 |
後述條目或段落中，部分資料尚未查證或來源可疑，因而未能盡信。 確認討論頁有無相關討論，並勇於添註資料來源！ |
Gag讀作"gεk7"，通常讀成「get」去掉t音。根據劍橋網上字典[1]，「gag」解作「a joke or funny story, especially one told by a comedian」，意謂「笑話」。「gag」一字已融入廣東話，並衍生出其他港式英語。
「gag」字的意思[]
- 名詞用，指笑位，製造歡樂的場景，屬抽象名詞。英文意義為make jokes。例子：佢好鍾意搞gag。（說明他很喜歡製造笑位，為大家帶來歡樂。）而一個失敗的例子會變成爛笑話／冷笑話，英文可稱為sick jokes，俗稱「爛gag」。例子：唔好理佢啦，佢搞親都係爛gag。（指他不懂好好利用笑位。）
- 形容詞用，形容事情好笑，但卻帶點負面。例子：頭先真係好gag。（指剛才的情景很好笑，但這是因為一點點的無奈。）
- 形容詞用，形容事情令所有人覺得無奈，帶貶義。例子：佢一黎左，成個場即刻gag晒。（說明因為他的來臨，令場景冷清，使人無奈。）
- 形容詞用，形容人不太正經，有吊兒郎當之感。例子：佢份人好gag。（即他平日喜愛搞笑，然而卻令人聯想一位嬉皮笑臉的人。）
- 形容詞用，形容人講話沒有深度，膚淺。例子：佢真係越黎越gag！（說明他講說話漸漸不經大腦。）
- 如作動詞用，－「gagalize」中文譯意「gag」化，指把一件原本不好笑的事變得好笑。例子：佢真係好鍾意gaglaize件事。（他很喜歡gag化事情。）
- 名詞用，由（６）引申而成－「gaggalization」。意義指某人嘗試「gag」化事情的過程／步驟。例子：佢既gaggalization做得好差。（他把事情gag化的過程做得很差。）
- 可作另一名詞用，須作出變化，「gag」一字可引申成─「gagology」，是指「好笑學」、「gag學」。形容學笑話的學目。例子:佢既gag真係好好笑，實係gagology果度攞過第一名。(他的笑話十分好笑，一定曾在好笑學方面獲得過最高的學位。) *** 'gagology'為香港「潮語」!!!!!
注意：「gagalization」與「gag」是不同的
文法[]
「gag」字多作形容詞和名詞使用，多帶貶義，其他應用範圍較少。可是「gag」字形容詞詞意很廣，不能盡錄。
「gag」字不能作語氣助詞。
作名詞使用時，多數與動詞「搞」配搭。若想加上性質形容詞，可於名詞前加上「爛」字。詳細說明，請看意思（１）。
形容詞使用時，若想說明「gag」的程度，可用程度副詞修飾形容詞，如「非常gag」，「十分gag」。
形容詞亦可以重疊－AA地的模式出現（gag gag地）。但「gag」的程度卻不同，「gag」比「gag gag地」更「gag」。
「gag」字可帶賓語使用，如gag位。後面的賓語作輔助用途，說明物伴既屬性。然而，「gag人」此詞語卻不太通順，因此使用率比較低。
爛gag大全[]
以下是一系列常見的冷笑話。
問答篇[]
- 巴斯光年殺咗條龍之後自封為咩？殺龍巴斯（沙隆巴斯）。
- 條蟲爬去皇帝條Ｊ度，你估係咩？爬龍舟。
- 當你看完A片後要作什麼？看B片！VCD是分開兩隻的唷！
- 咩植物識溜冰？花，因為「花式（識）溜冰」。
- 皇后似咩？似廣場，因為「皇后『像』廣場」。
- 皇后的頭形如甚麼？形如馬頭，因為「皇后碼（馬）頭」。
- 咩玩具唔可以喺船玩？爆旋陀螺（「爆船」陀螺）。
- 有乜野慘過食屎？食兩舊屎。
- 郭富城唱《唱這歌》，去中國唱咩？唱（找換）人民幣。
- You go to a ball, but you do nothing, what will you do? Whole night stand。
- 有一塊火腿同一條腸仔放咗落同一隻鑊度，點解佢哋唔傾計？因為佢地未熟。
- 燒烤果陣最驚牛肉同你做咩？同你「扮熟」。
- 讀完中五（午）讀乜？讀下午。
- 點解唔可以喺船上講笑話？因為個海聽到會笑，咁就會引起海嘯。
- 食乜嘢昆蟲會瘦？蟻，因為「食蟻瘦（食蟻獸）」。
