黃興桂

黃興桂 這是因網絡效應而竄起的網絡紅人，深受一些網民及社群擁戴；然而其創舉或本領尚未獲致「神級」榮譽。 此人乃賭博界的「明燈」之一，燈力較阿拉丁神燈有過之而無不及，只要參透其意旨，賭博無往而不利。

黃興桂，人稱「皮蛋黃」、「桂神」，畢業於美國加州大學，曾擔任多支香港甲組足球聯賽球隊教練，後轉職擔任足球評述員，曾任ESPN、有線電視及無線足球評述員，亦在東方日報撰寫足球專欄，及客串新城財經台的節目足球王。他的父親是上世紀六十年代轟動香港的「三狼案」受害人黃應求，他的叔父黃應士則是資深電視新聞從業員。

生平

黃興桂是三狼案死者黃應求之長子，畢業於美國加州大學。因父親黃應求早在上世紀五十年代已經贊助傑志、中華等足球隊，黃興桂自幼與體育圈相熟。1978至1990年間，先後出任東方、南華、荃灣的教練，1990年移民美國，四年後開辦美國世界盃睇波團；1995年受聘ESPN，做其全職評述員，憑著講波時源源不絕的「金句」，另類風格，輕易成為球迷的話題。他同時是英國球會利物浦的擁躉。

本來黃興桂早在1990年離開香港足球圈及移民外國，香港年輕一輩球迷對他本來毫無認識，但自從2005年開始，他憑其獨特的足球評述風格逐漸走紅，成為網民常常提及的「桂神」。而這個稱呼也影響至今，讓其同行在跟他工作時也尊稱他為「桂神」。

燈神起源

黃興桂在2005年發表報章專欄，經常在利物浦參加歐洲聯賽冠軍盃時談及利物浦的不足。他總是認為「利物浦的歐洲之旅完結」、「利物浦的夢幻之行結束」。

然而每一次利物浦都沒有如同他的分析一樣戰敗，反而越戰越勇，殺入決賽面對意甲勁旅AC米蘭，但即使在當年決賽開賽前，黃興桂仍然將利物浦看低一線，他認為以投注角度，「情感上支持利物浦，但理智告訴我ＡＣ米蘭才是最佳選擇。」結果當年利物浦奇蹟反勝，勇奪冠軍，自此黃興桂的文章就十分為人留意。

