香港網絡大典
註冊
Advertisement

高登會員的作品,出處不詳。 高登常有標題黨出沒,令人進入帖子才發現內容與期望不符。更甚者,部分標題更可能涉及假新聞做謠的嫌疑,只是發帖者往往會戴頭盔,在內文闢謠。這潮文就由此而生,表示不要以為只在標題誤導就不用負責任。後來亦有單單因為標題驚人而使用的用法。

原文[]

睇到個標題嚇到叫左出黎,老細問咩事,我照讀比佢聽,讀左標題內文都未開始讀,佢成塊面白哂,自言自語,猛咁話「共慘黨殺到黎,香港九龍新界無得避,要化身玉皇大帝打救蒼生;共慘黨殺到黎,香港九龍新界無得避,要化身玉皇大帝打救蒼生……」

跟住衝左上天台,叫左一聲「鳴呀,點解係我」就跳左落去,成班同事追上去都追唔切,有兩個女同事嚇到暈左,仲有個男同事當場嚇到變左弱智,不停問人要唔要食腸仔蛋。

我就好好彩無咩事,但同班同事五十幾個人即時變左失業,你條仆街真係害人害物……


文言文版[]

顧題驚呼,主問何事,吾宣讀之,題讀畢,文尚未讀,主已面白,自語喃喃,狂嚎「共慘黨殺到,港九新界無得避,余要化身玉帝打救蒼生;共慘黨殺到,港九新界無得避,余要化身玉帝打救蒼生…」

話音未落,直登樓頂,大嚷「鳴呀,我便何如?」即一躍而下,眾追,亦不及,二女僕見即驚倒,尚有男僕驚至失神,不停詢眾索腸蛋裹腹。

余幸保清健,但見同室五十餘僕旋即斷炊,如此王八,害人不淺…

改版二[]

睇到個標題嚇到叫左出黎,胡總問咩事,我照讀比佢聽,讀左標題內文都未開始讀,

佢成塊面白哂,自言自語,猛咁話「美國佬殺到黎,北京上海天津無得避,要化身外星生物打救蒼生;美國佬殺到黎,北京上海天津無得避,要化身外星生物打救蒼生……」

跟住衝左上天安門,叫左一聲"同志,點解係我"就跳左落去,成班公安追上去都追唔切,有兩個女同志笑到暈左,仲有個男同志當場笑到變左弱智,不停問人要唔要食腸仔蛋。

我就唔好彩賴左尿,但全國人民十三億個人即時得到解放,你條仆街又真係做得唔錯……

改版三[]

睇到個標題嚇到叫左出黎,煲呔問咩事,我照讀比佢聽,讀左標題內文都未開始讀,佢成塊面白哂,自言自語,猛咁話「共慘黨殺到黎,香港九龍新界無得避,要賣環保燈打救蒼生,昆水移民再走人;共慘黨殺到黎,香港九龍新界無得避,要賣環保燈打救蒼生,昆水移民再走人……」

跟住衝左上垃圾局天台,叫左一聲「鳴呀,點解又係我」就跳左落去,佢班親戚追上去都追唔切,有兩個女高官嚇到暈左,仲有個男議員當場開心到跳開心舞,佢外父不停問人要唔要食環保燈。

我就好好彩無咩感覺,但煲呔家族四十幾個人即時發癲食返D環保燈,你條仆街真係幾值得欣賞……

例子[]

相關條目[]

Advertisement