香港網絡大典

特色條目、特色圖片正在進行候選提名及投票,獲選的將會於網典首頁中展示,歡迎大家參與!


This wiki's URL has been migrated to the primary fandom.com domain.Read more here

了解更多

香港網絡大典
Advertisement

編者的話

好高興大家睇到呢篇文章,同時都好多謝大家一直對高登情報IN Flash!既支持,其實呢個諗法,係睇到高登情報既第一眼,我已經有呢個打算,只不過當時仍未係高登人,同時Flash技術未夠好,所以一直都未有實現。係當時,我都曾經為其他網頁推出過類高登情報既圖,只不過反應不太熱烈。

直到4月24呢一日,呢一日,對我黎講,就係上天及我最好既機會,當晚,有好多人為黑雨而賭Jer,見到呢個情況,我知道壁報神好大機會會出Post,所以當日我就申請左一個account,同時以我自已非常有限既Flash學識,用左幾個鐘去做了一個初版出黎,就係咁,我係高登的第一日,就發了第一個Post,亦係高登情報IN Flash首次發行。

之後幾份,我都好開心見到睇完我出既情報既人回報既笑容,另外有一D回應,我睇完真係好感動,其中一位會員既回應:「好正, 終於可以睇哂下面o既提要」,就係對IN Flash!版的一種肯定!

首第一期開始,到第七期,主要新聞版面其實已經去到第三代,但因為一期轉一期,裡面既元件庫越滾越大,所以我迫不得已暫停,重新整理過個版面。而係新版面,除了好似之前既突破(動畫及聲音)外,全新既情報將會使用16:9既尺寸。另外希望可以加快推出新聞既速度。

有一晚,曾經諗過,IN Flash!版既效應,會唔會好似高登日報結果,從此快速取代高登情報?但答案是一定唔會的,因為單以時間計算,高登情報IN Flash所需要既推出時間,比高登情報多好多,所以高登情報仍現係主力,IN Flash!版只係整點精華報導。

最後,我係呢度多謝所有對高登情報IN Flash!提供靈感既人,包括艾力氏高登CIA及曾為高登情報IN Flash!幫好多忙既壁報神,但當然都唔少得所有支持高登情報IN Flash!版既高登會員!

最後,我綠袖子係呢度保証,在以後既日子,會繼續為大家提供最快、最新及最佳的高登新聞體驗!多謝!


綠袖子 高登情報IN Flash!主編輯 2006年5月19日

Advertisement