網民討論

自從該次事件以後，黃興桂的文章不時被網民轉貼，直到二零零八年的歐洲國家盃，他多次對比賽的估計失誤，終為他奠定了「桂神"地位。

命中率統計

黃興桂經常在他的專欄中發表自己對於球賽的看法，然而他的看法與球賽往往事與願違，因而被人轉貼以及奉為「祝福」，「福音」或者「聖旨」。以下為部分專欄以及結果。

2008年至2009年

下注日期	賭博項目	標題	預測	實際	不中率
16/06/2008	奧地利 對 德國	德軍要省靚番個招牌	讓球客勝	德軍勝	0
16/08/2008	新特蘭對利物浦，布力般對愛華頓	普雷斯頓主場堅直取Ｗ	利物浦勝，愛華頓勝	愛華頓負	+1
17/08/2008	曼聯對紐卡素，車路士對樸茨茅夫，阿士東維拉對曼城	曼車和波２串３	和，阿士東維拉勝	曼聯1:1紐卡素，維拉4:2曼城	0
17/06/2008	荷蘭對羅馬尼亞	為冠軍鋪路順勢除意法 荷蘭明醒羅馬尼亞	羅馬尼亞勝，除意法	荷蘭勝，意大利出線	+1
18/06/2008	瑞典對俄羅斯	伊巴拿臣贏卡士 瑞典硬淨平手盤抵玩	平手盤瑞典勝	俄羅斯勝	+1
19/06/2008	葡萄牙對德國	葡萄牙以逸待勞	主勝	客勝	+1
20/06/2008	克羅地亞對土耳其	克羅地亞贏波唔出其	克羅地亞勝，土耳其輸很正常	和局，12碼土耳其贏3:1	+1
23/08/2008	利物浦對米杜士堡	紅軍細好分過W	紅軍細	利物浦2:1米杜士堡大	+1
24/08/2008	曼城對韋斯咸，國際米蘭對羅馬	奧運帶來無盡回憶	韋斯咸勝，國米勝	曼城3:0韋斯咸 ，國米90分鐘內未能取勝	+1
30/08/2008	愛華頓對樸茨茅夫，阿仙奴對紐卡素	樸茅紐卡素和波2串3	樸茨茅夫，紐卡素和
31/08/2008	阿士東維拉對利物浦，皇家馬德里對拉科魯尼亞		阿士東維拉，拉科魯尼亞勝
06/09/2008	卡塔爾對烏茲別克，巴林對日本	卡塔爾有水有力		卡塔爾，巴林勝
13/09/2008	利物浦對曼聯，曼城對車路士，布力般流浪對阿仙奴，樸茨茅夫對米杜士堡	歐聯前夕雙紅會免傷和氣	利物浦，曼城，布力般和	全部皆不和	+1
14/09/2008	史篤城對愛華頓，華倫西亞對艾美利亞	愛華頓有苦自己知	史篤城下盤
20/09/2008	伯明翰對黑池，普雷斯頓對狼隊	伯明翰超班咪拗頸	伯明翰，普雷斯頓勝	伯明翰負	+1
27/09/2008	曼聯對保頓，史篤城對車路士，阿仙奴對侯城	Big3波膽過關好滋味	曼聯、阿仙奴、車路士勝

2009年至2010年

下注日期	賭博項目	標題	預測	實際	不中率
25/10/2009	曼聯對利物浦	紅軍有心無力難反彈	曼聯勝	利物浦勝 2:0	+1
01/11/2009	曼城對伯明翰	黃興桂:曼城可勝伯明翰, 強隊玩留力季中再搏	曼城勝	伯明翰悶和 0:0	+1
8/11/2009	車路士對曼聯	曼聯擦鞋仔波摸和車路士	一比一摸和	車路士勝 1:0	+1
21/11/2009	新特籣對阿仙奴	黃興桂 : 黑貓硬淨頂得住阿仙奴	摸和	新特籣勝 1:0	+1
30/11/2009	阿仙奴對車路士	黃興桂 : 阿仙奴主場可保不敗	摸和	車路士勝 3:0	+1
30/11/2009	愛華頓對利物浦	黃興桂 : 三場都係和波格	摸和	利物浦勝 2:0	+1
30/11/2009	巴塞隆拿對皇馬	黃興桂 : 三場都係和波格	摸和	巴塞隆拿勝 1:0	+1
6/12/2009	韋斯咸對曼聯	黃興桂 : 韋斯咸唔怕紅魔來犯	摸和	曼聯勝 4:0	+1
6/12/2009	曼城對車路士	波膽3串4 韋斯咸(1:1)×車路士(1:0)×利物浦(2比1)	車路士勝	曼城勝 2:1	+1
6/12/2009	布力般對利物浦	波膽3串4 韋斯咸(1:1)×車路士(1:0)×利物浦(2比1)	利物浦勝	悶和 0:0	+1
12/12/2009	熱刺對狼隊	桂神：熱刺屠狼大盤更穩	熱刺勝	狼隊勝 0:1	+1
12/12/2009	曼聯對阿士東維拉	桂神：和波有４倍值博率極高	和波	阿士東維拉勝 0:1	+1
19/12/2009	樸茨茅夫對利物浦	桂神：利物浦為搶前四發晒茅	利物浦勝	樸茨茅夫勝 2:0	+1
09/01/2010	阿仙奴對愛華頓	黃興桂：三大勁旅全部要W	阿仙奴勝2:1	和波 2:2	+1
09/01/2010	曼聯對伯明翰	黃興桂：三大勁旅全部要W	曼聯勝2:1	和波 1:1	+1
31/01/2010	阿仙奴對曼聯	黃興桂:雙紅會和味濃	和波	曼聯勝3:1	+1
21/03/2010	曼聯對利物浦	黃興桂:紅魔養精蓄銳贏得	建議投注曼聯主勝，另推介2:1波膽	曼聯勝2:1	-10
03/04/2010	曼聯對車路士、史篤城對候城、史浩克04對拜仁慕尼黑	黃興桂:歎三和菜曼聯車仔做頭盤	建議3場投注和，並以3x4過關	車路士勝 1:2、史篤城勝 2:0、拜仁慕尼黑勝 1:2	+3

