《hkgupload累我唔見左幾千萬生意潮文》為潮文之一，於2011年7月5日由高登會員 宮崎美穗 (會員編號:258072) 所原創的潮文。
潮文內容[]
|
是咁的，前排我作左個pkm故，都有唔少豐富插圖，只可惜一個決定令我恨錯難返。 一開始都無野架，幾好架嘛，跟住第一個post作到1x頁度啦，佢就係咁死啦，我即刻轉做imgur，希望無事，不過開頭果d文就load得好撚慢。 過左去既我比佢過去，我大方。但係大方，可以大方到幾時，你搞衰左我個開頭，就算之後作得幾好睇，幾咁搞笑都好啦，我都吸引唔到新讀者，死忠數十個都唔知有無。 最撚慘既事就係上個星期發生，負責pkm既果間日本公司game freak，有個人打比我，話好欣賞我個故，準備引薦比社長睇，如果ok會買埋我個專利，比一大舊錢我，我好撚開心，開心左足足成個禮拜，點知就係尋日，果條友又再打番比我，話社長一開我個post黎睇，只係見到一大堆[img]hkgupload.xxxxxx[/img]同埋漢字，話我好無誠意，係玩野既表現，之後好撚嬲咁扔左隻比卡超公仔落街，之後個男人就cut左我線。
|