Victor被爆照片一post
高登新聞：Victor辭職轟動高登
Victor辭職事件發生於2008年5月30日，高登會員綠色潛水艇（化名炭色陳信宏）在發帖時，在內文中貼有包含Victor Ip和其朋友的照片，令一眾高登人大為興奮；有網民指出，有關照片可能是在Facebook裡找到的，而高登會員聞膠喪膽在帖子內透露[1]，有關照片是在New Mini Club的網站中所找到的[2]。最後，事件亦促成了香港高登負責人Victor辭職的事件。
管理員宣佈辭職[]
在事發當天晚上，Victor於高登首頁發表聲明，指自己只是香港高登業務管理員，而並非一直被高登人玩弄的admin；為免影響其朋友，他宣佈在即日辭去香港高登所有業務職位。
首先，我希望大家知道本人是香港高登的負責人（負責香港高登業務的發展），並不是大家所認為的admin，基於近日有部份會員對本人的個人生活深感興趣，於互聯網追尋本人之資料，其中更有本人朋友之相片被披露，為免本人朋友因香港高登而受影響，本人決定由即日起，辭去所有香港高登之職務。
祝 所有會員健康快樂。
Victor
當事人道歉[]
始作俑者綠色潛水艇深知自己於是次事件中闖下大禍後，於當晚時間9點53分，於高登發帖向Victor作出道歉。[3]
我啱啱先返黎
未入吹水台之前見到個聲明
心知不妙
我估唔到會玩到咁大
我諗住反正肥V張相已經街知巷聞, 貼多幾張佢既生活照應該無乜野
最多俾佢BAN, 我都諗住被BAN好了, 所以我頭先都出左個TEST POST試下
點知係無, 我真係好內疚, 我玩大了, 對唔住
我同大家一樣以為肥V只係一個管理員, 無諗到佢只係負責高登業務
其實佢仲有一張同老婆既合照, 但我無諗過要貼果張出黎, 因為我唔想連累埋其他不相關既人
真係 我真係諗住大家笑下 我就俾ADMIN BAN, 就係咁多
肥V 如果你而家睇到呢個POST, 請你接受我既道歉, 我以後都唔再屌柒你了
但依後來對此事不以為然、甚至輕佻回應(參725高登免ISP電郵註冊事件)看來，綠色潛水艇對此事並無悔意。
會員反應[]
Victor辭職消息傳出後，會員紛紛挽留
自從Victor的聲明被發表之後，令不少高登會員同情Victor，甚至發表懷念文章，以及挽留Victor。不過，有部分高登會員指出，Victor在月底突然宣佈辭職，只是「月尾發功」上位的行為。會員牛腩3號則將有關Victor被起底的相片以 「打包」形式供會員下載。
另一方面，亦有高登會員指出是次的事件，反映了部分高登會員的偽善，以及他們的小朋友行為；而那些高登會員，只是爭著拍版主馬屁，好像2000fun一樣，畏首畏尾，充當道德西。
另外，高登電台會在2008年5月31日早上復播，以挽留Victor。
雖然如此，亦有言論稱，Victor發出的所謂「聲明」只是唬嚇高登會員的手段，讓他們及早收手。
而HKEPC在該事件發生後，三度出主題談及，但被版主封鎖。
報章報導[]
不滿網友起底 高登網主辭職
(明報) 06月 03日 星期二 05:05AM
【明報專訊】Emily近年發現，好多記者都會瀏覽網上討論區，一來搵新聞線索，二來睇吓網民對不同新聞嘅意見。芸芸討論區中，「香港高登」都算係相當多人捧場嘅討論區，一來夠人氣，二來班網民真係幾有創意，唔少留言都相當搞笑。最近高登又有新聞，話說被稱為討論區網主（admin）嘅Victor葉（圖），喺網頁宣布辭職，原因係不滿網友起佢底之餘，連佢朋友嘅相片都唔放過，Victor唔想朋友受牽連，就決定辭去高登職務。
身為網絡紅人嘅Victor透過聲明話，自己其實並唔係網友所稱嘅「admin」，佢只係負責網頁嘅業務發展。嘗試起佢底嘅網友見到Victor辭職，知自己「玩大咗」，立即留言道歉，亦有網友留言大讚Victor平日管理網站嘅「無為而治」政策，力挽佢留任，一時之間網站由平日嘅尖酸刻薄變得相當有人情味，認真少見。[4]
Victor被炒潮文[]