2010年南非世界盃

下注日期	賭博項目	標題	預測	實際	開出盤口	即場不中差(不中減中)	累計不中比(累計不中:累計中)
11/06/2010	南非 對 墨西哥	南非墨西哥細均力敵	和波、細入球	南非 (0:0)1:1 墨西哥	和波 1:1、2球-細	-2	0:2
12/06/2010	南韓 對 希臘、阿根廷 對 尼日利亞、英格蘭 對 美國	今晚三場全吼和波	建議3場投注和	南韓 (1:0)2:0 希臘、阿根廷 (1:0)1:0 尼日利亞、英格蘭 (1:1)1:1 美國	南韓勝 2:0、阿根廷勝 1:0、英美和 1:1	+1	2:3
13/06/2010	德國 對 澳洲	(今日桂神專欄冇開)	細入球	德國 (2:0)4:0 澳洲	德國勝 4:0 (4球-大)	+1	3:3
14/06/2010	意大利 對 巴拉圭	羅拔格連「文度瓦諾」 巴拉圭夠冷味	巴拉圭「讓球客勝」	意大利 (0:1)1:1 巴拉圭	和波 1:1 (1:1[+1](巴拉圭客隊勝))	-1	3:4
15/06/2010	新西蘭 對 斯洛伐克、巴西 對 北韓	彭利拿功力遠勝安迪	波膽2串1 斯洛伐克(2:0、3:0) × 巴西(2:0、3:0)	新西蘭 (0:0)1:1 斯洛伐克、巴西 (0:0)2:1 北韓	和波 1:1、巴西勝 2:1	+2	5:4
16/06/2010	洪都拉斯 對 智利、南非 對 烏拉圭	韓日示範團隊精神 捧智利勝南非細	智利勝、細盤	洪都拉斯 (0:1)0:1 智利、南非 (0:1)0:3 烏拉圭	0:1 智利勝、0:3 烏拉圭勝 (3球-大)	+-0	6:5
17/06/2010	法國 對 墨西哥	斯洛伐克領隊輸經驗 法國墨西哥和波格	和波	法國 (0:0)0:2 墨西哥	0:2 墨西哥勝	+1	7:5
18/06/2010	英格蘭 對 阿爾及利亞	休息養聲等講英格蘭好戲	英格蘭W：波膽2:0及3:0	英格蘭 0:0 阿爾及利亞	和波 0:0	+1	8:5
19/06/2010	荷蘭 對 日本、加納 對 澳洲、喀麥隆 對 丹麥	多謝湖人！多謝高比拜仁 捧荷蘭加納喀麥隆	過關三串一 - 荷蘭勝、加納勝、喀麥隆勝	荷蘭 (0:0)1:0 日本、加納 (1:1)1:1 澳洲、喀麥隆 (1:1)1:2 丹麥	荷蘭勝 1:0、和波 1:1、1:2 丹麥勝	+1	10:6
20/06/2010	斯洛伐克 對 巴拉圭、巴西 對 科特迪瓦	廣大球迷稍安毋躁英格蘭仲未玩完 撐巴拉圭勝捧巴西細	巴拉圭勝、巴西對科特迪瓦(細盤)	斯洛伐克 (0:1)0:2 巴拉圭、巴西 (1:0)3:1 科特迪瓦	0:2 巴拉圭勝、巴西勝 3:1 (4球-大)	+-0	11:7
21/06/2010	葡萄牙 對 北韓、智利 對 瑞士	荷蘭四平八穩有前途 葡萄牙咬唔入北韓 智利瑞士和波味濃	北韓讓球客勝、和波	葡萄牙 (1:0)7:0 北韓、智利 (0:0)1:0 瑞士	葡萄牙勝 7:0、智利勝 1:0	+2	13:7
22/06/2010	墨西哥 對 烏拉圭	鐵帥黎祥點滴在心頭 墨西哥唔肯和敲小勝	波膽 墨西哥(1:0、2:0)	墨西哥 (0:1)0:1 烏拉圭	0:1 烏拉圭勝	+1	14:7

