Hoss攜嬰兒車乘九巴的不愉快事件發生在2008年7月3日，「Hoss」會員在親子王國討論區發表文章，指她在攜嬰兒車乘坐九巴時，和九巴司機吵架，最後一名好心人協助事主摺起嬰兒車，因而解決事主和九巴司機之間的糾紛；之後她向九巴投訴無果，因而在親子王國抒發不滿，結果她不但得不到網友同情，而且卻被一眾網友斥責，並批評其為「港女」及「巴士阿嬸」。
事主自在親子王國討論區發表《各位媽咪注意: 帶bb車坐九巴的不愉快事件》一文之後，隨即被 phoebelamlam (吳比比) 王國長老及其他會員出言中傷。最後引起了罵戰，跟著《各位媽咪注意: 帶bb車坐九巴的不愉快事件》一文被刪除。
有關事件已引起網民激烈討論，有網民批評事主小事化大，阻礙巴士司機開車。
文章內容[]
(本人"Hoss"住村屋一向都會駕車出入 , 近來老公要用車 , 自己想帶bb外出 , 只好帶bb坐巴士 , 點知遇到非常不愉快經歷 , 話說當日巴士到站 , 我就推bb同埋bb車一齊上車 , )
九巴司機 : 你抱起bb , 收起埋架bb車 ....,
hoss : 我一個人單手收唔到架bb車架 , 而且仲要抱住bb...,
九巴司機 : 你唔收起架bb車我係唔會開車...,
(跟住我將bb車先推去傷殘人仕位 , 司機就開車 , 行左一段路 , 司機開門行過黎我度 , )
九巴司機 :你要收起架車 , 呢個係公司定既 ,
hoss : 我真係收唔到 , 一個人好難收 , 仲要抱住bb
九巴司機 : 咁我幫你囉
hoss : 點解我上車果時你唔一早提出可以幫我 ,
(司機唔出聲 , 跟住想幫我收架bb車 , 點知佢唔識收 , 之後有個好心人行出黎 , )
好心人 : 我幫你抱bb , 你收起架車啦 , 我都知一個女人帶住bb做唔到咁多野架 , 等得幫你啦 ,
((其實我耐心千萬個唔願意比陌生人抱住bb , 但我受到巴士上乘客指罵(浪費時間 , 收起佢啦 , 麻鬼煩)受到咁大壓力只好將bb交比那個好心人抱 ,而我就收起bb車 , 我問司機係咪落車會幫我開番架車 , 司機話會 , 當然我係巴士一路打電話投訴 , 佢一路望住我 , 知道我投訴後就態度改變曬 , 仲好落力去幫我開番架bb車 , 既然我落車時佢有幫我 , 我都有同司機講"唔該"))
(當日係巴士我立即打去九巴投訴 , 九巴hotline先生話"當乘客上車時 , 司機一定要主動幫乘客收起bb車" , 之後記底我所投訴內容 , 會係十個工作天回覆我) 今日已經第九天
(我每一日都好想帶bb去街 , 因為車被先生開了 , 我只可以選擇坐巴士or的士 , 但坐的士真係好貴 , 來回都要一百多元 , 我再次打去九巴問九巴是否有指示乘客必需抱起bb收起bb車條例)
hotline歐小姐 : 你好!有咩幫到你
hoss : 想問問如果帶bb車上巴士 , 是否有指示乘客必需抱起bb收起bb車 , 係邊度可以見到呢條例架?
hotline歐小姐 : 麻煩你等等......""我地無呢條例 , 不過巴士係唔可以比超過一立方米x一立方米既物件上車 , bb車高度已經超過左一立方米 , ""我地暫且容許你地帶bb車上車"" , 你地要收起左bb車先上巴士"" hoss : 如果我一個人真係收唔到bb車 , 咁可以點做呀?
hotline歐小姐 : 咁你先將bb咩住 , 收起左架車 , 先帶bb同bb車上車 , 到適當時候先將bb放番落bb車 hoss : 但我身體有事 , 醫生話唔可以咩bb , 咁我可以點做?點解你同之前果位hotline先生講既唔同既 , 佢話司機一定要主動幫乘客架
(之後hotline歐小姐知道講錯左野 , 不停講唔好意思對唔住等字眼)
hoss : 既然你唔清楚自己公司既野 , 不如你幫我搵搵經理
hotline歐小姐 : 好! 你等等...
(等......等左好耐 , 終於經理元小姐聽電話)
經理元小姐 : 係...有咩幫到你
hoss : 我想問如果我一個人帶住bb又帶bb車上巴士 , 司機係咪會主動幫我收起bb車架?
