將佢地去旅行既相post上網,仲特登send條link去我老公office既email,等全公司既人都知佢既存在,我一路睇就一路喊,我老公同我去旅行都未坐過頭等機位,個靚妹買親都係名牌,食要食最好,我係屋企樣樣同老公慳錢,佢轉頭將d頭亂咁 fing,我真係好唔開心,點解要咁樣對我,我有咩做錯?為左依件事,我同老公嗌過好多次交,最後佢應承我以後都唔見佢,佢仲應承我以後會抽多d時間陪我,雖然我唔可以放低依件事,不過我老公個排真係對我好好,所以我好快就原諒左佢,但佢依家又黎,又痴番埋個靚妹道,仲出左張附屬咭比佢,張單仲唔介意比我睇到,點解要咁明目將膽?係咪要迫我同佢離婚?點解我大肚既時候就要去搞搞震,點解呀,我依家可以點做呀?
佢地岩岩先去完旅行番黎,個靚妹又post d相上網,睇住第二個女人叫自已個老公做honey,個心真係實哂,而且佢寫到我老公好體貼,而佢所寫既野,我老公一樣都未為我做過,究竟係佢叻,定係我唔值得為我好?
其後回應[]
2008年10月17日[]
今日最終無去到法援處,我諗我以後都唔需要去喇.估唔到冷靜左兩日,個衰人終於肯表態,終於承認自已同個女人斷斷續續一齊左好耐,我係多出黎既一個,佢決定同個女人一齊,唔會再番黎,佢話可以唔要大細b,但唔會再比錢我,而且佢要同個狐狸精結婚,就算我依家唔肯離婚,佢單方面都會申請離婚,既然佢都決定左唔同掙大細b,離婚就離婚啦,留住一個唔愛我既男人根本就無意思,我決定左放手喇,但我唔會咁快簽紙,佢趕住結婚又唔關我事,所有野等細b出世先算啦,多謝你地咁多位咁支持我,你地放心,我唔會做傻事架,因為我知道大細b好需要我,我唔會亂黎架,你地放心啦,個兩個人我都忍夠喇,雖然我唔好唱衰佢地,但我唔會再比個兩個人傷害我,佢地講既野我唔會再聽,亦都唔會再上心,我會做個好媽媽,好好照顧兩個仔.
*多謝你地既支持,我知道有網友幫過我鬧個狐狸精,多謝你地,我知個狐狸精知道我係度問人意見,如果唔係個衰人今日唔會知我曾經搵過律師,既然黎生你有睇依個post,我亦都唔怕比你知,我唔會即刻同你離婚,你想結婚就慢慢等,婚我一定會離,不過唔係依家,係等你比個狐狸精呃哂d錢想番黎個陣先離婚啦,我唔會再心軟,你唔洗諗可以再番黎,我唔會理你架.
《我係mrs lai,多謝各位關心》[]
2008年10月20日Mrs. Lai在香港討論區發表《我係mrs lai,多謝各位關心》一文，內容如下：
好抱歉令各位擔心左我幾日,因為近日真係無心情亦無時間上網,希望各位可以原諒我依幾日無上網.
當初係依度出個post,只係想搵人傾訴下,想有人開解下,無諗過要將依件事搞大.講真,邊會有老婆會想全世界人知道自已老公偷食,邊會有人想比人知道自已比人搶老公?所以我選擇左依度,因為依度唔似外面既網頁咁偏激,我只想同人傾下偈,因為我身邊既人全部都識個衰佬,我亦都唔想搞到件事太肉酸,所以除左我媽媽之外,根本無人知道依件事.
不過近幾日,依件事唔知點解通左天,無論我既家人,朋友,連以前讀書既同學都有搵我,個個都問我點解發生咁大件事都唔同佢地講,做咩將d心事放係心裡面, 佢地個個都好擔心我,連一直叫我忍既媽媽,最終都叫我同大b搬番娘家住,雖然媽媽每日都鬧我蠢,但我知佢真係好錫我,經過依件事,我終於搵番自已既家人, 一班真心愛錫我既朋友,我有幾個舊同學免費幫我搞離婚,而且佢地話個衰佬一定要比生活費我同大細b,往後既日子應該唔會太難過.原來一直都係我自已收埋自已,搞到自已無哂朋友,一直以為老公就係自已既全部,真係好白痴,不過我以後都唔會喇,我終於識睇清楚身邊既人喇.
依事通左天之後,個衰佬搵過我,仲鬧左我好耐,佢覺得我令到佢同個女人好無面,搞到件事咁大,佢地以後點見人?件事搞到個衰佬好多客都知,亦都間接影響到佢既生意,而個女人亦都唔敢出街,好驚出街比人笑,指住佢黎鬧.當然我個心裡面真係好憎佢地,但我一直都無諗過要佢地做過街老鼠,所以搞成咁,我亦都好唔安樂,可能真係我太衝動啦,搞到咁大件事,希望件事盡快淡啦,如果唔係個衰佬用無生意黎做籍口唔比錢我就大件事喇.