2012年歐洲國家盃

自2011年起，黃興桂已甚少在報紙上發表預測，轉而在雅虎，約每星期評論各球隊形勢。

其中，根據『歐國盃首輪分組賽的樂與怒』（http://hk.sports.yahoo.com/columns/%E6%A1%82%E8%A8%80%E6%A1%82%E8%AA%9E/%E6%AD%90%E5%9C%8B%E7%9B%83%E9%A6%96%E8%BC%AA%E5%88%86%E7%B5%84%E8%B3%BD%E7%9A%84%E6%A8%82%E8%88%87%E6%80%92-114959625.html ）內文的『指示』，他幾乎燈中所有出線的隊伍。

下注日期	賭博項目	標題	預測	實際	開出盤口	即場不中差(不中減中)	累計不中比(累計不中:累計中)
15/06/2012	歐國盃	歐國盃首輪分組賽的樂與怒	俄羅斯出線呼聲高唱入雲、波蘭痛失領先優勢、捷克晉級路途並不明朗、希臘渺茫無機會	俄羅斯、波蘭出局	捷克及希臘晉級	-4	4:0
15/06/2012	歐國盃	同上	德國冠軍相、丹麥手握出線權、C朗拿度大賽隱形、荷蘭力爭出線	丹麥、荷蘭出局	德國及葡萄牙晉級(按，德國最後四強出局)	-4	8:0
15/06/2012	歐國盃	同上	意大利「年紀大，但機器唔壞」、克羅地亞前境樂觀、西班牙不及2年前、愛爾蘭回到從前	克羅地亞、愛爾蘭出局	西班牙及意大利晉級(按，西班牙奪冠)	-1	8:3
15/06/2012	歐國盃	同上	烏克蘭令人意想不到、英格蘭沒壓力、法國晉級問題不大、伊巴謙莫域強大不同意	烏克蘭、瑞典出局出局	英格蘭及法國晉級(按，伊巴謙莫域反勝)	-3	8:4
28/06/2012	歐國盃	意大利晉級「兩個機會」	德國晉級 1:0 2:0	德國出局	德國0:2	-2	10:4

備註

在英超預測冠軍期間，黃興桂同樣認為曼城渺茫及冇機會，然後曼城驚險奪冠，使信徒們相信高唱入雲、同生共死、機會渺茫及冇機會為桂神三大必殺技。

金錢買唔到冠軍，英超係無即食麵！ http://hk.sports.yahoo.com/columns/%E6%A1%82%E8%A8%80%E6%A1%82%E8%AA%9E/%E9%87%91%E9%8C%A2%E8%B2%B7%E5%94%94%E5%88%B0%E5%86%A0%E8%BB%8D-%E8%8B%B1%E8%B6%85%E4%BF%82%E7%84%A1%E5%8D%B3%E9%A3%9F%E9%BA%B5-120232908.html

