10261026

10261026（我叫做胖虎），Uwants會員，被公認為煩膠，曾經在Uwants休閒聊天發表的偉論。其偉論被改篇成潮文並在Uwants流傳。

其後於11月21日使用分身 駱應鈞 再次於Uwants休閒聊天發表偉論，展其肌肉之勁，媾女之強，可惜不足兩小時就被Uwants版主BTP，部份會員表示婉惜，因為「未玩夠」。

恐嚇武力介入高登

2010年6月3日，我叫做胖虎在 Uwants時事論壇帖子《[民生討論] 覺唔覺得高登係到荼毒緊香港?》（已被刪帖）中，聲稱代表 Uwants 全體正式向高登討論區開戰，引起高登人恐慌；報警撚隨即表示已報警，更有圖片證明。事後我叫做胖虎潛水，事件相關帖子被刪，事件亦因沒有受理而不了了之。其恐嚇內容：

「

我胖虎代uwants全體正式宣佈向高登開戰 放心,犯法野我係唔會做 而且我保證,不出三個月,高登將會消失 uwants將會再度遂鹿香港

」

聲稱將會武力介入高登

報警信 1

報警信 2

偉論原文

「

我d肌肉簡直完美 肌肉爆棚的我 可能會在網路上比你們串柒 但出到街 你地班孱仔我可以一拳一個 引用: 原帖由 HidE╭☆X-Japan 於 2009-11-6 10:19 PM 發表 你又唔係葉問 1打2都唔知得唔得啦 同你打,我贏緊 拎支槍你都淆啦 依家仲講好打,好笑 拎槍嫁喇,深山大野人 呢個社會唔容許持槍 所以我先練肌肉 就算你有槍 你都唔夠我d肌肉快 引用: 原帖由 柳媚 於 2009-11-6 10:55 PM 發表 唔好咁屈，拎郎基努斯之槍，算啦！ 我戴拳套 打爆你隻牙 引用: 原帖由 夜狼之嗥 於 2009-11-7 12:36 AM 發表 我係你千里之外 你可以點? 就算人肌肉幾發達 同野獸相比 跑又唔夠快 冇爪冇牙又唔夠力 結果點解宜家唔少野獸俾人馴服去做馬戲團 點解宜家有咁多動物園　係人困動物　唔係動物困人？ 只因為...人，係用腦的。 霍金同捉到野獸既人都會比我一拳打暈 佢地可以點? 個腦最後都係暈左 跟住死左 引用: 原帖由 葉問Max 於 2009-11-8 04:51 PM 發表 好打唔一定有肌。 你去定唔去？ 有無館？ 黎個注，打泰拳。 輸左$1000 有得打一定去 如果師兄你要打泰拳 留錢睇醫生好d 我玩死鬥的 唔知師兄捱唔捱得住 火炭拳館打 比電話約時間 引用: 原帖由 ktp21412 於 2009-11-11 11:55 PM 發表 無論你既肌肉幾強都好 喺呢個社會上 缺乏智慧 都只係垃圾一條 就算唔用槍 Strong acid alkaline都可以令到你 byebye 無謂再show你既"肌肉"啦 返去練好個brain再串下人 我個腦大你 ... 你個腦幾大都冇用 我一拳過 想唔想試?

」

金句

• 打架打架，一拳、兩拳、三拳
• 我要打架、打架，左直拳、右直拳、勾拳
• 打嬴左你，我唔威，唔通訓係地下既你威？
• 奧巴馬都打我唔死！
• 肌肉決定勝負係現實，冇得嘈的。
• 用個心去出拳.心呢個字好廣,可以係精神,意志,對武術既愛.一日打出一億拳表達你對機肉既愛
• 你當我胖虎係咩料?歷史話比你知,我胖虎咁多場杖都未怕過。最重要係未輸過

改版潮文

改版一

由Uwants會員飼主所創。

「

我條*簡直完美 精力爆棚的我 可能會在網路上比你們串柒 但出到街 你地班孱仔我可以一炮一個

」

改版二

由Uwants會員LAUSHING!!所創。

「

我d "9 "肉簡直完美 ,我正式宣佈水區所有肌肉佬都比我溝晒! 肌肉勁少的我 可能會在網路上比你們串柒 但上到網 你地班肌肉佬我可以一吊一個 如題!有冇人唔服!?

」

用個心去出拳.心呢個字好廣,可以係精神,意志,對武術既愛.一日打出一億拳表達你對機肉既愛<-----我叫做胖虎

相關條目

• 我d肌肉簡直完美