神仙

神仙
所屬網絡社群	膠登討論區（已淡出）
會員編號	7956（膠登）
綽號	仙兄、仙b、神棍、feel（mj13）、feel兄（mj13及其facebook群組）、Philip Chan（facebook名）
加入日期	2013年7月29日（膠登）
活躍時期	2013年至2015年
金句
唔講得
其他資料或評價
此人乃膠登討論區用戶，俗稱「膠登仔」。
此人已被所屬的網站管理者Ban，成為烈士。
這是位爭議性人物（或相關之爭議事件）。條目內的評價及「推斷」僅反映部份網民之見解，並不代表網典立場或客觀事實之全部。
膠登每月之星得獎者

神仙，膠登會員（膠登ID：7956），因為開設「爆料post」而成名，實際上為網台MJ13成員，化名feel，專門講軍事工業，亦和膠登admin nimda有交情。

網上事蹟

開設「爆料post」

神仙於2013年9月30日起，在膠登玩具台開「爆料post」，研究各種陰謀論，並聲稱「我因為生意關系（係）識得好多個國家的要員」，吸引不少人討論，結果一共開了70多個爆料post。

早期會員普遍認為「爆料post」可以增廣見聞，了解中國不為人知的陰謀，更因此反對為其建立網典條目，以免被五毛得知。慢慢有會員發覺神仙的部份言論十分荒誕，例如聲稱氣功對房事有利、開發松果體、世界末日將至等等。後期因連串事件，神仙聲勢下滑，神仙的支持者更被蔑稱為「神仙粉」。

被蕃茄伊貝狙擊

2014年12月12日，會員蕃茄伊貝向神仙提出封鎖公投，原因是他經常在玩具臺開post，但內容與玩具無關，以及為某網台賣廣告，但不獲通過，支持神仙的會員懷疑蕃茄伊貝和同樣向神仙提出封鎖公投的Gooder是五毛，兩人則反指反對他們的人是「神仙粉」。由於當時參與狙擊的會員很少，事件於兩日後大致平息。

有特權爭議

2014年12月13日，蕃茄伊貝在和神仙有關的網台MJ13的facebook專頁發現，原來只要向膠登admin表示想參與神仙的爆料post討論，就可以獲得膠登帳號，此事引來大量膠登會員不滿，認為對使用ISP電郵註冊帳號的會員不公平，而且猶如開了一個缺口，讓五毛很輕易地滲入膠登及開分身，所以要求膠登admin解釋，但admin一直迴避問題，遲遲沒有回應，事件亦不了了之。

亂屈人五毛，最後敗走膠登

2015年5月10日，會員柯尼斯堡開post玩曲線，諷刺港豬。同一日，神仙在同一個post內說柯尼斯堡為五毛，並稱已經block了他。5月14日，神仙於其爆料post內表示柯尼斯堡經過「會社」確定是五毛，但拒絕就此解釋，有會員批評神仙看不懂曲線，之後開始到爆料post批評神仙，更開類似標題的post，務求令「神仙粉」中伏。

後期神仙胡亂指責批評者為五毛，又多次打錯字而遭到恥笑，之後更因為admin拒絕幫助而指admin親中投共，隨後更被提出封鎖公投，原因為「於玩具臺洗版」和「在膠登賣廣告」，結果公投獲得通過，神仙被bam三天，翌日透過其他人表示已另覓新處繼續爆料，並呼籲各位和神仙聯絡取得新的落腳點，更表示「會社」會向膠登作出報復。

其後神仙因此成為膠登2015年5月之星選舉大熱人選，最後成功當選，更取代喪隊大麻團隊和動感貓咪成為每月之星改制以來最高票數者和最高得票率者。

轉戰facebook後被其他mj13嘉賓直斥9up兼造謠生事

原文：

「

係到爆你時間 是咁的，有朋友傳來十數張 facebook 上一個非公開群組嘅截圖，問我點解會咁樣。 原因好簡單，有人， Philip Chan，喺呀！話緊你呀，吹得就吹，扮 x 晒知情人仕，以為吹得大就好 x 勁。 本來你自己搞個群組，喺到自 high喺你嘅事，但係你就一路喺度造謠生事，實質就喺喺度買 x 。 你作為朋友節目 MJ13 嘅過氣嘉賓，江湖規矩係唔應該 x 柒你嘅，但係容忍喺有個限度㗎，你老 x 。 你喺人地個朋友名單度不斷踢人入你個群組度聽你 x 吹，已經有網友提出過覺得煩厭，你仲喺度變本加厲咁話人嘅不是，作得就作，做人有無咁契弟呀，發 x 癲兼痴 x 線。 1/ 妖言惑眾場租平過 mj13 你又唔 x 知； 2/ 卓飛識嗰啲所謂靚女保鑣，根本就係以前低俗頻道嘅同事，你又唔 x 知； 3/ 你約我地食飯，實質係我地同卓飛講無興趣，卓飛唔覆你喺免得你尷尬你又唔 x 知； 4/ 你成日係度 x 吹嗰個「會社」，我地識「會社」幾多人你又唔 x 知； 5/ 卓飛老婆上來節目探班係從來都有，原因係環保問題，用最少的交通工具離開你又唔 x 知； 6/ mj13 最多人重溫的集數係 Gary Kwan 同小弟，我地都未出聲，你老幾呀，幾 x 時個節目要你幫呀，真係多 x 謝喎，卓飛唔同你講係知你會接受唔到你又唔 x 知； 7/ 卓飛唔再想請你上 mj13，係因為太多聽眾反映你 x 吹得太 x 離譜，接受唔到囉，你又唔 x 知； 8/ 每次你上去 mj13，係 facebook 討論區入面已經不斷有人 xx 你，搞到卓飛要私下同咁多人講唔好意思，仲叫佢地唔好 xx 佢啲嘉賓，即係你呀。你又唔 x 知； 9/ 你所謂爆果啲料，當中咁 x 多偽科學，已經收到有識之仕反映，卓飛安排你淡出係唔想你羞家，你又唔 x 知； 10/ 我地返大陸做訪問係朋友邀請，仗義相助，全程每個人自費，一毫子都無收過，純粹當旅行同粉絲聚會，你又唔 x 知； 11/ 你話「會社」支持 mj13，一次過比 7 年錢嗰個就係，真係你老 x ，嗰個係 Larry Kong，卓飛頭號粉絲嚟㗎，佢都比左 5 年「妖言惑眾」你又唔 x 知； 12/ 你話「會社」係一路喺卓飛個美國 trip 到保護佢地，仲話之後打電話去節目嗰個同 neil 講英文嗰個就係「會社」人，實質嗰個係 Kingston ，年紀輕輕嘅無神論外國聽眾，係佢阿媽幫佢參加嗰個美國 trip 㗎，你又唔 x 知； 故事教訓我地， x 吹前一定要做好功課，乜 x 都唔知就 x 吹會出事㗎嘛，其實你 feel 唔feel到㗎。 ( 按：Tong Tong 問 ，其實你知啲乜 x 嘢㗎 x 你！ ) 2015年12月11日 6:58 · 公開

」

改圖

唔講得

唔屌得

會社 is watching you（打字版）

會社 is watching you（神仙玉照版）

神仙RIP