最後真係好多謝各位網友咁支持我,亦都好感激各位比左咁多意見我,多謝你地,如果無你地,可能我一直無勇氣去離婚,亦有可能我已經做左好多傻事,所以我真係好多謝各位曾經幫過我既網友,你地放心啦,我會好積極面對我既將來,唔會亂諗野,我會做一個好媽媽,你地唔洗擔心我架,我以後都會繼續上黎,但唔會再係一個傷心絕望既女人,而係一個正面又愛錫大細b既好媽媽,你地真係唔洗擔心我,因為我已經諗通哂,雖然我無左一個老公,但我賺左好多親情同友情,依d感情先係一生一世都唔會變架,希望各位都好好珍惜你地所擁有既野啦!
潘美琪的回應[]
潘美琪在2008年10月17日就事件回應，內容如下：
我細心看過 http://www.discuss.com.hk/viewth ... page%3D1&page=1 所講的資料, 這個 mr.lai 跟本並不是我的honey. 我同honey亦己訂婚, 亦有official document support 我和honey都從未結過婚, 更不用說honey有那麽大福氣的己有兩個仔.
我不明白某些人那麼喜歡中傷別人 ...... 在這裹, 大家fans都希望分享油雞, 我相信大部份fans都是這樣.
對一眾好fans說聲生活愉快, 對中傷別人的真要說聲"人在做, 天在看".
潘美琪於「泰友營」發言後，她迅速把所有有關自己發表的帖子、網誌內容、圖片、YouTube影片等內容刪除，意圖毀滅證據。
當中唯一的男主角[]
目前黎生並沒有在網上作出過任何回應，但其行為已獲得網民冠以「2008年版陳健康」、「世紀賤男」、「四眼水魚」、「現代版陳世美」等稱號。
尋找潘美琪期間[]
大部份網友被青鳥論壇cutecat版主發表《我和Honey去旅行!!》帖內自稱為潘美琪戲弄，誤信以為該版主為潘美琪及該版happygirl為潘美琪好友。雖然cutecat只有在第一版張貼過潘美琪生活照，而happygirl只在頭十頁內過留言，但已觸怒一眾網民，民憤一發不可收拾。
及後網民「唔好扮正義啦」聲稱已為當事人要求律師發律師信，起訴所有誹謗過「她」的網民，引起又一場罵戰更把留言版增近一百六頁。因該論壇版主自知好事多為，害怕事情越鬧越大就刻意刪除該帖及有關潘美琪的帖子。
另外，於Discuss《我係mrs lai,多謝各位關心》LLOVEHK稱為黎生友人，因此事而到此註冊發表對此事言論。及後，被網民追問事情及要求轉達訊息給黎生。
Mr. Lai發聲明[]
在2008年10月24日，親子王國的壇主交代有關「又一世紀賤男」的文章被刪的原因。內容提到親子王國收到「黃嘉錫律師事務所」代表「Mr. Lai」發出的律師信，律師信中提及有關文章報導失實，有誹謗之嫌。在諮詢過站方法律顧問意見後，將有關文章移除。[1]
不過，仍有網民質疑該封電郵發出的律師信，以及黎生的聲明的可信性及效力。雖然親子王國及香港討論區中有關的文章已被移除，不過在高登及天涯社區仍有出現有關文章及照片。
註解
外部連結[]
影片及博客文章[]
- 活在當下頻道：水 立 慌 頻 道 ™ 網上節目－第九集 狐狸情事件
- YouTube影片：2008私家秘密處女紀念版((激情上市))
- YouTube影片：你個身有陣二奶味
- YouTube影片：龍咁威2003 (狗仔隊)
- 潘金蓮做人二奶唔知醜：潘雞琪係臭西
- 紫秤星星：戀愛新時代？時代變了！要我說狐狸精萬歲嗎？
- 潘美琪：個人網誌
- 香港影庫：潘美琪
網民討論[]
- 高登討論區：2008年版陳健康正式面世！！！！
- 天涯社區：香港美艳二奶(转载)
- 親子王國討論區：有關「又一世紀賤男」被刪公告
- 親子王國：又一世紀賤男 (連結被封鎖)
- she.com：大緊肚.......但發現(轉載)
- Wholehk全城爆大獲@@@@
- 香港討論區：大緊肚.......但發現 (#1) (連結被封鎖)
- 香港討論區：大緊肚.......但發現 (#346) (連結被封鎖)
- 香港討論區：眾志成城，出現疑似姓潘女事主（P.1）不上報不罷休！2008年版陳健康正式面世 (連結被封鎖)
- 「泰友營」中由潘美琪發表的文章 (連結被封鎖)
- 青鳥：我和Honey去旅行!! (連結被封鎖改為頁庫存檔)
| ||||||||||||||||||||
