John Mok

John Mok是一位學生，亦是變靚D/變型D的員工之一。

來龍去脈[]

John Mok(見圖)，香港網絡名人，轉載其生活點滴及如何白手興家的個人日誌(已關閉)於2006年3月30至31日其間，到訪人數由原來萬多人激增至四萬多人，同日亦成香港各大小討論區之討論對像，風頭可謂一時無倆，亦向我們証實了現今互聯網的影響力。

John Mok的遭遇，與在03年尾04年頭，於中國境內的芙蓉姐姐相似，她的網誌曾經試過平均每小時就有五千人到訪，其後更成為各類公開活動的表演嘉賓，最後更招至中共政府勒令傳媒對她的消息實行封殺，此舉引起國民與傳媒強烈不滿，將其視之為嚴重阻礙言論自由的決定。

兩件事情都教大家知道，如果想要出名，其實不用倚靠傳統如電視、收音機和雜誌這類媒體(成名以後才經該些渠道見街則另作別論)，只管看其方法。

http://xed.xanga.com/15fb34f03503229870329/t20897722.jpg http://xb4.xanga.com/1ebb07624813329870316/t20897712.jpg http://x80.xanga.com/dfcb3b634723229870297/t20897700.jpg

現在John Mok的個案正正體現出這種「獨立」精神，儘管他本人未必想一夜成名，話說回頭，要是他不想，卻又為何事事張揚？例如為一堆千元港幣大鈔拍寫真留念這些行徑，只是他沒料到竄紅速度真的可以這樣快而已，當然需要大量反對與支持者的相輔相成。

事件亦告訴大家，Weblog的定義已不再單單只是「網上日記」，而是一個挑戰傳統媒體的資訊平台。由於Blog操控簡易，用戶可上載文字、圖像、聲音甚至影片，亦即是說，當大家回家開啟電腦，單單以香港計算，已有過百萬的民用報章雜誌待大家細閱，甚至討論區留言板亦然。於是在一傳十傳百之下，John Mok要成名並非難事，只要他的舉動夠誇夠狠。

John Mok的出現並非無意義的事情，如果他的消息在任何媒界下突然被迫消失，其實與中共封殺芙蓉姐姐的例子無異。

個人金句[]

先求生存之道,後立不敗之地
1分運氣+100分天才+200分努力=1000分成功
才子就會睇番才子既作品
人望高處，憎人富貴厭人貧無意思
你可以當我係金礦，但係你要俾時間我去掘

第一條:錢是生命
第二條:女人是比男人差的生物
第三條:世上沒有做不到的事
第四條:要用上自己的性命去保護自己所愛的人

金句太多，未能盡錄。

口頭禪[]

好負面
LV味

受害者自述[]

受害人個案 2

呢條莫生既粉腸唔講我爭d唔記得左佢。。。想當年一個暑假(其實都係一兩年前)，我既一個補習學生打電話比我，話有份短期既暑期工介紹比我做。。。果陣時已經八月，諗住搵少少洗費等開學都好丫，所以就跟左佢去。。佢約我係旺角匯豐度等，而間野就係匯豐附近。

成個都係一個局，佢之前會講左唔少野比你聽，等你覺得見呢份工係一份普通既sales，見呢份工係會有難度。。佢會講唔少野比你記住(例如話係上市公司黎架，8079，又話佢老細年青有為)，而上到後又會扮忙咁要你坐低等佢一陣。

講真，我之前完全無諗過一間減肥野會係傳銷，話晒有肥媽做招牌喎，我係入到間房後，我竟然見到我個學生竟然入買黎一齊坐，我先至feel到係傳說中既傳銷格局(即係一間細房，有負責坤你既人同埋你既朋友等你唔好意思走)。

入到去後，佢不停咁講話呢間野係"燒才子"開既，證明佢唔係呃人，又講左d令人覺得燒才子好勁既說話。。。講完令你信服後，又再講下8079既服務有幾咁抵(話之前修身堂既人都係係到做，之前仲收緊幾萬蚊喎)。。。講完後。。就開始黎料喇。。

