香港網絡大典
註冊
Advertisement

見工rap》,為一篇關於求職的潮文。源於芝麻膠(高登會員編號:127870)於2006年6月7日發文稱「如果穿整齊西裝需不需要攝衫」,引起不少巴打討論。其後燒定柒(高登會員編號:96586)與wonggap(高登會員編號:131348)等人提議「以Hip-Hop方式見工」,故衍生此系列潮文。[1]

發起人︰芝麻膠
日期︰6/7/2006 17:49
標題︰如果著恤衫,西褲,打o太 去見工面試 , 洗唔洗「攝」衫?
內容︰

我一向唔太鐘意「攝」衫xx(
但基於要見工,想問清楚,唔攝既影嚮大唔大???? ???

Part 1[]

Part 1 by 怨姐想釣

我唔係窮到窿,都唔黎見你份工
要我恤衫西褲打呔皮鞋見你個零鐘
我有頭有面有手有腳但係唔攝衫
比人話頭話尾話我on9咪又係為兩餐
我就係唔中意攝,屋企d衫我都唔多摺
你話我著得成何體統我最多賓洲加塊葉
我完全唔理中環d人點樣返工放工
最緊要係我自己著衫身心都放鬆
9up左一輪都唔能記得介紹自己
我叫佐治今年from 5會考成績都唔使理
平時跟住南哥落去機鋪打下kof
所以放榜中英數連通識都淨係得個f
老母話我冇能用,屌我成日搵唔到工
一日到黑匿係屋企對住電腦幾廿個鐘
我話我升緊lv,佢話我on能九
你又知唔知我比人撻左武器幾能嬲
我份人又冇乜點,唔能妥我就機鋪見
順我老母意就乜野九屎垃圾都做住先
不過人工最好過萬,包埋早午晚三餐
因為蒲d索K介女冇錢真係人都癲
我肯學肯做,最緊要就係唔老土
返工要揹LV,腳下要踩NIKE
我成份糧都掉晒落去所有新穎牌子
尋日用緊SONY,今日要換GUCCI
仲要叫老豆幫手買PSP比我呢個寶貝兒子
電腦我唔識修理,一早起身都唔摺被
從小就唔識企理,老母都話我谷九氣
我唔想做蛀米虫,但係自己又冇乜用
閒時又唔想進修,日日匿埋玩賓洲
最後人事部經理,食粥食飯都旨意你
我成世都剩係靠人,又覺得自己冇乜運
如果老豆係李家(嘉)誠,我又邊使出黎趁.............................

Part 2[]

Part 2 by *公主

我廢事俾人小,又唔想老母咀渺渺,
係屋企行行企企盞又好似冇乜料
我識打中文,仲識打到人變柒頭上新聞
但係會考拎個f又真係好鬼"炆"
我又識擔又識抬,老細你喜歡我可以抬棺材
不過記住俾返三餅野資助我呢種人材
我仲識上網,尤其係冇著衫d女既網
閒時溝返幾個mk當幫忙
人地話要一技傍身,我即刻俾佢嚇親
我淨係晚晚就落砵蘭街想一妓旁身
政府話要愉快學習我一定唔執輸
我讀過幾錢書,行過報攤仲會買返幾本咸書
我諗過拎綜援使,但係屋企又唔撚俾
話我一年去十幾次旅行俾人捉到就好唔抵
但晚晚落cyber同368就真係好撚擇使
媽媽話一分耕耘就有一分收穫
所以我先黎打你分工睇下係咪咁大鑊
我唔求有d乜,最好就三餐一宿月入萬七咁就得
一星期最好返三日,返工唔著西裝因為好撚柒
日日返工返十點,放工唔好遲過三點
因為夜晚唱k直落太夜唔得掂
老細我見你都四張野,就唔好諗咁撚多野
你唔請我就搵大佬拎住架生係門口等你......

Part 3[]

Part 3 by 怨姐想釣

人事部經理﹕ 家下你黎見工,定係黎試鐘
我地公司請人你奇裝異服真係點講都唔通
出個廣告請個文員仔,7千蚊都嫌佢貴
你仲開口埋口萬萬聲我老頂老西都唔制
你有乜野「call lee」睇你履歷都唔能知
未能見過有人d履歷得4份1張紙
睇下你個會考,真係比10蚊都有找
3u4f冇分同其他人真係好易比較
我比你自我介紹,真係要請你食條蕉
咁能多呢呢囉囉咦咦喎喎你係咪以為好能蕭
講野1999,有咩長處講唔出口
但係講到份人工幾錢你個樣又好能狗
男人老狗帶幾隻耳環,金毛口臭仲死撐
話你今朝趕住出門口,冇時間去洗手間
真係再講落去你都係自討沒趣
拿拿聲死返去你個狗竇諗下自己對唔對
鄧你老母擔心你個仆街仔呢世都成為負累
到你識得後悔果時你先發覺自己已經幾廿歲.......

Part 4[]

Part 4 by 燒定柒

大老闆咁o岩經過 :
丟那媽家陣D o靚仔,佢老母又確係有計
有叉燒唔生走去生件咁o既mk仔
平時上堂就唔聽書,得閒唔係打機就去抖暑
一日到黑淨係諗住點樣昆鳩人隻豬
番學Gel到個頭好似龍珠,放學戴耳環兼條利鑲珠
街坊叔伯見到當正佢係坑渠老鼠
煙仔又唔食得濃,成包攝o係膊頭扮潮童
扯多兩啖嘔白泡果陣就正牌老撚土
廿幾蚊都無錢買,去舖仔求人拆散續飛賣
籌旗買到兩口扮華D上身吞雲吐霧
靚女一見佢就話有feel,皆因佢好重水魚feel
細細聲耳仔邊講有LV就比佢扑先
點知個銀包仙都唔撚仙,想買A貨都唔夠錢
把心一橫當埋部手機點知都唔撚值錢
做人無錢駛事小,男人最緊要有西屌,
tum得到條女上床呢期就行運行到笑
實行騎牛搵馬先,呢份入職就八千
出糧買LV比佢就即刻插爛佢屎眼先
雖則我地係請文員,但你個死款就似足人猿.
問你係咪好鍾意猩猩,點知你原來立心想做7月之星.
見你你衫都唔去攝,又唔肯拉褲鍊,條呔仲要打到遮住個小奄
我做老細都想問你一句「你究竟想點」?
你九成覺得自己好潮,不如唔爭在加埋副黑超,
標奇立異整古做怪先叫真正無撚聊
我地公司大撚把錢,但就唔想請你呢種材料
我寧可捐去愛護動物協會養下狗狗同貓貓先

註解

外部連結[]

Advertisement