是咁的，我只不過係肥花鑊既打雜 (得閒delete 下你地d 甜相自己珍藏)，而唔係你地班毒撚所講既on99 admin 囉唔該！但係家下你地班撚樣硬係要話鳩我係技安，又響叮噹個網頁度copy 我張相，無撚聊聊有事唔做都算，但係你地連我老友大熊都起底就真係好撚仆街囉！佢搞基又關你地撚事咩？而家我老細叫我自ban account，你地好心涼啦！以為咪撚再搞我啦唔該！
但願你地班撚樣一世冇女溝！
另外，高登會員「撈衣域通」把家姐被炒潮文改成「Victor被炒潮文」。[5]
我大哥一路都在高登forum做admin
個forum有好多有錢人同名人上去屌人
做了很多年，已經是senior
咁多年黎都好俾心機做，老闆亦好like佢
因為收入不錯又隱定，大哥原本諗住同拍拖多年既gf結婚
咁多年黎我大哥成日俾人投訴
但佢同好多大客既關係始終都唔錯
前排網友綠潛去過我大哥個forum吹水畀人del post
不過del佢既不是我大哥，但佢一屌就屌左好多句
過左個幾星期，佢又再上高登改圖
上次del佢post果個Day-off, 咁我大哥就頂上del佢d post
開頭已經好有禮貌介紹d規矩俾佢, 仲話俾多次機會佢
佢就無乜反應，望一望另一堆網友
果堆客係花生友，三至四個，爆粗好大聲
綠潛就同我大哥講話可唔可以熄燈一陣
等佢專心改圖
我大哥同我講，佢公司一向唔俾佢地咁做
驚做壞個頭，除非真係有乜大人物，好多記者好混亂先可以咁做
但佢見到綠潛黑口黑面，都識做話打電話去問一問老闆
老闆梗係話唔得啦，至多del少佢幾個post
咁綠潛就發老脾，鬧到我大哥一面屁
d說話勁難聽，又話自己改既圖多過我大哥呢幾年影既相
我大哥都唔敢得罪佢，一味潛水
跟住綠潛畀人bam左，大哥就同老闆備案
老闆了解左情況就無再追問
過左兩日佢接到老闆電話話收到complaint
話有人投訴佢亂bam acct，唔理網友感受
公司policy一向唔話俾佢地知係邊次事件
我大哥估黎估去都淨係得失過綠潛一人
總之俾老闆話左兩句
又過幾日，綠潛換左個account又黎
這次和一堆花生友一齊，但好在成店都無其他道德西
我大哥怕又惹事，叫左個junior過去del d post
點知d花生友係要點起我大哥底
根住綠潛就玩野，貼相，仲話d相有其他親朋戚友響旁邊好過癮
要開post集中貼，我大哥雖然知公司唔俾咁做，
但怕左佢，唯有畀佢貼
點知貼左兩三張，張張佢都又恥笑又派膠
我大哥終於話唔好意思，其實唔可以咁做
(根本明知佢玩野啦.....)
又係至多del 少d佢開o既post
跟住班花生友就鬧我大哥話"係咪擺得上網都唔畀人轉貼呀?"
我大哥話唔係，但佢照屌
鬧左十幾板
d同事見咁潛晒水，又照屌
最終打俾老闆 備案
之後連收兩封warning letter
早兩日接埋大信封
年尾俾人炒左
音樂創作[]
高登會員曲 (會員編號:152096) 利用披頭四 (The Beatles) 的《Let It Be》歌曲，寄予新詞，改成《Let it V》，以紀念Victor。
圖片創作[]
相關條目[]
相關討論[]
- 高登：Vcitor 請不要離開我們！
- 高登：(集中討論!)Vcitor辭去所有香港高登之職務事件
- 高登：用facebook search 搵到疑似肥v 既profile
- 高登：Victor 辭去所有香港高登之職務
- 高登：(非搞事)肥V走人陰謀論
- 高登：我地要搵真既ADMIN出黎 幫VICTOR報仇 大家說對不對!
- 高登：一人一POST支持Victor唔走
- 高登：(推到1001) Victor唔好走區
- 高登：有冇人download哂肥V既相
- 高登：肥V走人關牛腩咩事
- 高登：高登需要一個烈士來試驗Victor是否真的離開了
- 高登：5月30日 肥V再次玩突出 成功月尾上位
- 高登：高登電台明早復播挽留victor
- 高登：永遠懷念 - Victor
- 高登：肥V唔好走呀:~(
- 高登：肥v事件見到高登多左好多小朋友同道德西
- 高登：(幻想撚)VICTOR會唔會用呢篇聲明封我地口,但繼續留任?
- 高登：(致高登負責人Victor) 你睇下幾多人支持你:)
- 香港膠登：Victor 相流出
- 香港膠登：Victor 新閃卡 改圖區