- 用身體上邊樣野可以修飾雙手？毛髮，因為「無法（毛髮）可修飾的一對手」（《真的愛你》歌詞）
- 機械人最鍾意扮咩？扮焦。
- 一加一幾時會等於三？錯個陣。
- 咩嘢係最和味？利疊利。
- 成功與失敗之間有咩必然關係？母子關係，因為「失敗乃成功之母」。
- 去小明屋企禁極門鐘佢都唔開，最後講左一句乜小明先去開門？「我來自德成」。（德成女傭廣告句子）
- 樹邊部份最得閒？葉，因為「葉得閒」（葉德嫻，香港七十至八十年代有名歌手之一）
- 原來「瑜珈」（儒家）的創辦人係兩個中國人，但係佢地只係創立左一大堆理論，佢地究竟係邊個呢？孔子、孟子。
- 達文西密碼上面是什麼？達文西帳號。
- 世界上最貴嘅係咩菜？係「巴菜」（巴塞隆納，一隊西班牙足球隊）
- 食得檸檬多會傷架喎，傷咩呀？傷心。
- 豬肉榮賣豬肉，菠菜蓮賣菠菜，咁衛蘭賣咩？「My （賣） love my fate」。
- 鯊魚食咗紅豆會變咩？紅豆沙（紅豆鯊）。
- 紅豆與綠豆打仗，紅豆派咩出征？紅豆兵（紅豆冰）。
- 檸檬最怕咩生果呢？柑！（柑橘檸檬）
- 估一句英文：「ABAABBBBBBBBABABAAAAAAAAABBBBBBBBBBBBABABAAABAAAAAA」。Long time no C (see)。
- 窩打老道的老豆叫咩名？窩打老豆。
- 甚麼男人會漏卵？梁公春溢（涼宮春日）
- 甚麼樣的爐最受小朋友愛戴？打甂爐？非也，麥當勞（爐）是也！
- 什麼交通工具最鍾意話人肥？直昇機！因為「fat fat fat fat...」。
- 揭開Yogurt面頭張紙會見到什麼？包青天，因為「開封Yogurt（有個）包青天」！
- 戰狼800為什麼最後剩下戰狼300？因為「伍佰」去咗唱歌。
- 湯告魯斯最後為什麼無死到？因為「最後無事（武士）」
- 知唔知滔滔用咩用到咁肥？Olay total（滔滔） effect（易fat）。
- 點解姚明要捉比卡超？因為姚明係火箭隊嘅。
- 波波、哥哥、科科一齊去番學，知唔知邊個會遲到呢？波波，因為波波池（遲）。
- 知唔知咩動物鐘意聞底褲？豹，因為豹紋底褲（豹『聞』底褲）
- 足球姓足，籃球姓籃，咁柔道姓乜？姓誕，因為「又到聖誕、又到聖誕……」。
- 廣東出冬瓜，廣南出南瓜，廣西出西瓜，廣北出什麼？廣北出聲（《講不出聲》，無綫電視劇《溏心風暴》主題曲）
- 冬甩嘅爸爸係邊個呢？多啦A夢，因為「冬甩嘅爸爸，冬甩嘅爸爸，多啦A夢」。
- 柴米油鹽醬醋茶，有邊樣嘢唔係來自80年代？油不是80年代（「又不是80年代」，《心急人上》的其中一句歌詞。）
- 有咩係唔可以雪凍既呢？秘密，因為「不能『說』（雪）的秘密」。
- 點解朱咪咪唔可以梳頭？秘密，因為「不能『說』的秘密」，國語讀成「不能梳的咪咪」。
- 大明養小明，咁邊個養大明？狗養大明，因為「久仰大名」。
- 香港邊度嘅人最鍾意搞爛gag？打鼓嶺，夠哂凍。
- 咩生果唔打字？蕉，因為不打自招（不打字蕉）
- 小明點解會跳得高過飛鵝山？因為飛鵝山唔識跳。
- 西餐廳餐牌上面，有邊種食物係由三個姓氏組成？羅宋湯。
- 叉雞同鵝少分6支可樂，點解分唔均？因為「鵝攞多支」（婀娜多姿）。
- 係邊度減肥難啲？倫敦，因為「慢瘦倫敦」（「曼秀雷敦」）
- 有個癲佬係架飛機度抌咗個滅火筒落嚟，點解？因為佢係癲嘅！
- 有個人跑跑吓突然死咗，點解？因為佢比上題個滅火筒壓死！
- 咩文具最正義？筆！因為見死不（筆）救。
- 究竟益力多係咩味架呢？係「你今日飲左未」。
- 最咸濕嘅粥？及第粥，因為「底」（偷看裙底春光）
- 咩爐係最臭？多士爐（多屎爐）。
- 小明係20樓跳落街，佢無死到，但係點解死咗隻雞？因為佢呀媽要劏雞還神。
- 蝦究竟冇乜？蝦無「太郎」（哈姆太郎）。
- 有個青年生得好似劉德華，但人人都覺得佢唔掂，點解？因為個青年係女人。
- 有乜野魚係學生唔食得嘅？東星班（don’t 升班）。
- 去完廁所，突然跌咗粒鑽石落馬桶，點算？（猜一香港地名）「don’t 沖」（東涌）。
- 有咩生果會貶值？蕉，因為朝不保夕（蕉不保值）。
- 有一日，食人族個族長病咗，個醫生叫佢食齋，佢可以點做？食植物人。
