2007年3月5日，一名網友yukicheung，於heisshit.com發表一篇分享文章，自稱於一間跨國公司擔任Marketing管理層，內容談及她因工作關係，接觸到很多高質外國人，多年來認識到五個外國男友，簡稱「五國男友」。她又順序從香港男仕的身材、嗜好、學歷、性格及性技巧各方面與其「五國男友」比較，批評香港男仕一無是處，並表示其工作下屬因為「冇目標」及「冇用」，所以才一輩子要被她「騎住」。
yukicheung在heisshit.com的分享文章及其補充回應[]
| 「 |
我今年30，做緊marketing，已經去到管理層 因工作關係，接觸到好多高質外國人，咁多年來有過5個bf，2個美國既，1個法國既，1個意大利，1個日本 我發覺外國人好過d 港男好多 law，至少佢地個body大隻好多，高好多，唔會又瘦又白，好似日日匿係屋企打機上鹹網咁law。我d bf好多都係碩士畢業 ，絕對唔會讀埋d ive, high dip個d low b野，平日中意睇time, newsweek, economist，好少打機，我終於明日一個真正既男人係唔會成日打機同上網ga la 。性格方面更加無得比，gentlemen到爆 ，日本那個有小小大男人，但好有禮貌，好錫我 ，仲有外國人d kiss, sex技巧好多，好溫柔，永遠唔會當你係av女郎 講開港男，我都見唔少，好多都好冇用，冇目標，所以一世畀我騎住，做我下屬囉 ，我見過d kong u畢業既男人，都好不濟，點揀落手呀
add oil，我地香港女士是時候全面打入外國高檔market了
我識個d多數係香港、大中華區做野，佢地好多都中意中國文化，想學中文，得閒教下佢講廣東話都好sweet 不過佢地有樣唔好就係唔中意結婚，我都想有番個家ga ma:!: 反而港男的"文化背景"令我好難同佢地溝通，日日都係打機、睇漫畫
全球化年代，當然有國際視野比較好 要教中國文化，我都綽綽有餘，至少我會考中文攞A 唔通靠D港男咩？我有唔少男下屬連寫封信都錯漏百出，香港女士的文化修養平均高得多
一切都係市場決定 你可以結識外國女性，但港男行嗎 外國男士係熱情，但絕不猥瑣，會體貼人，港男.....av上腦 外國男士的風度是與生俱來，任何女士都會欣然接受 ，正如港男的小家猥瑣亦是與生俱來 |
」 |
網友反應[]
各界網友均齊聲炮轟，讉責其言論不但刻意貶低香港男仕，更「影衰」了香港女仕的文化修養；認為香港女仕一直飽受外界批評為「港女」，全因為有yukicheung一類的害群之馬造成。該討論更累積超過三百個回應。
- 網友回應1
Can you tell the different between sex and marriage? Of course you can't 晒命 because you are just pathetic. Go ask any girl in US, UK, Italy or Japanes, sleeping with 5 different boy friends from different countries? are you international public toilet? don't you hear some foreigner said HK girls are so easy and so cheap? Anyway, I'm sure your extremely open sexual attitude can help your career and I wish you good luck!
- 網友回應2
身為一位女性都睇唔過眼﹐而家係多倫多讀緊大學﹐有好多機會接觸到外國人 六年級已經移民都算半個加拿大人﹐但係我都唔會覺得外國人真係比香港人優秀好多 可能係你係HK接觸外國人面細﹐就一味話人好.... 你有無見過有幾多年過三十無所事事周街問人"do u have change?"既外國人﹖ 每個國家都有本身既問題﹐如果真係每個人都nice n' being a gentlemen﹐果個國家都俾人滅左啦 你又見唔見到幾多十零廿歲擔住飛煙爆晒粗既港女﹐我番HK見到都眼冤﹐又可以話只係一種性別有問題﹖ 況且你話大陸妹就一定係雞既言論﹐我真係估唔到30歲人會講D咁既野 無錯大陸可能窮D﹐教育機會少。但係加拿大讀大學TOP果D都不知幾多大陸人 (好多仲勁過外國人) 因為佢地肯work hard to achieve their goals﹐反而D HK人仲hea 我唔知你憑咩咁話人﹐中國亦有好多靚女﹐有東方美之餘身材仲好過HK girls﹐又體貼D (HK girls r too spoiled) 根據你既理論﹐外國人仲會鄙視香港女仔添﹐到時你都係時候去大陸揾番個....
- 網友回應3
永遠唔會當你係av女郎 ? 不當你av女郎難道當你老婆嗎? 好了,那幾個又kiss得又sex得的男人中誰娶了你當老婆? 現在還說要介紹給姊妹認識 你不是在害姊妹嗎???? 如果你嫁了個好老公還可以說介紹她們認識 但你介紹那些都是又kiss得又sex得又不娶你的男人 你也想將姊妹也變成援助交際花嗎?
- 網友回應4
在下中文程度不太高~但以一位中文A級的程度來看~張小姐的中文可真令在下深感驕傲~原來在下的中文水平屬S級~
- 網友回應5
仲有樓主講起 "globalization" 如果你真係抱住呢個心態 點解仲覺得香港男人咁差呢????
既然你講得出口, 眼光就應該放遠d 全世界有幾多地方既男人覺得一腳搭兩船係唔岩? 全世界有幾多地方既男人覺得養妻活兒係天經地義? 全世界有幾多地方既男人係奉行道德倫理? 全世界有幾多地方既男人係奉行男女平等?
香港男人比上不足, 但比下有餘, 你應該深思
- 網友回應6
睇左咁多頁, 真係唔多唔少對某d"港女"感到可悲, 特別係睇完樓主的偉論之後. 一向係cd-rom既我(read only)都終於要register.
