美國人你地聽住潮文

美國人你地聽住潮文源自LIHKG討論區時事台上有關2020年美國總統大選之討論。特朗普於選舉中落敗，會員「流浪橘貓」（LIHKG會員編號：192409）極感失望，於是遷怒於美國選民。由於其惱羞成怒乃至以外人身份離地批評的態度相當之硬膠，因此當時就引發其他連登網民恥笑，其後亦經常被假膠回帶。

原文

原文

會員「霸氣巨龍」（LIHKG會員編號：285406）於2020年11月4日於時事台以「推到完場之美國大選選情集中討論區9」爲題發帖。當時總統大選點票進入收官階段，特朗普形勢落後拜登。

會員「流浪橘貓」回應：

美國人你地聽住 呢個結果係無地選擇的 將來的後果就由你地自己去承擔, 我依家突然好想中共嗰種專制暴政突然降臨到美國人身上 睇住佢地大呼小叫 然後我只會瘋狂恥笑 落井下石咁指住佢地黎笑

當時於同一帖子已引來大量留言恥笑。正評比較多的回應包括：

會員「賈雨村」（LIHKG會員編號：51469）回應：

你講完有冇笑出黎? 你以為你係邊個?#[sosad]#lm2#[sosad]#lm2

會員「Jegan」（LIHKG會員編號：225898）回應：

收到風 美國人而家好驚:~(:~(

後續

截至2023年4月，該留言獲43個負評，28個正評。

其後有會員以此文發帖，又於有關美國政治或特朗普的帖子留言 ，截至2023年仍有引用

變體

同一段文字亦有換上英國人、台灣人、韓國人、烏克蘭軍人等版本，純粹文首國籍不同，內容大同小異。

改動較多之版本有：

英語版

Listen up Muricans! This ending was chosen by you. The consequence will be born by you and you alone. At this juncture I just wish some dictatorship or tyranny like that of CCP would befall them. Then, watching them shriek and shrill, I can't help but go on full schadenfraude and rub salt into their wound.

Byejack haters版

Byejack haters你地听住 呢個结果系你地选择的 将来的结果就由你地自己去承担 我依家突然好想朗诵比赛嗰種字正腔圆突然降臨到haters听紧的音乐身上 睇住佢地大呼小叫 然后我只会疯狂恥笑

落井下石咁指住佢地来笑

阿根庭戴巴拿版

阿根庭你地聽住 呢個結果係你地選擇的 將來的後果就由你地自己去承擔, 我依家突然好想羅馬嗰種專制暴政突然降臨到阿根庭身上 睇住佢地大呼小叫 然後我只會瘋狂恥笑 落井下石咁指住佢地黎笑

曼聯版

曼聯人你地聽住 呢個結果係你地選擇的 將來的後果就由你地自己去承擔, 我依家突然好想足總嗰種黑哨誤判突然降臨到曼聯人身上 睇住佢地大呼小叫 然後我只會瘋狂恥笑 落井下石咁指住佢地黎笑

阿仙奴版

放負撚你地聽住 呢個結果係你地選擇的 將來的後果就由你地自己去承擔, 我依家突然好想阿仙奴重奪英超降臨到放負撚身上 睇住佢地大呼小叫 然後我只會瘋狂恥笑 落井下石咁指住佢地黎笑

美斯fans版

美斯fans你地聽住 呢個結果係你地選擇的 將來的後果就由你地自己去承擔, 我依家突然好想空難降臨到成隊阿根廷身上 睇住佢地家人大呼小叫 哭喪 然後我只會瘋狂恥笑 落井下石咁指住佢地黎笑

相關條目

• 潮文
• 回帶
• 美國