意大利晉級「兩個機會」 （http://football.on.cc/cnt/news/newa/20120628/fbnewa0104x0.html）

金句

黃興桂經常使用另類的句子去表達球賽有多精彩，有時自相矛盾，有時不明所以，為一眾球迷津津樂道。

1. 領先一「粒」
2. 波係圓，係用來踢既
3. o係今場波邊隊能夠入一「粒」先，果隊就會有優勢
4. 睇波呢家野，睇得波多咪睇到多d好波囉
5. 防守「生」波
6. 罰波
7. 好急勁既罰波
8. 呢個罰波係o係右路偏左既位置
9. C朗成日插水
10. 每隊波都要有個好既死球專家
11. 每隊波都要入“燕梳”既第二球
12. 所以話，現代既足球每隊波一定要有一個罰波專家
13. 現代既足球，係將皮球送入網窩裡面既
14. 現代足球講求有實力，有速度
15. 現代足球最緊要攻守兼備
16. 呢球波拉得咁行唔係用腳背，係用腳既肉心呀
17. 射波最緊要射中個龍門
18. 「浪射」
19. 當一隊波進攻既時候，另一隊就需要去防守
20. 十二碼呢家野呢，有兩個可能性，一係入，一係唔入
21. 呢球波一係入，一係龍門救到，一係出界
22. 呢球波，如果冇龍門就入喇
23. 呢球波射得恰到好處，唔太高，唔太矮，唔太勁又唔太遠，總之就入啦
24. 一個好既守門員可以令到場波由輸變和，由和變嬴
25. 哈哈，龍門最好既朋友係邊個呀？咪係龍門柱囉
26. 呢球波keeper 有反應
27. xx龍門又再一次勇救險球
28. 呢個龍門眼有神
29. 幾時都話，後防好緊要，紐卡素就差係呢度（利記對紐卡素重覆了大約十次）
30. 防守球員犯左腦筋上既錯誤
31. 拿．．．做防守球員最緊要係咩呀？咪「安全第一囉」
32. 條防線包得無深度，裝越位失敗，咁咪失波咯
33. 個防守球員回波比龍門回得唔好，不過唔緊要，佢地好friend架，唔會鬧佢架
34. 做前鋒最緊要有力
35. 識轉身既前鋒好值錢
36. 後生、有身材、有活力
37. 當打、有態、有身材
38. 呢位球員打法好經濟
39. 呢隊波好有性格
40. 睇下隊波肯唔肯打d藍領足球
41. 場波已經擺左落雪櫃
42. o拿，傑仔！呢 D 咪就係好波囉
43. 波唔使講架，球迷自己識睇
44. 呢場比賽我只可以用「一個字」黎形容－精采
45. 嘩！睇呢場波就興奮過食興奮劑
46. 球迷們有福喇
47. 球迷們，足球就是這樣的
48. 好波不妨一睇再睇
49. 本死無大害
50. 在傷口上加鹽
51. 有時呢 D 野真係時也命也喇
52. 陰鳩裏反船
53. 西班牙球會奧沙辛拿（Osasuna）=「奧沙桑拿」
54. 新特“撚”
55. D 利物浦球迷唱緊佢地既會歌——你永遠唔會一個人行路
56. 呢場波利物浦唔理嬴幾多球，總之一定要嬴
57. 呢球波係咪真係紅軍既利物浦出界架？好似擦到藍軍球員既波襪架喎
58. 愛華頓呢隊波蔗渣o既價錢，但係踢出燒鵝o既味道
59. 巴路士，淨係識得一味去，冇諗過交俾身邊既隊友
60. 利物浦的巴路士同列斯的巴基．．．兩個都係姓巴．．．（英文名呀大佬）
61. 伯明翰同埋保頓，兩隊波都係「Ｂ」字頭
62. 保方保方，保住後方
63. 保定保定，保住就定
64. 梅度梅度，梅開二度，跟住加多句「林伯特差Ｄ入多球，變埋梅度」
65. 近排加利仔狀態唔夠fit呀–第一佢跑得慢！第二佢唔夠快！！第三無速度！！！
66. 呢球波史高斯好有機會入波，但係無機會起腳
67. 希斯基，力的表現！
68. 「O」雲仔
69. 呢球波「O」雲仔好巧妙咁編（騙）過對手
70. 「O」雲仔一心自己去，一定架啦．．．英倫三島的前鋒係唔會交波架．．．
71. 呢球波碧咸傳得好靚架，不過前面羅唔到咋嘛
72. 亨利：12碼都唔入，30碼又點會入呀
73. 柏金呢隻老馬就好似星期三晚夜馬隻駿先鋒咁，追極都追唔到呀！