經理元小姐 : 睇下咩情況啦 , 你要主動叫司機幫你
hoss : 咁司機會係咩情況之下唔幫我架? 佢會唔會拒絕幫我架 , 如果司機拒絕幫我,我可以點做呀?
經理元小姐 : 唔知架 , 都話睇下咩情況囉 , 佢唔幫你? 都係睇下佢用咩藷口,咩情況之下唔幫你
hoss : 下! 咁如果我真係要坐車咁點呀 ?
經理元小姐 : 你可以要求乘客或者司機幫你
hoss : 唔係掛 , 叫唔識既人幫我 , 而你公司司機唔會主動幫我,咁我試下出信去你公司同各大報章 , 我再想問如果我收起左架bb車 , bb車可以放係邊 , 而你公司無bb安全帶 , 我bb又可以點做?
經理元小姐 : 睇下當時人多唔多啦 , 你可以將bb車放係唔阻人既地方 , 而bb方面 , 我地公司覺得大人抱住bb係比較安全 , 當遇到突發情況 , 大人會好大力咁攬實bb
(之後講左一輪 , 經理元小姐唔跳點解突然又話 , "如果司機唔幫你你就記底個名打番黎啦 , 之後我自己唔想再講喇 , 因為九巴跟本都無解決((唔歡迎bb車坐巴士事件)) , 而且抱住bb係咪一定安全 , 係咪運輸署指引 , 佢又話只係公司覺得 , 唔係運輸署指引 , 依家我唔敢帶bb坐巴士 , 我好怕唔知會再有咩事發生)
事主回應[]
你好!
本人於今日3-7-2008 出post , 在"自由講場"有關此標題 (各位媽咪注意: 帶bb車坐九巴的不愉快事件 ) ,內容中有位 - phoebelamlam (吳比比) 王國長老及其他會員 , 回應內容中出言中傷本人及本人老公 ,希望baby kingdom能夠了解事件在言論中大家有意見我並不介意 , 但用詞方面要小心 , 此會員出言中傷本人及本人老公實在過份 , 而且此post在全職媽媽 , 及0707媽媽會都有post過 , 但被del了 , 為什麼只係有人回應經歷過同我發生一樣既事件d post就del曬 , 而留番一個指指罵罵既post係自由講場 , 是否為了吸引更多讀者? 相信問下收到杠人email已經將此標題 close了 , 但我要的不是close標題而了事 , 而是怎樣處理這些會員 , 貴網在雜誌上是數一數二的網站 , 現本人及本人老公被貴 網會員phoebelamlam 及其他會員出言侮辱及中傷 , 絕不能就此罷休 , 也不是close文章了事 , 希望得知該會員會怎樣處理及回覆有關跟進事件 , 雖然是網上世界 , 但本人並得知可以從法律途徑追究此會員
希望閣外能進快跟進事件及公正處理
本人在bk的名是 : hoss
聯絡電話 : xxxxxxxx (因為私隱問題並不能刊登本人的電話號碼))
謝謝!
hoss上
3-7-2008
事主網誌因被留言破壞而關閉[]
在事發當天，事主的Yahoo! BLOG被網友公開，之後以留言破壞，因而令事主被迫關閉網誌。[1]
結果[]
在2008年7月4日，phoebelamlam (吳比比) 王國長老向事主表示致歉，事件才得以平息。
網民意見[]
事主不應小事化大[]
有網民認為，事件中的九巴司機沒有做錯，因為九巴已規定了攜帶手推車上巴士的乘客要把車摺好才上車，而九巴司機也有權拒絕違反規定的乘客登車。據部分網民討論指出，事主是「有錢港女」，自己擁有私家車，而今次事件中，她因不能使用私家車而改乘巴士，之後卻向巴士司機投訴。
另外，有網民亦批評事主小事化大，阻礙巴士司機開車，並建議她下次遇到同類事件，應改乘計程車。
事主沒做錯[]
有支持事主的網民認為，事主並無做錯，事主一個人攜帶嬰兒外出的確非常辛苦，只是有部分網民在搞事，把事件小事化大。而事主在親子王國發文提醒其他媽咪，以及給準媽咪一點心理準備，是出於好心，令更多準媽咪知道乘巴士時要如何做才恰當，因此事主此舉並無不妥。
親子王國討論區處理事件手法受質疑[]
有網民批評，親子王國討論區在處理是次事件的手法出現問題，親子王國討論區的版主被網民懷疑把有關的文章刪除，就等同處理了事件，因而引起很多會員不滿。