跟住講一d唔係好合乎邏輯既說話，似是而非咁舉例子話要你做用家先可以賺呢d錢。。我話我無，跟住佢話碌卡都得，仲知道大學信用卡有15000 limit可以用盡，佢話佢當年都係咁。。佢話至少都可以開個$2xxx既。。多d錢就進取d，少d錢就保守d。。。佢話呢d錢你當係做生意，因為之後sell比d師奶要用你買左既coupon當係贈品咁送。

跟住我好記得有一幕，就係佢見我不為所動，就羅張學生證出黎，證明佢係中大人(因為佢知我都係讀緊中大)，細我一年，然後用激脹法咁話"你無理事由會差得過我架？"。。。。見我都係不為所動。。。就無啦啦羅左個lv銀包同唔記得左係gucci定lv既公事包出黎，同我講話，"你都想用呢d架？"。。。。。

再見我不為所動，就懶係有野做咁行左出去，淨返我學生遊說我。。。講左兩三個字後，佢笑容滿面咁打開門行返入黎，我就即刻係佢打開門果一剎那走。。。

係果一剎，我記得佢個樣好難睇。。。

整個過程，為時大約75分鐘。。。。如果意志堅定既話，我不嬲都贊成d朋友上去聽下佢地講乜，因為從中學到唔少遊說技巧。。。。

ps 睇完個xanga後，我深深相信個xanga係佢用黎坤9人用，開黎比果d迷途既人睇，等佢地覺得做傳銷就好似佢咁發。。。。。

(copied from career group)

我唔想再有人好似我咁俾人呃, 可以話俾大家聽我個case係點

首先, 我從來都無諗過要做傳銷, 我係一個學生, 家庭得阿媽一個撐頭家, 好唔忍心, 成日都希望可以做pt幫輕屋企

呢個時侯John Mok 黎搵我, 初初話介紹氛pt job俾我, 因為我同佢以前係好朋友, 所以梗係好多謝佢啦

點知上到去一叫我開分, 我就知唔係路啦, 想走, 但係佢有同我講話我可以係街sell真正需要products既人, 如果有需求, 你去賣, 咁有咩問題? 我心諗, road show固然係辛苦, 但如果辛苦可以賺到錢幫屋企已經好好

點知, 我俾左錢之後, 佢地同我講, 一定要交"名單", 何謂名單? 唔該你寫晒你d大中小學同學, 朋友, 親戚既名同電話上去, 再分類, 邊D易tum D, 邊D無咁熟

嘩, 真係好嬲好唔開心, 我諗住sell街客, 唔係sell朋友嫁, 大家都係窮苦學生, 我就話家庭有需要要咁樣先俾錢後工作je, 但我D朋友好地地, 有咩理由要人碌幾萬Card數黎做我下線??

我相信有好多野比錢黎得緊要, 有d野唔係窮就可以賣, 一係賣身, 二係賣朋友

我唔肯俾人名單佢地, 佢地唔俾我做, nvd, 呢d公司俾我都唔做, 呢d人俾我都唔想識, 我而家都係做緊五分補習還o個條card數啦, 鬼叫心急搵錢同蠢容易信人咩, 大家千祈唔好學我喇

John對股票投資的看法[]

"...有個什麼樹仁少年股神ｉｖａｎ，個篇野我都覺得好搞笑，不過可以咁講，佢身家應該就係得隻二萬元既勞力士咁大把，香港地大把好似佢呢種吹自己有幾多幾多身家既人，真係笑死人，我都有買少少股票，但係我人本身實在d，我有自己既事業同投資，我ｄ錢唔係吹出黎既４５０萬股票，而係實實在在眼可以見到既名車同樓，個條友真係好老實講，可以收檔，佢既錢得來太易，如果佢認真去學多少少理財技巧，我諗我都會欣賞佢，不過佢識得自己去搵傳媒訪問自己，呢樣野我都覺得有少少值得欣賞既

唔好意思，第一次見面就咁大口氣，因為我平生就最唔鍾意個ｄ無料扮有料既人"