74. 托度咁好波，D前鋒邊夠膽射佢呀
75. 你睇下簡尼，呢個角球，由頭到尾都望實個波，幾專注，所以係一級門將
76. 我鍾意泰利，因為佢頭鎚好，制空力強，跳得高
77. 哈素賓基個名咁長，個Shoulder冇返咁橫都印唔晒個名
78. 　（舒利亞控球失誤）唉，舒利亞老喇（舒利亞入球後）真係，呢d就係講卡士，累就累d，但係都仲有三分釘，拖住疲乏既身軀，仍然能射入一球。 http://www.youtube.com/watch?v=brVqc2avCL0
79. 沙華治係中場殺手，唔係情場殺手
80. 睇下巴布爾幾大力呀，條頸幾粗呀
81. 佢既全名係冼拿馬‧邦高利，如果是旦叫冼拿馬或者邦高利就係唔岩既，你有無人叫歐陽做阿歐架？歐陽就歐陽，司徒就司徒架嘛，佢就係咁樣樣喇，冼拿馬邦高利，冼拿馬‧邦高利，如果我今晚叫到你全名6次，我就請你食宵夜
82. Free．．．dle（注︰要拉長尾音）
83. 呢場波可能係英倫三島兩個最佳左後衛既對決（－阿仙奴對列斯－艾殊利高爾對夏迪）
84. 做唔成英雄，就做罪魁
85. 打波既野有時要睇餸食飯。
86. 單蹄馬
87. 球証巴巴先生
88. 唔會俾牌， 英倫三島既球證唔會咁易俾牌．．．真係比喎．．．球證太過嚴
89. 藍色衫打得好過紅色衫
90. 今日藍色波襪踢得好過白色波襪
91. 利物浦對 車仔：球場上一係藍衫，一係紅衫
92. xx球員，今日生日啦
93. 呢d波仲唔生日
94. （列斯領先2：1）領先緊一球就梗係同你死守，守住個勝果（紐卡素扳平2：2之後）拿，呢個就係打死守既後果
95. 阿仙奴開波幾分鐘就入波，好打好多。（被追和後）我都話，太早入波未必好架．．．因為有大把時間比人追丫嘛
96. 無論o係邊個時刻邊個時辰，英超既每一隊波都會有表現既
97. 領隊谷隊谷得好「應」！
98. ESPN－「超級星期天」變「和和星期天」
99. 呢D老鬼，食鹽多過你食米
100. 入到禁區就係皇帝
101. 又快又怪，推波出界
102. 大家都係巴西腳，所以知你想點去架啦
103. 奧尼爾開心到跳起，跳得高過NBA果個奧尼爾
104. 睇佐敦，有今生，冇來世
105. Let's go，rock and roll！
106. 哎o也！倒掛鳩勾！
107. 有今生冇來世呀喇．．．呢球波．．．嘩．．．神奇、頂級、超卓！（謝拉特在補時階段40幾碼拉弓離地抽射入網）
108. 百步穿揚即係跑左一百步之後射入咁解
109. 呢班人擊鼓．．．唔係鳴怨ma（佢自己都笑埋，果度係有班人半場休息時間係度打鼓表演）
110. 我覺得利物浦仲有2個機會去追平，就係「渺小」同埋「冇」
111. 可罰佢就唔罰（06／07 歐聯四強次回合利記對車仔）
112. 麥包「夾」火腿呀吓，le個呢係．．．兩個．．．藍色「夾」一個．．．嘩！呢塊火腿好大塊喎．．．嗱係好似整塊麥包火腿凸咗d火腿出嚟咁嘅樣（06／07 歐聯四強次回合利記對車仔）
113. 兩個人都唔夠佢高．．．（06／07 歐聯四強次回合利記對車仔）
114. 機會只得兩個—渺茫，同埋無
115. 碧咸係一個得隻右腳o既球員
116. 朴智星今晚食左兩支高麗蔘呀？咁好氣力既！
117. 記住係食高麗蔘，唔係花旗蔘呀！花旗蔘虛架！
118. 杜奧巴好勁，真係畀架巴士撞都未必死！
119. 準決賽梗係重要過決賽啦，因為贏唔到準決賽又邊有得打決賽呢！（好多年前的歐聯四強賽）
120. 好心啦，射死球中o下籠一次俾我地睇o下，精彩d好唔好呀？
121. 兩號球員
122. 又射左去天后廟
123. 呢個敗家仔，咁樣炒高
124. 呢位只係可以講話係死球處理者，唔係死球專家，因為佢未試過中籠
125. 波歷克兵臨城下，迎頂破網
126. 你睇佢唔似咁高，但係其實就係好高
