第三屆高登男神總選

「第三屆高登男神總選」是高登網民設立高登男神選舉制度後的第三次選舉，同時亦是高登admin以「高登選舉義工」之名舉辦的非每月之星的選舉。一如以往，投票結果亦成功上報，順利完成。

值得一提的是這次選舉和上一屆相距約一年十個月。

背景

此屆總選由「高登選舉義工」舉辦，高登admin也以公告方式宣傳高登男/女神總選。

而選舉規則與「高登每月之星」制度相同，因此出現多個較為「荒謬」提名：如高登Admin、全職毒撚二世、JerB、何韻詩等。也有知名人士如梁國雄議員、袁生、迷里兵團小藍（兩人因在動漫台中出位）和挽歌之聲（高登音樂）等。

候選男神

眾高登巴打於提名期內（2015年12月8日至12月14日）可提出自己心儀的男神(最多10名)，而每位男神需要獲得最少十票或以上的提名或和議才符合入選資格，最後提名或和議最高的20位男神將各逐新一屆高登男神的寶座。

選舉期

是次選舉由2015年12月15日開始至12月21日結束。

投票結果

和上屆一樣，是次選舉採用波達計數法，總有效票數為1087票，再次刷新過去投票紀錄。

編號	候選人	首選	次選	三選	總得分	升跌
8	林慧韡（達哥）	264	90	74	1664	新
1	黃子華	167	175	92	1452	跌1
0	周潤發	145	118	93	1172	升6
2	葉鴻輝	94	128	94	948	新
5	金判坤	82	90	46	726	新
7	何韻詩	60	38	55	469	跌2
13	張敬軒	43	34	54	371	新
4	王宗堯	35	47	39	355	新
3	馬國明	27	48	45	324	跌7
18	基藍馬	25	33	76	300	新
19	張家輝	14	39	65	252	升1
17	金城武	27	22	35	236	新
9	彭于晏	20	22	22	188	新
15	鍾樹根	15	26	31	184	新
16	張繼聰	15	23	38	182	新
11	林祖舜	16	18	43	177	新
10	張國榮	16	22	20	166	跌14
14	吳彥祖	13	24	27	164	跌12
12	農夫	7	16	28	111	新
6	梁國雄	2	16	23	81	重新入榜

有傳媒分析結果如下：

第1位：林慧韡（達哥）

達哥第一次入圍就成功登上第一位寶座。達哥？咪就係香港木村拓哉同男版蔡思貝囉！達哥逢星期一至五晚上都會準時開台，每晚都有幾千人睇達哥網上直播打機，網上極受歡迎。而家仲踩過界，成為廣告商嘅新寵兒擔任唔同產品嘅代言人，由手機apps，手機游戲到感冒藥都有。男神？可能係有魅力卦。

第2位：黃子華

上屆第1位嘅黃子華講野有point又好笑，無論男女老幼都buy。就算今年重播返十五年前同dodo姐合作嘅經典電視劇《男親女愛》都係一樣咁有迴響，一樣咁好笑。而且黃子華為人低調又有正義感，之前為慈善機構宣傳時，喺36度高溫來回行咗勁多層樓。咁完美，想唔做男神都唔得啦！

第3位：周潤發

周潤發（發哥）地位顯赫，但為人親民又冇架子，成日被「野生捕獲」。就算係國際巨星平時生活都好平民，成日比人影到坐巴士地鐵行街市，難怪咁受網友歡迎啦！

第4位：葉鴻輝

而第4位相信大家都估唔到，就係今年帶領香港足球隊出戰世界杯外圍賽表現出色嘅「英雄輝」葉鴻輝。

第5位：金判坤

第五位唔係本土男神，而係香港足球隊嘅韓裔教練金判坤。雖然金教練唔係土生土長嘅香港人，但大家都見到佢嘅努力同埋完全係為香港足球而戰。

另外，受2015年港隊出戰世界盃外圍賽討論熱潮影響，名單當中有三位港隊成員成為高登男神。梁國雄則重新入榜。

榜上男神回應

• 達哥：「唔係嘛？我擊敗黃子華同發哥？係咪真？唔好講笑喎。真係受寵若驚，無諗過有機會贏到佢哋。」而達哥則感謝一班網友支持。

外部連結

網上討論

• 高登討論區：第三屆香港高登男神總選【提名區】
• 高登討論區：第三屆香港高登男神總選【投票區】
• 高登討論區：【結果公佈】第三屆香港高登男神總選 (2015)

報刊報導

• 明報：大姐大手記﹕網絡紅人達哥撼贏黃子華發哥稱冠 高登男神選舉 何韻詩入榜，2016年1月7日
• 網易體育：香港門將力壓金城武排高登男神第4 基藍馬進前10，2016年1月5日