我今年都33歲. 香港人, 但日本出生, 6歲返香港生活, 由15歲開始一直係加拿大生活直到26歲. 現家人係台灣(公司委派,已經4年了), 學歷. 香港華仁書院到F.3, 加拿大UBC畢業, 我都係做marketing, 一間國際貿易公司做Assistant Director of Sales.(Regional).
我有9成朋友係加拿大人, 工作上有6成美國人, 基本上我中文好差, 可以話識聽識寫但唔係太識講, (多謝金庸陪我一起學習,努力左好耐), 華人(hk, tw)加埋唔夠20個. 因為大家都以為我abc, 雖然我已經好努力去講中文.
我唔係好明點解你會覺得美國人好, 我印象中, 10個美國人有至少8個懶, 我公司d buyer(美國人)成日俾我鬧, 公司出錢你過黎, 野又唔做, 成日叫下面d人收爛尾, 公廠/client d email等成幾日先reply, 雖然私底下同你friend都幫唔落手. 我美國果邊d同事有d都係一樣, 做野慢, 夠鍾就走, 包括我個superior都係咁. 你有冇去過美國shopping mall, 我同你講一個experience, 全世界最大既Indoor Mall - West Edmonton Mall, 有一次我5:50去washroom, 6:05出黎全世界close哂閘, 表示d咩?
質數我未敢講, 華人肯定比洋人勤力.
男人的話,我覺得你差唔多係時候醒了, 或者需要Re-evaluation. 你既講法太主觀, 我真係好懷疑你點可以升到做呢個位, 你講既男人莫非就係你個鬼佬boss?
i.e 我同事一個月帶至少2個唔同既女仔返屋企, 問佢攪咩, reply," Those Chinese Chicks are hot man, plus, they just keep commin', I cant fooking help!", 有一次佢飲多左同我講一句"Dude, stop pretending you are Chinese when we're going party, you got Canadian passport and your english is probably better than mine. Those chicks do like us you know?", 我都好想只係佢一個係咁, turns out有一次有個friend結婚, 我地去bachelor party, 吹水先知有過半數有咁既心態, 賤d講, "Free Pussy, Just for fun, not for life"
當然, 每個地方都有好人既, 我有個美國friend都娶左個台灣妹, 6年啦, 有2個女. 感情很好. 我華人朋友少, 唔知, 但係係唔係華人比"鬼佬"衰? 我一d都唔覺, 你話IVE Cheap,我話你聽美國有好多college比ive cheap唔知幾多倍. 有時間出去見下世面啦, 你俾我既感覺只係一隻井底之蛙, 我一年出國3次 (唔計公司出trip - Germany, USA一年各一次) 都覺得自己見識唔夠多.
比我choose, 我唔會睇佢咩race, 香港女仔眼角高, 要求多, 管制嚴我已經領教過, 上年果個再加多一項"難纏", 真係嚇親, 但係美國人會背後桶你一刀都大有人在, 你話美國人一定好, 我都可以話香港女仔cheap, 問題係, 我唔會講出黎, 因為我覺得係我未搵到.唔係話咩race就係一定得
事件發展[]
2007年3月8日，香港蘋果日報刊登了yukicheung的文章，造成的回響更大。yukicheung隨即刪除其分享文章，更修改成以下字句： 「香港蘋果日報於2007年3月8日，在未經本人授權的情況下轉載本人的文章，並加以中傷和斷章取義，有損本人的專業名聲，本人對於由此所造成的損失，保留追究的權利。」 由於報導刊登了討論區網址，引來更多網友指摘，認為損害其專業名聲正是自己的分享文章，與他人無關。主角yukicheung從此不再回應事件。
事件的另一意義[]
yukicheung發表其偉論後，有網友首先於香港高登討論區張貼，並附上連結，由此引來一班高登網友 (俗稱高登大軍)到heisshit.com討論區炮轟，並在討論區內各個分區大肆破壞，不斷貼上帶有濃厚高登特色的無聊帖(俗稱膠post)，嚴重扭曲該討論區原來的討論氣氛，表示要繼she.com之後，攻佔及摧毀另一個港女大本營，引致heisshit.com人氣急升，報章亦有報導；其他大型討論區亦陸續出現yukicheung分享文章的轉貼連結，各界網友紛紛加入heisshit.com討論區評擊。
heisshit.com遭受「高登大軍」的侵略破壞，更聲言其網名冒犯男性；主人翁「hesheit」對大軍的敵意搗亂行為採取寬容態度，令不少大軍中人另眼相看，加上部份疑似港女的原網友已被大軍侵略行為嚇走或不敢發言，遂提出是否可以停止破壞，與heisshit.com討論區和平共處：
- 「我覺得呢個admin.都比好大自由度我地,唔0岩睇(明玩0野)0既post都只係delete,冇ban冇追究,我最憎0個D on9 forum D admin.,郁D就扣分ban人,on99 」
- 「佢既容忍度大到嚇我一跳,女人是比較忍得?,講真,我地o係第二度俾人ban左9世,咁算唔算以柔制剛」
- 「其實算啦,唔好再咬住個網名,我地入黎之前佢已經係呢個名, 冇理由要人地遷就我地去改名,而且都刻意有個 "?", 有一個反思既意義係度, 同埋入左黎, 大家都見識到呢度d人唔係當初想像中咁差,差果d已經嚇走左 / 唔敢出聲,剩返落黎果d都肯真心討論兩性關係,睇post舒服左好多,唔好挑剔喇...」
另一方面，各界網友加入heisshit.com亦以理性討論為主流，部份網友更是外國回流返港，見證到外國男仕不比香港男仕優勝，令一眾港女「外國月亮特別圓」的言論及美夢破滅，間接令討論區的氣氛漸趨和平健康，無聊帖、港男港女帖已逐漸消失。