- 小明父母從小告知小明他有食藥都醫唔好的不治之症，那究竟是甚麼病？蠢，因為「人蠢無藥醫」。
- 點解玻璃咁值錢？因為「我哋玻璃可變鑽石」（《我至叻》歌詞）。
- 魚蝦蟹打交，邊個會輸？蝦，因為「蝦 no win」（Halloween，萬聖節）。
- 大雄成日上堂都比老師罰跪，回家之後向多啦A夢求救，多啦A夢會比大雄咩嘢法寶？
「自動跪完機」（自動櫃員機）。 - 知唔知呢個世界依家得番21個英文字母？因為ET搭UFO走咗嘛。
- 哪種有病的動物會寄居在人的五官內？生滋貓，因為「生滋貓入眼」。
- 金、銀、銅、鐵、錫當中，鐵是最惡的；我們四肢上哪一部分夠膽頂撞「鐵」的？手毛，因為「手毛」串「鐵」（手無寸鐵）。
- 看劍法要有劍譜，刀法看刀譜，拳法看拳譜，那麼腿法要看甚麼譜？利物浦（「浦」為「譜」的諧音）。
- 胖虎感冒，邊個最快比佢傳染？大雄，因為「惹」比大雄（野比大雄）。
- A至Z二十六條蛇，邊條跑得超慢？ Ｃ，因為「蛇C慢（佘詩曼）」
- TVB個個女人都索得，但係有一個唔索得，咁係邊個？謝安琪，因為「索kay（k）」。
- 如何用三盞燈及一張椅營造一個緊張的效果？「燈燈燈櫈」；古典名曲「命運交響曲」內經常出現。
- 咩生果有海？菠蘿，因為波羅的海。
- 點解10000至100000之間得89999個數字？因為董伯伯講過：「八萬五已經唔存在喇」。
短句篇[]
- 有一日公仔軟糖行行下路，行咗一陣，佢話：「我隻腳好軟。」
- 有一日小明行行下街果時覺得隻腳好酸，原來小明踩中咗舊檸檬。
- 有一個麵包，走著走著肚子餓了，於是就把自己吃了。
- 從前有個gag掉咗落地……無爛到。
- 小明成日上甜網，搞到成部電腦都係蟻。
- 從前有個人便秘，過左幾日……佢疴到好似開咗花灑咁！
- 從前，有一個好好味牌果汁咖喱，包裝上寫住「警告：不可食用！」，最後，王子同公主就過住好幸福嘅生活啦。
- 王子吻了公主，王子變了冬菇，公主變了雲腿，他們從此係煲仔入面，過住好焗嘅生活。
- 有一日，火柴人行行下街覺得個頭好痕，跟住搲搲（音「ＲＲ」）佢，之後個頭著火，咁就死咗嚕！
- 火柴人個頭著火，之後比人送左入醫院，醫生同佢包紮，咁就變左棉花棒。
- 小明自己做暑期作業，第二日就死去，因為自作業（孽）不可活。
- M記寫住「笑容免費供應」，小明就去同佢講：「唔該三個笑容拎走。」
- 兩條蕉係到行街，其中一條好熱除衫，另一條就咁扒街。
- 唔駛急，最緊要快。
- 老師問同學：「怎樣減少白色污染？」，同學答：「把飯盒做成藍色。」
- 有個人，他腸胃不好，一天，他來到胃病醫院看病，對醫生說：「我吃什麼就拉什麼，吃西瓜就拉西瓜，吃黃瓜拉黃瓜！」醫生想了想，對他說：「我看你只有吃屎了！」
- 飛機上，一位空中小姐問一個小女孩說：「為什麼飛機飛這麼高都不會撞到星星呢？」小女孩回答道：「我知道，因為星星會『閃』啊！」
押韻句篇[]
★☆★☆★《學生心聲》★☆★☆★
《返學篇》
晨早六點九，趕住著衫走
路口等小巴，車費又再加
爬到校門口，仲有幾層樓
見到訓導在，遲到又要再
望望班房內，竟然冇人在
今日第一堂，學生已發狂
漏帶一本書，九族都要誅
空堂唱下歌，傾計都唔多
科學孖連擊，聽極都唔識
跟住中文堂，擦鞋仔最忙
最後英文科，變曬做睡魔
打鐘各自飛，就咁又一 Day
返學半個月，怨聲已不絕
返學為左乜，日日被質
返學等放學，放學飲可樂
《學業篇》
這個中國人，真係失禮人
叫佢學語文，佢話佢低能
叫佢學英文，佢話冇可能
叫佢學計數，佢話周公到
《考試篇》
語文唔合格，我都冇辦法
英語唔合格，更顯我性格
數學唔合格，老師負全責
考試考得好，全靠隔離好
考試考唔好，都係你唔好
唔駛睇相佬，大家估得到
名人名字類[]
錯字變種[]
不知到由何時開始，高登人把gag誤寫為gap。同時，搞gag也變成了搞gap。雖然只是一字之差，但gap也可解作女性的陰部。此別字在有局外人的時候應特別注意它的使用，以免做成誤會。
關於gap的意思，請參考粗口。
參見[]
參考[]
2. GagNotes - http://gag.hea.hk