127. 迪亞比．．．而家先23歲咋，陰功，效力左阿仙奴成3年啦（08歐聯決賽）
128. 馬基里尼係中場既警察
129. 球波唔夠頭先我食果條蕉咁彎
130. （場邊幾個穿曼聯球衣既球迷）黃興桂︰「o拿，呢d係曼聯球迷！」跟住畫面影幾個穿車路士球衣既球迷，江忠德話︰「咁呢d係車路士球迷！」黃興桂︰「梗係車仔球迷啦．．．唔通係間諜咩？」
131. 車路士班主艾巴謙莫域
132. 黃興桂︰「個個係咪油王個新歡？好似叫咩娃wo。」江忠德︰「你send個e-mail問下佢lo」
133. 著牛仔褲當兵
134. 個波係唔會講大話嘅，ball don't lie！
135. 我覺得上半場和過和味龍（08奧運）
136. 踢跌欄，無運行
137. 呢個係「路絲瑪莉韋達」（高八度聲線），唔係騎師韋達個女呀
138. 阿根廷已經領先兩「lup」
139. 觀眾知唔知第二第三係邊個？老實講，我唔知，麻煩觀眾email比我地知！
140. 邊個第二第三全世界唔知，我都唔知，睇埋慢鏡咪知羅
141. 9號風球，係屋企睇排球，唔洗2頭遊！
142. 2004年6月19日，黃興桂批評︰「捷克目前並非全無弱點，前鋒巴路士雖然有活力、具速度，可惜太過個人主義，踢法跟球隊格格不入，第一場比賽全因他在前線扭失波，令隊友回防不及才引致球隊落後，如果捷克想在今屆比賽有所突破，棄用巴路士或是明智之舉。」；2004年6月21日卻盛讚︰「捷克陣中最令人眼前一亮的球員是巴路士，這位在利物浦長居後備的射手，已證明有實力在國際舞台立足，令過往批評他的人大跌眼鏡。」
143. 犯上腦筋上既錯誤
144. 精彩既賽事唔好走開啦!(高八度)
145. 有運好過好波
146. 唔駛問阿桂，即係唔駛問我呀!
147. 呢d情況梗係瓜田李下走開先啦
148. 呢球波真係犀非利
149. 謝蒼天謝祖先
150. 呢位球員因為太好波 我一定要讀曬佢全名-祖連奴比南保簡奴
151. 第三有鬼用，阿茂記得邊個第三咩！(2008年奧運)
152. 賴恩巴布，我最憎呢個球員，正一斷纜王，我係領隊就唔出佢啦，睇下，又斷啦，哈哈哈(笑聲)
153. 黃興桂:「巴塞隆拿一定出線。」江忠德:「第一場分組賽咋喎。」黃興桂:「入唔到我請你食鮑魚。」江:「加埋翅。」黃:「無所謂...入到你同我做多場直播,ok?」江:「幾多頭先?」黃:「er...16呀..16唔差啦」江:「一於咁話。」
154. 黃興桂:「呢個係倒掛"金"鉤。」江忠德:「今次發音好準確。」黃興桂:「好好笑。」http://www.youtube.com/watch?v=_KNKPSwJ2AE&feature=related
155. 舒華沙係我隔離，等我問下佢既意見。(某年足總杯決賽)
156. 江忠德我幾時都話你係我最佳拍檔
157. 江忠德，依家下半場打了四十五分之一
158. 如果要加時變左睇唔到香港小姐，足球我就俾唔到貼士你，香港小姐就俾到貼士，我覺得七號可以贏 http://www.youtube.com/watch?v=YkERdxom2Lc&feature=related
159. 呢場波唔止rock&roll，仲係我們最後歐聯的探戈(2009年歐聯決賽)http://www.youtube.com/watch?v=fEir2hawY0I
160. 江忠德:「二比零啦。peter wong十五年歐聯啦，俾左你咩回憶?」黃興桂:「鄧麗君果隻歌，千言萬語.....不知道為了甚麼，憂愁著圍繞著我，又冇得同你講波，又冇歐聯，仲唔係千言萬語鄧麗君既名曲。」(2009年歐聯決賽)http://www.youtube.com/watch?v=gKVe4V7lPno&feature=related
161. 墨西哥既龍門就係一個字 - 短呀!(2010年世界盃揭幕戰)
162. 呢場波1:1，即係打成1孖臘腸!

相關條目

• 巴貝利