John對LV品牌的看法[]

1

"中大最近多左人用LV,不過老實講,好核突,其實用得LV呢D所謂貴袋,就唔該你全身都要著得貴

唔一定要價錢貴,係起碼要貴氣少少....班中大LV仔女,特別係Year1.....完全係度破壞緊LV呢個品牌

著到核核突突咁又去加個LV袋上身,大哥大姐,唔該真係檢點D啦,你咁著等於週圍同人講,我好窮....我儲左好耐錢,終於買到LV袋啦....頂....用得名牌又何必要咁樣出醜?LV都要講配答,唔該比少少品味出黎啦......唔好怪我咁直,因為最近見到太多

其實我自己都好鍾意著短褲,拖鞋,加個LV落樓下,呢D叫做Style,但係你打扮完都仲係成個MK Feel咁加個LV...

就真係好負面,我地可以叫佢地做無品味扮野一族.....扮野唔緊要,最緊要係有品味....

係度順便要提一個LV袋款,個名就唔講啦,但係呢個袋既特色就係非常大,但係賣得超平

只係三四千蚊,D人用呢個袋就最核突...仲要一睇就知係二手....

我就從來都唔會買二手袋,因為唔知咩人用過,怕整壞自己D皮膚...."

十九萬現金[]

(From John Mok's Xanga)

注意 : 以下文章有些英文字,非我表現英文,而是有些中文字不能顯示,權宜之計也

昨天因為我屋企其中一位無出息又唔生性既家人.....我母親

之前走去gambling,lose左成五十幾萬(小算)

而其中一條數十九萬到期要找....

(老實說我都覺得有點累...成日treat我係金礦....就算係金礦都要比時間我掘,比時間我回氣啦.......算啦,都唔想講咁消極既野...)

無錯,就係有條十九萬既數到期,仲要佢咁麻煩既人,就有D咁麻煩既單....

才仔又有,街數又有,卡數又有...仲要搞笑到自己走去同人講要用現金找數....shit...

所以我昨天就去左恆生銀行提現金....

銀行好多人,我就望下D員工,八位員入面竟然有一位特別靚既

我就心想 : 一定要係佢serve我,一定要係佢serve我~~!

點知真係佢serve我,真係開心,哈哈~(補充 : 佢真係幾靚架~)

佢見到我就說

"有咩幫到你呢?先生"

"唔該提十九萬Cash"

佢由滿臉笑容變成驚恐神色

"麻煩你身份證,先生"

我比左佢,佢望左都好耐下,然後就要我地址,phone number,咩都要一餐.....但係就係唔比錢我....佢仲叫埋位經理過黎.......阻住曬我D時間,咁我就話

"有咩事呢,???"

"因為你樣子同身份證的好唔同..."

"HA??咁我十八時影,同而家自然唔同,我二十一啦,你唔信,我唔戴眼鏡,搞下D頭發,你睇下似唔似lor..."

"我地唔係唔信你,只係想對清楚D資料而已,你咁既年紀提呢筆數都幾大..."

"HA?我有錢提D出黎都唔得架,我銀行存款最少都double我提既數啦,你唔信自己check下lor"

跟住佢就聚精會神咁唔知按咩制....

點知最後都係要我出招,我將中大學生證...

同埋做左無幾耐既回鄉證一齊比佢...佢先信我形像既轉變...唉...

"OK,咁可以既,麻煩你係提款單再加多一signiture"

之後終於搞掂,然之後就見到佢全桌位放滿曬一千蚊,數十九萬Cash比我....全場都望住晒.....

點知....提完之後已過左其他銀行辦工時間....即係找唔到D數...頂...

之後就將D錢拿回家去,得閒無事做之下突然想將D Cash擺曬開來睇下

之後仲影左幾幅相留念,我都真係未一次過提過咁多Cash出黎....

一萬元一pack的

其他圖片[]

[1] [2] [3]

外部連結[]

前任：特首曾蔭權 (高登會員)	高登每月之星 2006年3月	後任：高院法官